Írlandsferðir - Ireland Iceland Travel

11/04/2020

Einn af uppáhaldsstöðunum mínum er Murcia Héraðið á Spáni. Þangað hef ég s.l. ár farið með minni hópa í t.d. hjólaferðir, vínsmökkun, heimsótt náttúruböðin í los baños de mula og hina helgu borg Caravaca De La Cruz. Fáir eru ferðalangarnir í þessu héraði og heimamenn algjörlega einstakir. Gestrisni sem ég hef aldrei upplifað annars staðar. Spánn berst með kjafti og klóm við Covid veiruna og ég vil senda þeim hlýja strauma um leið og ég óska ykkur öllum Gleðilegra páska! Við erum þrátt fyrir að hafa þurft að fresta ferðum sumarsins, full af elju og spenningi með nokkrar ferðir í haust sem við vonum að verði gefið grænt ljós á að fara í.

Myndbandið er tekið á einu af okkar uppáhalds Boutique hótelum sem liggur við rætur Sierra Espuña þjóðgarðsins. Þarna höfum við átt dásamlegar stundir og hlökkum til framtíðarinnar og fleiri heimsókna.

Bestu kveðjur til ykkar allra og gleðilega páska!

- Kristín.

10/04/2020

Það eru skrýtnir tímar og flestar borgir heimins eru nokkuð auðar þessa dagana. Mannfólkið er inni í húsunum sínum og það gefur dýraríkinu ákeðið frelsi. Þessi mynd var tekin í gærkvöld og sýnir lítinn borgarref við Ha'Penny brúnna sem svo margir af okkar viðskiptavinum þekkja frá Dublinarferðunum okkar. Daglega fara um 25000 manns þessa brú og hún iðar af lífi, kvöld sem daga. En ekki nú, Skolli hefur yfirtekið hana.

30/01/2020

48 ár í dag frá fjöldamorðunum í Bogside Hverfinu í Derry, þar sem 13 óbreyttir borgarar voru drepnir. Sá fjórtándi lést af sárum sínum nokkrum dögum síðar.

Ennþá má greina hversu ótryggt ástandið á Norður Írlandi í raun og veru er, þegar við erum á ferð með hópa um svæðið. Meðal myndanna er t.a.m. "Friðarveggurinn" í Belfast sem enn þann dag í dag skilur að hverfi Kaþólskra og Mótmælenda. Hægt er að loka hverfunum alveg með stórum hliðum og gerir lögreglan það gjarnan.

18/01/2020

Við elskum að ganga með viðskiptavini okkar frá bænum Bray yfir til Graystones. Hér er skemmtilegt myndband sem sýnir hluta af leiðinni sem tekur um 1,5 tíma. Rúsínan í pylsuendanum er svo að koma við á The Happy Pear veitingastaðnum í Graystone og fá sér bita.

25/10/2019

Írarnir kunna að segja hlutina :D

24/10/2019

Þessa dagana erum við að byrja að taka við bókunum fyrir hópa sem heimsækja vilja Írland 2020. Í gegnum árin höfum við þjónustað fjölmarga kóra, starfsmannahópa, vinahópa, fjölskyldur, saumaklúbba og félagasamtök sem heimsótt hafa eyjuna grænu heim.

Ef þú eða þinn hópur hyggur á ferð, endilega hafið samband við okkur. Við tökum vel á móti ykkur og sérsníðum allar okkar ferðir að hverjum og einum hóp.

Velkomin til Írlands!

21/09/2019

Falleg mynd af Dublin!

Wow this is one of our favourite drone shots of Dublin!
Excellent capture by over on Insta👌👏 Don't forget to tag us or use our hashtag to be featured on our Facebook, Twitter and Instagram accounts 😃

06/07/2019

Í kvöld erum við þess heiðurs aðnjótandi að fá að skipuleggja veislu á dásamlega fallegum stað á Írlandi. Veðrið leikur við okkur og allt er tilbúið til að taka á móti hópnum.

05/07/2019

Okkur hjá Ireland Iceland Travel, þykir alltaf gaman að koma í heimsókn í "James Joyce Tower and Museum", þar sem Joyce skrifaði fyrstu kaflana í Ódysseif, sem þýddur var á ógleymanlegan hátt af Sigurði A Magnússyni.

Við heimsóttum turninn á dögunum með hóp góðra íslendinga og fengum frábæra leiðsögn um króka og kima þessa merka safns.
Svo rákumst við einnig á þessar myndir þar sem stórstjarnan Marilyn Monroe les Ódysseif eftir James Joyce á Long Island í Bandaríkjunum árið 1955.

„Samkvæmt öruggum heimildum er [myndin] tekin á leikvelli á Long Island um miðbik sjötta áratugar síðustu aldar af Eve Arnold. Ljósmyndarinn og leikkonan hittust til að taka fremur dæmigerðar myndir af þeirri síðarnefndu. Á meðan myndasmiðurinn tók sér hlé til að skipta um filmu í vélinni greip Marilyn niður í Ulysses eftir James Joyce, sem hún var með í handtöskunni (betra kvenfólk er oftar en ekki með bækur í dömuveskinu), og var svo niðursokkin að Eve Arnold notaði tækifærið og smellti af.“

Mynd af Monroe: Eve Arnold.

05/07/2019

Við erum á ferð um Norður Írland með 50 manna fjölskyldu sem ákvað að halda upp á 80 ára afmæli ættmóðurinnar á Írlandi. Í dag skoða þau Belfast og á morgun á sjálfan afmælisdaginn sláum við upp veislu. Hér skemmta kynslóðir sér saman og Ireland Iceland Travel sér um allt utanumhald.

Til að toppa daginn hittum við Kristófer frá Hólmavík sem starfar sem þjónn á Europa Hotel. Allir glaðir 🙏