K領隊部落格

16/08/2011

[南極旅遊] 去南極旅遊是很多熱愛旅遊的朋友一個夢寐以求的旅程。在南極洲旅遊跟其他大陸有所不同，冰天雪地的南極洲是地球上未被開發和沒有本地居民的大陸，至今仍是原始生態、潔白無瑕，是一個不折不扣遠離人間煙火的國度。而到達南極，看到成千上萬企鵝群及海豹在白中透藍, 藍中帶綠的悠遊自得地生活，才真真正正領悟到這片遙遠神秘的南極真正主人是誰！
以不影響這片大地主人為原則，最佳欣賞的方法當然是拿出預先準備好的長鏡相機給他們拍個大特寫。
http://www.kuonitravel.com.hk/cht/holidays.php?channel_id=392 -tour
一齊看看南極主人的風采

06/07/2011

[南美巴西旅遊] 每年帶團到南美都好期待去參加熱情狂野，氣氛膨湃的巴西嘉年華，那種令人熱血沸騰的舞蹈音樂以及四周觀眾的歡呼叫喊，真是世上獨一無二只有這個一年一度全球最大的嘉年華派對。走到大會現場專為外國賓客的9號座區，近距離觀賞巡遊隊伍及巨型花車，一班班花枝招展的性感美女，扭臀大跳森巴熱舞爭妍鬥麗，加上節拍強勁的森巴音樂，就算是不懂跳舞的我，都會情不自禁扭動腰臀，揮動雙手，跟身邊的觀眾一起拍照！ 巡遊花車各有特色，有歐洲的，非洲的，當然不少得南美印第安人特色的，浩浩蕩蕩的車隊一架一架駛進來，隨後是一大班穿著像孔雀一樣的表演者，她們長長的尾巴都有豎立的羽毛，搖擺起來不經意散發出森巴舞的性感。
http://www.kuonitravel.com.hk/cht/holidays.php?channel_id=482 -tour

24/05/2011

[不丹王國旅遊] 踏進不丹王國可以說是進入一片人間淨土，雖然曾是世界最貧窮的國家，但從當地居民的臉上找不到一點憂愁，相反他們常常掛着由心發出的微笑，難怪人們都稱不丹為最快樂的窮國。
在這個美得像香格里拉的梯田或宗，從找不到一間紀念品商店；跟當地小朋友拍照後，他們從不會要求任何金錢回報;習慣在繁華的都市生活的我和一班團友，初初對這種純樸真有點不習慣，但漸漸發現一切回歸基本會有一種說不出的美，快樂亦由然而生，這種旅遊經歷是在其他地方找不到。
這位老伯令我想起龍珠漫畫的龜仙人，加上峭壁上的宗，一下子好像走進一個仙境般漫畫世界。
http://www.kuonitravel.com.hk/cht/tour.php?channel_id=3275

17/03/2011

擋不住紅色疾速的魅力 (By Bux Adbul - 中東旅遊專家)
[杜拜旅遊] 對於我身為一個帶團多年嘅領隊來講，這個景點都算好新;對於一個車迷來講，這兒係必到之地；對於法拉利愛好者，這座FERRARI主題樂園簡直係一處聖地！
好開心，今次能夠同時帶着三個身份到這個位於杜拜Yas Marina F1賽車場旁嘅全新Ferrari World主題樂園朝拜。天朗氣清嘅艷陽下，佔地廿萬平方公尺以法拉利GT跑車經典的雙曲線設計嘅鮮紅色屋頂，簡直奪去所有人嘅注意力。走進樂園門口，就聽到陣陣高亢嘅賽車引擎聲，仿佛進入一個蓄勢待發嘅賽車場。當然要跟這個紅得令人難以抗拒嘅 Ferrari World logo 影番張相啦！
係樂園內，最開心睇到法拉利唔同時期嘅經典跑車，以及曾經征戰賽車上嘅紅色戰車。
除左睇車以外，當然要試吓這個能夠係3.2秒衝刺到100km/h、極速240km/h、號稱全球最速雲霄飛車嘅Formula Rossa，見到大家玩到振臂高呼，不亦樂乎。玩過雲霄飛車，再試吓賽車模擬器，坐係司機位係賽道上飛馳，成個司機位會跟住賽道上下左右移動，鍾意賽車嘅話一定要試吓。
另外樂園內有Junior GT兒童賽車學校同Junior GP賽事，小朋友可以試吓駕駛縮小版嘅F430同小型賽車。
http://www.kuonitravel.com.hk/cht/holidays.php?channel_id=2213 -tour

24/02/2011

愛。旅行，愛。攝影 (By Ricky Chan, 澳洲旅遊專家) - 塔斯曼尼亞
澳洲塔斯曼尼亞被稱為「天然之省」，雖然係澳洲6個省之中最小嘅一個，但係都有60個香港咁大，而其中有40％嘅地方被列為國家公園範圍。當同一班鍾意大自然，鍾意攝影，鍾意旅行嘅團友一齊踏足這片自然美麗嘅土地，大家仿如走進一個風景如畫嘅仙景。
同一班團友係保存得完好而廣闊嘅古代雨林散步，欣賞和暖嘅陽光同翠綠樹林交織出來一幅幅迷人嘅圖畫，大家就憑着感覺隨心隨緣捕足眼前瞬間出現嘅美景，按下快門把最好嘅留下來。到草原上，好奇嘅袋鼠走過來查看我做什麼，當然把握機會將佢一臉問號嘅樣子拍下來。
http://www.kuonitravel.com.hk/cht/holidays.php?channel_id=324 -tour

19/02/2011

大自然雕塑家嘅鬼斧神工 (By Phoebe Lee, 澳洲旅遊專家)
[澳洲旅遊] 帶團多年同團友去過無數咁多嘅景點，漸漸發現有些大自然嘅景點係靚到唔需要用什麼長鏡專業相機，只要隨手拿起個 iPhone 都影到好正嘅風景相，而澳洲嘅十二門徒石就係其中之一。
十二門徒石 (Twelve Apostles)其實係一組穿出南大洋水面巍然聳立嘅巨型岩石，位於澳洲亞維多利亞州嘅大洋路邊上，亦都係坎貝爾港國家公園（Port Campbell National Park）一個主要嘅特色。
去到現場會見到一連串筆直嘅崖同彎彎嘅海岸，碧藍嘅海水拍打係岩石上面，激起雪白嘅浪花，如果天氣好的話加上藍天白雲，繪成一張美得難以筆墨形容嘅圖晝！如果想睇清楚 e 個大自然雕塑家嘅鬼斧神工，可以乘搭直昇機，從高空鳥瞰整條彎彎曲曲海岸線嘅優美。個個團友都話"正"！
http://www.kuonitravel.com.hk/cht/holidays.php?channel_id=324 -tour

09/02/2011

有時開心好簡單 (By Ken Lam - 郵輪旅遊專家) - 中東杜拜
[中東郵輪旅遊] 自己都幾喜歡帶郵輪團，始終坐郵輪比起坐旅遊車較舒適，而且在途中有好多難忘嘅經歷，可能只係一餐簡單嘅晚餐都會有令人意外嘅驚喜。話說同團友係 Costa Luminosa 郵輪餐廳一齊享用完豐富嘅晚餐，當大家閒談之際，音樂慢慢響起來，突然侍應生走過來邀請各人加入隊伍，肩搭肩跳著舞係餐廳內四處走。其實自己都不善於舞步，所以選擇拿起部 iPhone 把跳舞場面拍攝下來，漸漸越來越多人加入跳舞行列，有打著拍子，有高聲歌唱，個個臉上都帶著笑容，佢哋嘅舞步從地上嘅木板一下一下傳來簡直令我震撼，見到男女老少不分身份，都擺動身體，終於按捺不住放下iPhone加入跳舞行列，初初係有點拘謹，但係熱身過後就完全投入，忘記其他煩瑣事情，一起跳過痛快！
http://www.kuonitravel.com.hk/cht/holidays.php?channel_id=478 -cruise

01/02/2011

羡煞旁人嘅旅程 (By Patrick Yuen, 郵輪旅遊專家)
好開心帶到一個幸福滿瀉嘅團坐郵輪去玩北海道，海參威同釜山。團中有兩對度密月嘅新婚夫婦，剛剛忙完婚禮之大大小小嘅事，可以話身心疲倦之際，拖住另一半走上豪華郵輪，入到屬於佢哋兩個人嘅舒適房間，發現可以全程享受溫馨浪漫2人世界，完全唔需要煩惱搬酒店Pack行李，而航程中兩口子悠遊地係泳池邊有講有笑，真係羡煞旁人！
我哋坐個隻郵輪叫 Diamond Princess，有11萬噸，18層樓高，可以同時間招呼2千6百幾個乘客。其實有多大呢？睇吓佢泊岸時，同周圍 d 建築物比較一吓就可以知道。
講番d景點，最深印象就係北海道富良野個d花田，一大片色彩繽紛嘅花海紅橙黃紫樣樣有，女仕們見到都會笑出來，逗老婆開心就最好啦！
http://www.kuonitravel.com.hk/cht/holidays.php?channel_id=473 -cruise

11/01/2011

不一樣嘅富裕國度 (By Irene Ma, 亞洲旅遊專家)
汶萊係一個細小嘅南中國海國家，面積只有5,762平方公里，比起新加坡只係略大小小，但係汶萊石油儲量和產量僅次於印度尼西亞，係亞洲位居第二。石油為汶萊帶來巨大財富，從當地建築宏偉嘅清真寺，可以用45公斤黃金打29個圓拱金頂，就可以想像佢哋係幾富有。
雖然e個國家係咁富有，但係唔代表佢哋會聲色犬馬，花天酒地，相反因為汶萊係回教國家嘅關係，整個社會都很純樸，四周治安良好，環境整潔，而且也乎沒有夜生活可言，見當地居民亦安於現狀，樂在其中。
其實生活模式可以有好多種，係旅遊當中可以體會到唔同地方嘅生活，令自己對生活都多左一點點靈感。。。。。。
http://www.kuonitravel.com.hk/cht/tour.php?channel_id=2436

15/12/2010

土耳其加柏都斯亞奇石林
http://www.kuonitravel.com.hk/cht/holidays.php?channel_id=361 -tour

無憂無慮嘅聰明苯伯 (By Ernest Hsu, 中東旅遊專家)
每次同團友去到土耳其加柏都斯亞嘅奇石林，就不其然諗起小時侯好鍾意睇個套卡通片「聰明苯伯」男主角董輝同屋企人同朋友住個條石器時代嘅石屋村落。
奇石林其實係三百萬年前，由於火山爆發，熔岩同火山灰嘅覆蓋，再經長期風化侵蝕，變成各種奇岩怪石同埋波浪狀岩山，都算係天然嘅鬼斧神工，加上古時基督徒為左逃避羅馬政府嘅迫害，係D岩石開鑿左一間間居所同教堂。到e+石屋都變成酒店同Cafe。
可以走入e個奇石林就好似入左去董輝嘅世界，感受一下一個無憂無慮嘅卡通世界。。。。
http://www.kuonitravel.com.hk/cht/holidays.php?channel_id=361 -tour

30/11/2010

五星級嘅牧羊場 (By Amie Yu，澳紐旅遊專家)
新西蘭係一個羊嘅數量比人更多嘅國家，所以每次去新西蘭我最鍾意同團友到當地一d五星級嘅牧羊場參觀。牧場內蔥綠草木連綿起伏，各式各種綿羊同乳牛都係青草地上面悠閒地食草或者玩，我哋可以行埋去同佢哋影相。 跟住我哋會睇剪羊毛表現，一隻隻毛茸茸肥大綿羊乖乖咁走埋剪毛工人身邊，都唔洗一分鐘，佢厚厚嘅毛就俾剝左去，剩番光禿禿嘅身體，其實個樣都幾可憐。
http://www.kuonitravel.com.hk/cht/tour.php?channel_id=2099

27/11/2010

冰天動地的一刻 (By Jacky Cheung, 郵輪旅遊專家)
係電視睇過不少次冰川的景色，沒想過當親眼見到時是這麼震撼！我同團友在阿拉斯加一齊登上一艘11萬噸18層樓高的鑽石公主號郵輪，展開難忘的旅程。
當郵輪駛近冰河峽灣，眼前是高達二三十層樓高的冰川，我們18層樓高的郵輪頓時變得很渺小，正當我們靜心欣賞宏偉的冰川時，一塊巨大冰塊突然從冰川頂跳落海中，發出如雷巨響，仿如大自然向我們施展她的威力！
另外不得不提，阿拉斯加的長腳蟹真係好大隻，有我大半個人高，肉質鮮美簡值令人回味無窮！
http://www.kuonitravel.com.hk/cht/cruise.php?channel_id=2050