09/07/2025
❌❌❌რეგისტრაცია, პასპორტ კონტროლი გავლილი გაქვს, თუმცა ბორტზე არ გიშვებენ და გეუბნებიან, რომ მიზეზი არის ,,Overbooking”
✈️ავიაბილეთის overbooking ნიშნავს იმას, რომ ავიაკომპანიამ გაყიდა იმაზე მეტი ბილეთი, ვიდრე თვითმფრინავში არის რეალურად ადგილი. ეს პრაქტიკა გავრცელებულია როგორც ბიუჯეტურ, ასევე მაღალი კლასის მქონე ავიაკომპანიებში და ხდება გარკვეული გონივრული რისკის გათვლით.
რატომ ხდება overbooking?
ავიაკომპანიები ზოგჯერ ყიდიან მეტ ბილეთს იმ იმედით, რომ ესა თუ ის მგზავრი არ გამოცხადდება რეისზე (მაგ. დააგვიანდება, გადაიფიქრებს, სხვა რეისს აირჩევს, ავად გახდება და ა.შ.). ეს ეხმარება კომპანიებს, რომ თვითმფრინავი არ გაფრინდეს ცარიელი ადგილებით და მაქსიმალურად შეივსოს.
რა ხდება, როცა ყველა მგზავრი მოდის?
თუ ყველა რეგისტრირებული მგზავრი გამოცხადდა და ადგილი არ ყოფნით:
ავიაკომპანია იწყებს მოხალისეების ძებნას, ვინც მზად იქნება მოგვიანებით გაფრენაზე გადასასვლელად გარკვეული ანაზღაურების (ფულის, ვაუჩერის, კვების, სასტუმროს და სხვა სარგებლის) სანაცვლოდ.
თუ არავინ არ თანხმდება და ადგილები არ არის, კომპანია იძულებულია ზოგიერთ მგზავრს უარი უთხრას გაფრენაზე — ეს ე.წ. involuntary denied boarding ანუ იძულებითი უარყოფაა რეისზე.
შენი უფლებები:
თუ overbooking-ის გამო შენ არ გიშვებენ რეისზე:
ევროკავშირის და მრავალი ქვეყნის კანონმდებლობით შენ გაქვს უფლება მიიღო ანაზღაურება, დამატებითი მომსახურება (სასტუმრო, კვება, გადაჯდომა) და ხშირად — ფინანსური კომპენსაცია. ყველა ავიაკომპანიას აქვს შესაბამისი კანონით დადგენილი წესები, ამიტომ დაუყოვნებლივ უნდა მიმართოთ ავიაკომპანიის წარმომადგენელს.
პ.ს. ესეთ დროს, როგორც რეისის გაუქმებისას ტურისტული კომპანია არაფერ შუაშია და შესაბამისად, ვერ დაგეხმარებათ ზარალის ანაზღაურებაში, თუმცა ვალდებულია დაგეხმაროთ ავიაკომპანიასთან კომუნიკაციაში.
