05/04/2024
*AMCRA RESOLUTION CHUNGCHANGA TBC CAR RENTAL STATEMENT*
_Dated 5th April, 2024_
All Mizoram Car Rental Association (AMCRA) ten Assembly April ni 4, 2024 zan-a resolution an siamah dik lo takin TBC Car Rental puh chhiat kan ni a. TBC Car Rental hi sawrkar in ‘Rent-a-Cab Scheme’ hnuaia dan leh hrai a siam zawm kim a, dik taka license a pek hmasak ber kan ni nghe nghe. Rental Firm neitu thenkhat, tlanna nei tha lo ten All Mizoram Car Rental Association (AMCRA) behchhana tlanna zawng a, thuneitute hmalakna ti thuanawp zawnga hma an la hi pawi kan ti takzet a, a hnuai a mi ang hian thudik zawk leh sawifiah ngai thenkhat kan rawn tarlang e.
1. TBC Car Rental hian k*m 2014 khan Licence neiin, k*m 2015 atangin sawrkar khuallian India President, Prime Minister leh Union Minister etc. te an lokalin hman thin kan ni a, duty an duh ulukin driver te pawh an fimkhur a ngai thin hle. Pathian leh kan driver te zarah heng duty-ah te hian hmingchhiatna lian tham leh mualphona kan nei ngai lo a, min hmangtute pawh an lawm ve thin hle a ni. Hengte avang hian mi rin kan hlawh phah vein kan motor hmang duh pawh an tam phah ve hle thin. Tuna AMCRA ten an puh hmingchhiat mek, Adviser to Chief Minister, Pu TBC Lalvenchhunga MLA a nih hma daih k*m 2019 MP Election pawh khan Observer motor hi a vaiin motor 29 kan lo pe tawh a. Tin, a chunga visit lian kan sawihoah khian motor 100 chuang te hial pek te kan nei thin a ni. Tun tum MP Election-ah hian Observer Pali (4) chauh an awm a. Liaison Officer (LO) motor te nen Motor 8 bakah Income Tax lamah motor 3, a vaiin motor 11 kan duty mek a, AMCRA in Election Official zawng zawng motor pe vek anga ngaih theih tura min puhna hi a dik lo a ni.
He thilah hian Adviser to CM, Pu TBC Lalvenchhunga (MLA) hian inhnamhnawihna pakhat mah a nei lo a, Election Observer te motor kan pe tihpawh hi a hre lo. Tin, keimahni ang tho a hetiang lama sumdawng, AMCRA chhung a mi, kan thian RR Car Rental te pawh election kaihhnawihah duty ve thoin kan motor pek aia tam an pe a ni. Hetiang a nih mek lai hian, RR Car Rental lakah hian AMCRA hian hma an la leh chuang lova. Hei hian a lantir chiang tak chu TBC Car Rental leh Pu TBC Lalvenchhunga tihhmingchhiat tumna liau liau a ni tih a tarlang chiang hle a ni. Pu TBC Lalvenchhunga mai bakah Pi Florence Lalrinpuii mimal hminga beihna lo lang ve ringawt pawh hi a pawi kan ti takzet a, AMCRA hian ngaihdam an dil ngei kan phut a ni.
2. Mi tute emaw in anmahni hmakhua chauh ngai a, Dan phuahchawp hmanga AMCRA kaltlanga Motor hire tir tumna awm anga lang hi a tha lo kan ti takzet a, hei hi nihna/thuneihna hmansualna zawkah TBC Car Rental chuan kan ngai a ni. State Transport Authority (STA) thuchhuak angin sawrkar department hrang hrang te leh Car Rental hmang duh zawng zawng te hian State Transport Authority (STA) in a pawmpui (Approved) Car Rental zing atangin an duh duh hmang turin zalenna an nei a ni. Inelna thianghlim awm se a hlawkna tel tur chu mipuite an ni a, Rental Operator te tana dan leh hrai zawm tur sawrkarin felfai takin a siam vek a, sawrkar hmalakna ring tawk lova mahni Association duhdana kal tumna awm leh inhung bing tumna awm hi sawrkar dan palzut naah kan ngai a ni.
3. AMCRA resolution hian AMCRA a kan tel ve loh thu a sawi uar hle a. TBC Car Rental hi AMCRA dintute zinga mi niin a meizanghlaptu ber kan ni thin. Vawiin a AMCRA a TBC Car Rental kan tel zui ve tak loh nachhan hi AMCRA Executive Meeting, August ni 18, 2023, AMCRA Office, Upper Republic-a neih chuan Rental dan diktak a registered (commercial) te chauh firm atanga duty tir tura kan rel fel hnuah, AMCRA member zing atangin VVIP duty-ah Dan lova private motor tir leh thin an awm avangin AMCRA hi tel zui zelna tlaka kan ngaih tak loh avangin k*m 5 chhung zet thahnemngai taka kan lo thawh ve tawhna chu kan chhuahsan ta a ni. State Transport Authority (STA) in Dan a siam zawm tha ber leh ngai pawimawh ber kan nih laia Dan ngai pawimawh lo leh palzamtu zawkin thil dik lo titu leh Dan zawm tha lo ang zawnga min puhlet hi pawi kan tiin a lungawithlak loh takzet a ni.
Tin, State Transport Authority (STA) atang hian Association din tura tih emaw AMCRA zawm vek tura tihna hi engmah a awm lo a. Rental Operator ten inthurual a AMCRA hi din niin, State Transport Authority (STA) hi AMCRA din a nih thu leh, din a nih hnuah meeting-a min telpui turin kan sawm ve chauh zawk a ni.
TBC CAR RENTAL hi lirthei a sumdawng kan nih angin mi zawng zawng hman duh tur leh thlan bik ni thei turin kan in zirtir thin a, mipuite tan theihtawp chhuahin tan pawh kan la nasa hle. Kan firm a rinna nghat a kan lirthei min hmansak thintute chungah thinlung takin lawmthu kan sawi takzet a ni.
Sd/-(TBC LALTHATLUANGA)
Proprietor,
TBC Car Rental,
Ch. Saprawnga Building,
Chanmari, Aizawl.
Contact : 9862367445/8974626947
