28/03/2025
بوست مهم لكل إلي ناويين يسافروا بالعيد عالأردن(العقبة) أو شرم الشيخ من خلال المعابر البرية.
⛔️أهم نقطة أنو بسبب الأزمات إلي بتصير بمعبر الشيخ حسين كل سنة، ما راح يسمحوا بمرور السيارات بمعبر الشيخ حسين من 27/03/2025 حتى 01/04/2025 وراح يكون المرور للمشاة فقط!
ركزت بهادا البوست أكبر قدر من المعلومات الي ممكن تساعدنا:
1. مهم ندفع رسوم المعبر (אגרה) من خلال الإنترنت من الرابط هون:
https://borderpay.metropolinet.co.il
2. رخصة سيارة بنترجمها بس عالمعبر, إعملوا حسابكم هادا الشي بياخد وقت.
3. إذا السيارة مش ع إسمك لازم تجيب توكيل من محامي أو كاتب عدل.
4. جميع المستندات لازم تكون أصلية وما بيقبلوا نسخة أو صورة عالتلفون.
🔹 معبر الشيخ حسين
⛔️هاي السنة ما راح يسمحوا بمرور السيارات بمعبر الشيخ حسين من 27/03/2025 حتى 01/04/2025، بسبب الأزمات الي بتصير وراح يكون المرور للمشاة فقط!.
تعالوا جاهزين مع 6₪ نقدي للباص الي بنقل الركاب للجهة الأردنية.
🕒 ساعات العمل:
حتى تاريخ 29/03/2025:
الأحد – الخميس: 08:30 – 16:30 (آخر دخول للمسافرين الساعة 15:30)
الجمعة: 08:30 – 15:30 (آخر دخول للمسافرين الساعة 14:30)
السبت: مغلق
من تاريخ 30/03/2025 حتى تاريخ 04/04/2025:
الأحد – الخميس: 08:30 – 18:00 (آخر دخول للمسافرين الساعة 16:30)
الجمعة: 08:30 – 16:00 (آخر دخول للمسافرين الساعة 14:30)
السبت (05/04/2025): مغلق
🔹 معبر العقبة – وادي عربة:
1. ممنوع دخول السيارات الي بتشتغل ع غاز.
2. بسبب منع مرور السيارات بمعبر الشيخ حسين متوقع يكون ضغط ع مسار السيارات بمعبر العقبة نصيحة خلي سيارتك برا وأدخل مشي وبالأردن بتاخد تاكسي، لأنو رسوم الدخول جدًا مرتفعة بالجانب الأردني تقريبًا 800₪ غير التأخير الي راح يكون بمسار السيارات، الأفضل والأرخص تترك سيارتك قبل المعبر وتستعمل التكاسي بالبلد.
3. مهم ما نصف السيارة بأماكن غير مخصصة لأنو كل سنة كثير ناس بياخدوا مخالفات أو بجرورهم السيارة. بتقدر تصف مجانًا بموقف مطار رامون وتاخد باص عمومي للمعبر، أو تصف السيارة بموقف المعبر بس ما بنصح أنو تركنوا عليه لأنو بالعيد بكون ملان.
🕒 ساعات العمل:
من الأحد إلى الخميس: 06:00 - 20:00
أيام الجمعة والسبت: 08:00 - 20:00
مرور السيارات ممكن حتى الساعة 19:00
🔹 معبر طابا:
1. صف سيارتك بمواقف مخصصة وما تاخد مخالفات، ممكن بموقف مطار رامون مجانًا وتكمل بباص عمومي للمعبر أو تصف بموقف المعبر بس ما بنصح تركن عليه لأنو بالعيد بكون ملان.
2. إذا ناوي تدخل بسيارتك لما تدفع رسوم العبور (אגרה) لازم تحدد إنك داخل بسيارتك، مسموح عبور بس 70 سيارة باليوم.
3. ممنوع دخول سيارات الدفع الرباعي 4X4 أو سيارات الديزل أو الغاز.
4. ممنوع دخول السيارات مع كاميرات المراقبة الأمامية أو الخلفية.
🕒 ساعات العمل:
من تاريخ 25/03/2025، المعبر مفتوحً على مدار 24 ساعة يوميًا، طوال أيام الأسبوع.
مع هيك مفضل نفحص ساعات العمل من موقع سلطة المعابر ما نطلع.
عطلة ممتعة وعيد فطر سعيد وينعاد علينا وع أهلنا بخير وسلامة.
