17/10/2018
- გაიხალისეთ ცხოვრება !!!
- გარშემომყოფთა აბსოლუტური უმრავლესობა ჩივის ენერგიის არქონის, სწრაფად დაღლის, მეხსიერებისა და აზროვნების უნარის დაქვეითების, გაფანტულობის, გულისცემის გახშირების, დღისით თვლემისა და არტერიული წნევის მერყეობის თაობაზე, რაც თავისთავად იწვევს უხასიათობას, ნევროზს და ხშირ შემთხვევაში, უკიდურესად დეპრესიულ მდგომარეობასაც.
- შედეგად, როდესაც ამ მდგომარეობიდან გამოსასვლელად მიმართავთ ხოლმე ექიმებს, ეს უკანასკნელნი, ათასგვარი მეცნიერული ტერმინოლოგიით "შეიარაღებულნი" ("ვეგეტო - სისხლძარღვოვანი დისტონია", "ნეიროცილკურალური დისტონია", "ვეგეტო - ვასკულარული დისტონია" და ა.შ.) გხვდებიან თავ - თავიანთ კაბინეტებში და ამ დიაგნოზებისგან გულგახეთქილებს, მისაღებად გიწერენ აურაცხელ სინთეტიკურ ვიტამინსა და წამალ - სტიმულატორს.
- თუმცა, ექიმების გარეშეც შეგიძლიათ აფთიაქში შესვლა და ნაწამებ - დატანჯული გამომეტყველებით, შეკითხვის დასმა, - "რა გაქვთ ენერგიის აღსადგენად და ძალ - ღონის მოსაკრებად ???" და იმ წამსვე შემოგთავაზებენ ნაირ - ნაირ, იგივ სინთეტიკურ ვიტამინებს, წამლებს, სტიმულატორებს, "ჯადოსნურ" თუ "ტიბეტურ" ბალახთა ნაყენებს, "დამუხტულ" თუ "ცოცხალ" წყალს და თქვენ კი, ამ ყველაფრის საყიდლად სალაროში ფულის გადახდისას, დიდი კმაყოფილების გრძნობით ჩათვლით, რომ ამ ყველაფრის შეძენით, ეფექტურად იზრუნეთ საკუთარ ჯანმრთელობაზე.
- ცალკე აღსანიშნავია ყველა ის თქვენგანი, ვინც, უკვე აფთიაქმოვლილი, მთელი საღამო, ტელევიზორის წინ, ან სმარტფონით ხელში, წამოწოლილია და ჩიპსებთან, დამარილებულ თხილთან და ლუდთან ერთად, ექიმებისა თუ აფთიაქრების დარიგებისდა მიხედვით, კეთილსინდისიერად იღებს ამ სტიმულატორებს "ძალ - ღონის აღსადგენად" და "ხასიათზე მოსაყვანად" ...
- მოკლედ: ძალ - ღონისა და ენერგიის გამოცლის და აქედან გამომდინარე, უხასიათობის, ნევროზის და დეპრესიის გამომწვევ მიზეზად, მართლა შეიძლება რაღაც დაავადება წარმოჩნდეს, მაგრამ, ეს, იშვიათი შემთხვევაა და როგორც წესი, ამ ყველაფერის თავი და თავი, თქვენს მიერ არჩეული, ფიზიკურად აბსოლუტურად ინერტული, ყოველდღიური ცხოვრების წესის არსებობაა !!!
- როდესაც ადამიანი ცხოვრობს ე.წ. "მაღალინტელექტუალური ცხოვრების წესით" და შესაბამისად, როდესაც მისი ყოველდღიური ცხოვრება მოიცავს მხოლოდ სოციალურ ქსელებში ათასგვარი ჭორ - მართლის ძებნასა და გაზიარებას, ტელევიზორის ყურებას, სმარტფონს, უაზრო კამათებსა და კონფლიქტებს მეგობრებთან და თანამშრომლებთან, პერმანენტულად დაძაბულ ურთიერთობას ხელმძღვანელობასთან, მას, ნებისმიერ შემთხვევაში უყალიბდება ზემოაღნიშნული სინდრომები.
- უმნიშვნელოვანესია ის გარემოება, რომ ნებისმიერი ინდივიდის სოციალური ყოფიერება, მათ შორის, მუდმივი ემოციონალური დაძაბულობა, კონფლიქტური სიტუაციები, სხვადასხვა საინფორმაციო საშუალებით ყოველდღიურად მიღებული ათასგვარი ჭორ - მართალი და სისულელე, "მეთოდურად" სპობს მის შინაგან ორგანოებს !!!
- არადა, ეს ყველაფერი არ ემართებათ ფიზიკური შრომით დაკავებულ პირებს. სულ რაღაც 100 - 150 წლის წინ, როდესაც კაცობრიობის აბსოლუტური უმეტესობა დაკავებული იყო მძიმე ფიზიკური შრომით, ტერმინი, "ძალის გამოცლა", "ენერგიის არქონა" და ა.შ., არ არსებობდა: ადამიანმა იცოდა, რომ შრომის შედეგად იღლებოდა და ეს, ბუნებრივიც იყო. ეხლა კი, წუწუნი, - "ამ ერთი კვირის წინ, თანამშრომელს ვეკამათე და ეხლაც ძალაგამოცლილი ვარ!", "ამას წინათ, მეზობელმა ისეთი რაღაც მითხრა, უკვე ერთი თვეა, აზრზე ვერ მოვდივარ!", "სამსახურში სულ რაღაც ერთი საათით დაგვიანებისთვის, უფროსმა ისეთი საყვედური მითხრა, სამი ღამეა, არ მძინავს!", - არათუ ჩვეულებრივი ამბავი, მოდურიც კი გახდა საზოგადოებაში.
- მერწმუნეთ, როგორც კი მეყსეულად (!!!) შეცვლით ცხოვრების წესს, ანუ ყოვედღიურ ცხოვრებაში მეყსეულად შეიყვანთ სწორად (!!!) ვარჯიშსა და სწორად (!!!) კვებას, იდეაში, მაქსიმუმ, 2 კვირის განმავლობაში, ბოლომდე გაიქრობთ ყველა სინდრომს და გ ა რ ა ნ ტ ი რ ე ბ უ ლ ა დ გაიხალისებთ ცხოვრებას !!!
- ამგვარად იყო, არის და იქნება ყოველთვის !!!
- გაიხალისეთ ცხოვრება !!!
