ეთნო სოფელი "სისატურა" Ethno Village "Sisatura"

06/08/2026

ძალიან მიხარია, როცა სტუმარი სისატურიდან ზუსტად იმ განცდით მიდის, რისთვისაც ეს ადგილი შევქმენით.

სისატურა მხოლოდ ძველი ნივთები და შენობები არ არის. ეს არის ცოცხალი კულტურა, რომელსაც ყოველდღე ვცხოვრობთ. აქ ისტორიებს უბრალოდ არ ვყვებით ,ისინი ჩვენი ყოველდღიურობის ნაწილია.

როცა სტუმარი ამას ხედავს, გრძნობს და შემდეგ სხვებსაც სწორედ ასე უყვება ჩვენს ამბავს, ვარ უზომოდ ბედნიერი.

მადლობა ამ გულწრფელი და გადაუპრანჭავი ვიდეოსთვის. 🤍
SSoso Around The Worldoso Around The World

05/08/2026

Soso Around SAMEGRELO ❤️❤️❤️

მოვიდა, მნახა, შემიცნო, და გაგაცნოთ ჩემი თავი და სისატურა. არანაირი დადგმული სცენები და დუბლები ❤️❤️

დაჯავშნე მოგზაურობა ტურისტული კომპანია Around The World ის დახმარებ...

02/08/2026

წარმოუდგენელი სიხარულია როცა ხედავ, გესმის და გრძნობ, როგორი სიყვარულით ასრულებენ შენი ქვეყნის სიმღერებს უცხოელები. დაუვიწყარი საღამო სისატურაში, 🇨🇭❤️🇬🇪

01/08/2026

ჩემმა ჭინკა შვილმა ჯერ გერმანელ დოკუმენდალისტებს მოახსენა, თქვენო აქო პირველები კი არ ხართ, ჩვენო აქო "სოსო' გვყავდაო, ნეტფლიქსთანაც სულ სოსო ახსოვდა .

იცის ბავშმაც რომ მაგარი სოსო გვყავს, დარწმუნებული ვარ , საუკეთესო ვიდეო იქნება სამეგრელოზე.
ნუ მე ცოტა გიჟივით ვიქნები, შეცდომით მწვანედ შეღებილი თმებით და აბსოლიტურად გამოუძინებელი)) , მაგრამ ეგ არაფერი))

Soso Around The World

30/07/2026

მეგობრებო, ,,მზისკარი“ არის ტურისტული პროექტი , რომელიც აერთიანებს ადამიანებს, მათ ოჯახურ ისტორიებს, ტრადიციებს, მასპინძლებს და იმ ცოცხალ გამოცდილებებს, რომლითაც საქართველოს ნამდვილ სახეს ვუზიარებთ მსოფლიოს.

ჩვენ, „მზისკარის“ მასპინძლები, ყოველდღე ვცდილობთ, ჩვენი კულტურა ცოცხალი და გაზიარებადი გავხადოთ. ამიტომ მნიშვნელოვანია, რომ ასეთ საერთაშორისო სივრცეში საქართველოც ღირსეულად და ძლიერად იყოს წარმოდგენილი.

მხარი დავუჭიროთ „მზისკარს“ ევროპის კულტურული ტურიზმის ქსელის Public Choice Award-ზე.

თქვენი ერთი ხმა არის მხარდაჭერა არა მხოლოდ ერთი პროექტის, არამედ ქართული სოფლის, ადამიანების, ტრადიციებისა და იმ კულტურული გამოცდილებების, რომლებიც ჩვენს ქვეყანას განსაკუთრებულს ხდის. 🤍

აირჩიეთ კატეგორია:
“Creative Tourism and Co-Created Cultural Tourism Experiences”
და ხმა მიეცით „მზისკარს“. ☀️

მადლობა ყველას, ძალიან გთხოვთ გააზიაროთ 🇬🇪

We use necessary cookies to make our site work. We'd also like to set analytics cookies that help us make improvements by measuring how you use the site. These will be set only if you accept.

30/07/2026

კი, კი , ხარჩომ და მეგრულმა ხორცის სუნელმა გადარია ჩვენი უსაყვარლესი შაილინი ❤️❤️❤️

27/07/2026

🎬 საქართველო Netflix-ზე - საერთაშორისო შოუს ერთ-ერთი მთავარი ეპიზოდი საქართველოს მიეძღვნება.

ტურიზმის ეროვნული ადმინისტრაციის მარკეტინგული კამპანიის ფარგლებში, საერთაშორისო შოუს გადაღებები საქართველოში გაიმართა. პროექტის წამყვანი, ჰოლივუდის მსახიობი შეილინ ვუდლი, რომელიც ცნობილია სერიალიდან Big Little Lies და ფილმებიდან Divergent, The Fault in Our Stars და სხვა, გადამღებ ჯგუფთან ერთად საქართველოს სხვადასხვა რეგიონს ეწვია.

თბილისის შემდეგ გადაღებები სამეგრელოში, იმერეთში, სამცხე-ჯავახეთსა და მცხეთა-მთიანეთში გაიმართა. მსახიობი ადგილობრივ კულტურას, ტრადიციულ რეცეპტებსა და თითოეული რეგიონის თავისებურებებს უშუალოდ ადგილზე გაეცნო.

საერთაშორისო შოუს ერთ-ერთი მთავარი ეპიზოდი სრულად საქართველოს მიეძღვნება და ქვეყნის ტურისტულ, გასტრონომიულ და კულტურულ მრავალფეროვნებას წარმოაჩენს.

გადაღებული მასალა გლობალურ სტრიმინგ პლატფორმა Netflix-ზე განთავსდება და საერთაშორისო აუდიტორიას საქართველოს კიდევ უფრო ფართოდ გააცნობს.

25/07/2026

წლების წინ, როცა გადავწყვიტე ჩემი ბედნიერების გზა საკუთარ ფესვებთან, ბუნებასთან და ადამიანებთან კავშირში მეპოვა, სწორედ მაშინ დაიბადა სისატურას იდეა.
სადღაც გულის კუნჭულში მჯეროდა, რომ ეს გზა ერთ დღეს საოცარ ადამიანებს შემახვედრებდა. ეს უფრო ოცნება იყო, ვიდრე მოლოდინი.

ორი დღის წინ, ჭიშკართან, ორნახადი ჭაჭით ხელდამშვენებულმა გავიგე, რომ ჩემი სტუმარი ჩემი ერთ-ერთი საყვარელი ჰოლივუდელი მსახიობი, Shailene Woodley — ჩემი „დივერგენტელი“ გოგო იყო. ❤️

პირველი ემოცია რამდენიმე წამს გაგრძელდა… მერე კი დაიწყო მეგრული სტუმართმოყვარეობა…

ჭიშკართან მიღებული ერთი პატარა ჭიქა ჭაჭაც გეხმარება, რომ კამერების არსებობა დაივიწყო და უბრალოდ იყო ის, ვინც ხარ))

ვუყვებოდით ჩვენი ოჯახის ამბებს, ძველ რეცეპტებს, სოფლის ცხოვრებას. იყო ბევრი სიცილი, ემოცია, ცრემლებიც…

დღის ბოლოს ყველაზე მეტად მისი ადამიანურობა, უბრალოება და გულწრფელი ცნობისმოყვარეობა დამამახსოვრდა. ის უსმენდა არა მხოლოდ ჩემს სიტყვებს, არამედ იმ ისტორიებსაც, რომლებიც მათ უკან იდგა, გრძნობდა, განიცდიდა , იმახსოვრებდა.

თან წაიღო ჩემი ოჯახის ამბები, სოფლის ორღობეები, მეგრული სტუმართმოყვარეობა და, ალბათ, ჩვენი ბედნიერების რეცეპტიც.

ალბათ, სწორედ ამიტომ მიყვარს "სისატურა" , აქ ადამიანები ერთმანეთს სტატუსებით კი არა, ადამიანური #ისტორიებით ხვდებიან.

მადლიერი ვარ ამ დღისთვის.

მეგრული ისტორიები მალე 🤍

კი, ბედნიერი დღე იყო. ისეთი, რომელიც კიდევ ერთხელ გახსენებს, რომ როცა ფესვებთან, ბუნებასთან და ადამიანებთან კავშირს არ კარგავ, ცხოვრება ზოგჯერ იმაზე მეტს გჩუქნის, ვიდრე ოდესღაც გაბედე და იოცნებე.

დიდი მადლობა 🙏🏻 Mziskari • მზისკარი

ტურიზმის ეროვნული ადმინისტრაცია • Georgian National Tourism Administration

10/07/2026

Gym? არა… სოფელი.

☀️🌿 Where Work Feels Like Therapy