Sizin Bələdçiniz

02/12/2015

Gödöllö
Macarıstanın ən möhtəşəm saraylarından biridir. Budapeştin şimali-şərqində yerləşən Gödöllö kiçik şəhər olmasına baxmayaraq, Macarıstanın ən gözəl tarixi əhəmiyyətə malik olan sarayı məhz burada tikilmişdir.
Bu saray Kraliça Elisabethin (Sissi) və Francis Joseph (Macar Kralı 1867-1916) yay iqamətgahı olmuşdur. Tur zamanı, tarixi ornamentlərlə yenidən bərpa olunmuş sarayda Avstriya-Macarıstan İmpersiyası dönəminə əyani olaraq səfər etmiş olacaqsınız. Həmçinin səfər zamanı Kraliça Sissinin həyatının sirli məqamlarını öyrənə biləcəksiniz. Gəzintinin sonunda sarayın həyətində yerləşən kafedə çay süfrəsində əyləşərək keçmişə nəzər yetirə biləcəksiniz.
Bundan başqa Macarıstanın və Avropanın ən məşhur kənd təsərüffatı üniversitetlərindən biri olan və Macarıstanın ilk kralının adını daşıyan Müqəddəs İştvan Universitetini (SZİU) və kampusunu da ziyarət etmiş olacaqsınız.

02/12/2015

Kommunizmə Səfər
Tura qoşulmaqla 50 il kommunizm dönəmi ərzində yerli insanların həyat tərzinin necə olduğunu kəşf edə bilərsiniz. İkinci dünya müharibəsindən sonra Macarıstan kommunist ölkəyə çevrilmişdir. Bu mərhələ 1989-cu ilə qədər davam etmişdir. Budapeştin küçələrindən yığışdırılaraq bir yerə toplanılan nəhəng heykəllərin cəmləşdiyi Memento Parkına səfər edəcəyik. Səfər zamanı park ərazisində fəaliyyət göstərən mağazadan həmin dövrə aid antik əşyalar əldə etmək imkanınız da olacaqdır.
Həmçinin 1956-cı il inqilabının başlandığı yerə-Koşşuth meydanına da baş çəkəcəyik. Terror muzeyinə ziyarət etməklə, kommunizm dövrünü əyani olaraq özündə əks etdirən mühitlə rastlaşacaqsınız.
Əgər Macarıstanda daha çox zaman keçirmək istəyirsinizsə, əmin olun ki, yanılmayacaqsınız. Macarıstanının tarixi mədəni abidələri yalnız Budapeştdə deyil, bütün ölkə boyu yayılmışdır.
Onlardan bəzilərini Sizlərə çadırmaq üçün aşağıdakı turları nəzərinizə çatdırmaq istərdik.

02/12/2015

Kulinariya və Mədəniyyət gəzintisi
Vaxtını mətbəxdə keçirməyi sevən həmvətənlərimiz! Avropa turu zamanı Macarıstanda yemək fasiləsi vermək ən gözəl seçimdir. Zəngin Macar mətbəxinə səfər etmək sizin üçün ən yadda qalan anlardan biri olacaq. Belə ki, macar yeməklərinin, şərabının, qəhvəsinin dadına baxmaqla qədim macar adət-ənənlərinə canlı baş çəkmiş olacaqsınız.
Bilirsinizmi, 19-cu əsrdə əsası qoyulan Budapeştin Böyük Bazar kompleksi Avropanın ən qədim bazarlarından biridir. Bura yerli insanların həyatını, gündəlik məişət alış-verişini yaxından tanıya biləcəyiniz və eyni zamanda milli əşyaları, suvenirləri və qidaları ala biləcəyiniz ən münasib yerdir. Bilirsinizmi, Avropanın ən böyük Senaqoqu məhz Budapeştdə yerləşir.

02/12/2015

Budapeştdə Piyada Gəzinti
Gəzinti zamanı, Budapeştin ən qədim hissələrini kəşf etməklə yanaşı, əldə edəcəyiniz tarixi məlumatlar əsasında keçmişə birlikdə səfər edəcəyik.
Gəzinti şəhər mərkəzindən başlamaqla “Qəhrəmanlar Meydanından”, Ondraşşi prospektindən, Dunay çayı sahilindən, Müqəddəs Stephen Məbədindən, “Zəncir” körpüsündən və s keçməklə sizi Budapeştin qədim hissəsi olan Buda tərəfinə aparacaqdır.
Daha sonra funikulyordan istifadə etməklə, keçmiş Kral sarayına, Matthias Kilsəsinə, Balıqçı qalasına doğru irəliləyəcəyik.
Şəhər Parkında yerləşən qalaya da baş çəkdikdən sonra yekun olaraq gəzinti Buda tərəfində yerləşən Qalada yekunlaşacaqdır.
Gəzintilərin həmçinin Budapeştin əsrarəngiz işıqlı axşamlarından zövq almaq istəyənlər üçün axşam saatlarında da təşkil olunması mümkündür.

02/12/2015

Hörmətli Həmvətənlər,
Sizi qarşıdan gələn Dünya Azərbaycanlılarının həmrəyliyi günü və yeni il münasibəti ilə səmimi qəlbdən təbrik edirik. 2016-cı ilin hər biriniz üçün xoş və uğurlu keçməsini diləyirik.
Gənclərdən ibarət komandamızla Macarıstanın tarixi-mədəni yerlərində bələdçiniz olmaq bizim üçün qürurvericidir. Bizim əsas məqsədimiz Macarıstanda, özəlliklə də paytaxt Budapeştdə olacağınız müddətin daha səmərəli, əyləncəli və maarifləndirici keçməsini təmin etməkdir.

01/12/2015