16/08/2021
*മോദിക്ക് പഴയ വാഹനമുടമയുടെ തുറന്ന കത്ത്...*
മിസ്റ്റർ മോഡി നിങ്ങളെ സമ്മതിച്ചിരിക്കുന്നു. രാജ്യം ഇത്രയും വലിയ ഒരു മഹാമാരിയിലൂടെ കടന്നുപോകുമ്പോൾ ജനങ്ങളുടെ ആശ്വാസത്തിനായി നിങ്ങൾ ചെയ്യുന്ന കാര്യങ്ങൾ ഭയങ്കരം തന്നെ. ഇത്രയും കുറഞ്ഞ നിരക്കിൽ ഇന്ധനം വിൽക്കാൻ മറ്റൊരു രാജ്യത്തിനും ഒരു പ്രധാനമന്ത്രിക്കും ഇന്നുവരെ സാധിച്ചിട്ടില്ല. അതിന്റെ പേരിൽ അങ്ങയുടെ പേര് ഗിന്നസ് ബുക്കിൽ വരട്ടെ എന്ന് ആശംസിക്കുന്നു. അതോടൊപ്പം ഇപ്പോൾ പ്രഖ്യാപിച്ച വാഹനം പൊളിക്കൽ നയവും അഭിനന്ദാർഹമാണ്. കാരണം പഴയ വാഹനങ്ങ പുറന്തള്ളുന്ന മാലിന്യങ്ങൾ കാരണം ജീവിക്കാൻ ഒരു നിർവ്വാഹവും ഇല്ലാതിരിക്കുകയായിരുന്നു. ഗംഗാ നദിയിൽ ഒഴുകിനടന്ന ശവ ശരീരങ്ങൾ ഒരു മാലിന്യമേ അല്ല. എന്റെ മോദീ ഇതും കോർപ്പറേറ്റുകളുടെ കയ്യിൽ നിന്നും കോടികൾ കൈക്കൂലി വാങ്ങി പുതിയ വാഹനങ്ങൾ കൂടുതൽ വിൽക്കാനുള്ള സൂത്രം ആണന്ന് ആർക്കാ അറിയാത്തത്. ഇവിടെ 20 വർഷത്തിൽ കൂടുതൽ പഴക്കമുള്ള വാഹനങ്ങൾ ഉപയോഗിക്കുന്നത് ആരാണ്. തീർത്തും പാവപ്പെട്ടവൻ. ഒരു ആശുപത്രി ആവശ്യമോ മറ്റോ വന്നാൽ പോകാൻ ഒരു വാഹനം വേണമല്ലോ എന്നു കരുതി പത്തോ മുപ്പതിനായിരമോ മുടക്കി ഒരു പഴയ കാർ വാങ്ങി അതിനെ ബെൻസ് ആയി കരുതി കൊണ്ടു നാക്കുന്ന പാവപ്പെട്ടവൻ. പെട്രോളും ഡീസലും അടിക്കാനും ഇൻഷുറൻസും മറ്റും അടക്കാനും പോലും നിർവ്വാഹം ഇല്ലാതെ കഷ്ടപ്പെടുന്നവർ. താങ്കളുടെ പ്രഖ്യാപനം കേട്ടപ്പോൾ തോന്നിയത് ഇവിടെ പാവപ്പെട്ടവരെല്ലാം വീട്ടിൽ പണം കെട്ടിവച്ചിട്ട് മാലിന്യമുണ്ടാക്കാൻ മനപൂർവ്വം പഴയ വണ്ടീം കൊണ്ട് നടക്കുകയാ ണെന്ന് . താങ്കളുടെ ഈ പൊട്ടൻ കളി ഇവിടുത്തെ പാവപ്പെട്ട ജനങ്ങളെ കരുതി ഇനിയെങ്കിലും ഒന്നവസാനിപ്പിച്ചു കൂടെ . സാധിക്കില്ല ഇല്ലേ ?കാരണം താങ്കൾക്ക് പണം തന്നു സംരക്ഷിക്കുന്ന കോർപ്പറേറ്റുകളെ താങ്കൾ സേവിക്കുക. പാവപ്പെട്ട ജനങ്ങളെ കൊണ്ട് നിങ്ങൾക്കെന്തു പ്രയോജനം അല്ലേ ? എന്നാലും പഴയ വാഹനങ്ങൾ പൊളിക്കുമ്പോൾ ഉണ്ടാകുമെന്ന് താങ്കൾ പറയുന്ന ഈ വികസനത്തിന്റെയും തൊഴിലവസരത്തിന്റെയും കാര്യം എത്ര ആലോചിച്ചിട്ടും അങ്ങ മനസ്സിലാകുന്നില്ല. 20 വർഷത്തിലേറെയായ വാഹനങ്ങൾ പൊളിക്കുമ്പോൾ ഉണ്ടാകുന്ന സാഹചര്യം ഒന്നു വിലയിരുത്താം
1. പഴയ വാഹനങ്ങളാണ് കൂടുതലായും ലോക്കൽ വർക്ക് ഷോപ്പുകളിൽ പണിയിപ്പിക്കുന്നത്. ഈ നിയമം വരുമ്പോൾ പൊളിക്കാൻ ഉള്ളതാണല്ലോ എന്ന് കരുതി 15 വർഷം കഴിഞ്ഞ വാഹനങ്ങൾ പോലും ആളുകൾ പണിയിക്കില്ല' . ചുരുക്കത്തിൽ വർക് ഷോപ്പു നടത്തുന്നവരുടെയും അതിലെ പണിക്കാരുടെയും പണി പോകും
2. പഴയ വണ്ടികളുടെ spare parts വിക്കുന്നവരുടെയും പണി പോകും.
3. ഇപ്പോളത്തെ രീതിയിൽ പഴയ വാഹനങ്ങൾ മേടിച്ച് പൊളിച്ചു വിറ്റ് ഉപജീവനം നടത്തുന്നവരുടെയും പണി പോകും
4. പഴയ വാഹനങ്ങൾ ഉപയോഗിച്ച് ചെറുകിട വഴിയോര കച്ചവടങ്ങൾ
നടത്തുന്ന ,പുതിയതു വാങ്ങാൻ നിവൃത്തി ഇല്ലാത്തവരും പ്രസ്ഥാനം നിറുത്തും. അവരുടെയും തൊഴിൽ പോകും.
5. പഴയ വാഹനങ്ങളുടെ കച്ചവടം മാത്രം നടത്തി ജീവിക്കുന്ന ചെറുകിട കച്ചവടക്കാരുടെ പണി പോകും.
6, പഴയ വാഹനങ്ങൾ വാങ്ങി സൂക്ഷിച്ച് പരിപാലിച്ചു പോകുന്ന പഴയ വാഹനപ്രേമികൾ ചങ്കുപൊട്ടി ചാകും
7, കൊറോണ കാരണം ഓട്ടം കുറവായതിനാൽ തവണ അടക്കാൻ ബുദ്ധിമുട്ടുന്ന വർ പുതിയ വാഹനം വാങ്ങേണ്ടി വന്നാൽ പണി നിർത്തി വീട്ടിൽ ഇരിക്കും.
അപ്പോൾ താങ്കൾ ഈ പറയുന്ന തൊഴിലവസരങ്ങൾ എന്നത് 15 ലക്ഷം വീതം ബാങ്ക് അക്കൗണ്ടിലിട്ടതുപോലെയും നോട്ടു നിരോദനത്തിലൂടെ കള്ളപ്പണം ഇല്ലാതാക്കി രാജ്യത്തെ രക്ഷിച്ചതു പോലെയും ഉള്ള ആനത്തള്ള് ആണന്ന് മനസ്സിലാകാതിരിക്കാൻ മാത്രം വിവരമില്ലാത്തവരല്ല ഞങ്ങൾ മലയാളികൾ.അല്ല അതും നിങ്ങൾക്ക് അറിയാവുന്ന കാര്യമാണല്ലോ. ഒരു സംസ്ഥാനം നിങ്ങൾക്ക് ഒരു പ്രശനമേ അല്ലെന്നറിയാം .കാരണം ഇത്രയെല്ലാം കാട്ടിക്കൂട്ടിയിട്ടും നിങ്ങൾ വീണ്ടും അധികാരത്തിൽ വരുന്നു. എന്നാലും ഇതുപോലെ ആളുകളെ പൊട്ടനാക്കുമ്പോൾ ഞങ്ങൾക്കു പ്രതിക്ഷേധിക്കാതിരിക്കാനാവില്ല.
ഇനി അമ്പതിനായിരത്തിൽ താഴെ വിലയുള്ള ഒരു പഴയ വാഹനം ഉപയോഗിക്കുന്നയാൾ അത് പൊളിച്ച് പുതിയത് വാങ്ങുമ്പോൾ ഉണ്ടാകുന്ന കാര്യങ്ങൾ ഒന്നു വിലയിരുത്താം.
1,ഏറ്റവും കുറഞ്ഞ പുതിയ വാഹനത്തിനു വരെ 4 ലക്ഷത്തിനു മുകളിൽ വില.
2, ഇൻഷുറൻസ് 25000 മുതൽ മുകളിലോട്ട്
3, ലോണെടുത്തു വാങ്ങിയാൽ ഭീമമായ പലിശ. പെട്രോൾ അടിക്കാൻ നിവൃത്തിയല്ലാത്തവൻ എങ്ങനെ Emi അടക്കും
4, വർഷാവർഷം സർവ്വീസ് എന്നു പറഞ്ഞ് കമ്പനികളുടെ പകൽ കൊള്ള.
5, ഒരു തവണ Emi മുടങ്ങിയാലുള്ള പിഴ പലിശ, ജപ്തി.
6, നിവൃത്തിയില്ലാതെ 2 വർഷം കഴിഞ്ഞ് കൊടുത്ത് ഒഴിവാക്കാമെന്നു വച്ചാൽ കിട്ടുന്നത് വാങ്ങിയതിന്റെ പകുതി വില.
7, Petty, Camera fine വേറെ.
താങ്കൾക്ക് ഈ പറഞ്ഞതൊന്നും മനസ്സിലാകണമെന്നില്ല. കാരണം ഇതു പാവപ്പെട്ടവന്റെ കാര്യമാണ്.
60 വയസ്സു കഴിഞ്ഞ താങ്കളെ പോലെ ഉള്ള നേതാക്കൾ രാജ്യത്തിനു വരുത്തി വക്കുന്ന നാശത്തിന്റെ ഒരു അംശം പോലും പഴയ വാഹനങ്ങളുടെ മാലിന്യത്തിൽ നിന്നുണ്ടാവില്ല മോടീ.
ഇങ്ങനെ ഒരു നിയമം നാപ്പാക്കുന്നതിനു മുമ്പ് താങ്കൾ അമേരിക്കൻ പ്രസിഡന്റ് അല്ല ,അനേകം ദരിദ്രർ വസിക്കുന്ന ഇന്ത്യയുടെ പ്രധാനമന്ത്രിയാണന്ന് സ്വയം മനസ്സിലാക്കൂ.
അല്ല മാലിന്യം അത്ര വലിയ പ്രശ്നമാണെങ്കിൽ പാവപ്പെട്ടവരുടെ പഴം വണ്ടി എല്ലാം എടുത്തു പൊളിച്ചിട്ട് ഓരോ പുതിയ വാഹനം Free ആയി പാവപ്പെട്ടവർക്കു നൽകൂ . അതു താങ്കൾക്കു സാധിക്കില്ലായിരിക്കും'. എന്നാലും അങ്ങനെ ചെയ്യുമെന്ന് പറയുകയെങ്കിലും ചെയ്യുക. അത് താങ്കൾക്ക് എളുപ്പം സാധിക്കുമല്ലോ.
ഒരു പഴയ വണ്ടിക്കാരന്റെ ഉള്ളിൽ താങ്കളോടു തോന്നുന്ന വികാരത്തിന്റെ ഒരംശം മാത്രം എഴുതി. ഇവിടെ നിറുത്തുന്നു.
ഒരു പഴയ വണ്ടി പ്രാന്തൻ
