11/12/2024
बिजनबारी: बिजनबारी क्षेत्रलाई पर्यटनको मानचित्रमा अघि लैजादै पर्यटनलाई बडवा दिने उदेश्यमा जीटीए पर्यटन विभागको मुख्य सक्रियता संगै दार्जीलिङ पुलिस तथा फ्रेस एयर भेल्ली संस्थाको मुख्य सहयोगमा युथ फर टुरिज्मको आयोजनामा बिश्वबिख्यात पर्वतारोहीहरू डा.हुकर तथा तेन्जिङ नोर्गे शेर्पालाई स्मरण गर्दै 9 किलोमीटर लामो "बिजनबारी हुकर हाइक " कार्यक्रम आगामी 12 दिसम्बरमा दार्जीलिङ पुलबजार खण्डको मोडल भिजेल लामागाउँबाट शुरू हुनेछ। बिहान 9 बजेबाट शुभारम्भ हुने उक्त कार्यक्रम लामागाउँबाट शुरू भएर विभिन्न गाउँ हुदै सिंहलिला राष्टिय आरण्यको प्रवेशद्वारा धोत्रेसम्म पुग्नेछ। मुख्य रूपमा उक्त कार्यक्रमको उदेश्य डा.हुकरलाई स्थानीय स्तरमा परिचित गराउने युथ फर टुरिज्मको पक्षमा मिङमा गिर्मी शेर्पाले बताएका छन भने उक्त कार्यक्रमको निम्ति जीटीए पर्यटन विभाग दार्जीलिङ पुलिससंगै कृषि विभागीय तथा क्षेत्रीय सभासद सतिश पोखरेलको मुख्य सहयोग रहेको उनले बताएका छन। यसका साथै यस कार्यक्रमा भाग लिन उनले सबैलाई अनुरोध गरेका छन।
