06/01/2026
Hijrah Walk Makkah Mukkarramah -Madina Munnwaarrah
ہجرت واک کا قافلہ 7 دن میں مکہ مکرمہ سے مدینہ منورہ پیدل پہنچ گیا
یہ بابرکت اور تاریخی سفر 22 دسمبر کو مکہ مکرمہ سے شروع ہوا اور 27 دسمبر کو مدینہ منورہ پہنچ کر اپنے روحانی اختتام کو پہنچا۔
اس مقدس سفر کے دوران تیرہ رکنی قافلے کو نبی کریم ﷺ کے نقشِ قدم پر ہجرت کے تاریخی راستے پر سفر کرنے کی سعادت حاصل ہوئی۔ قافلے کی بھرپور کوشش رہی کہ ان تمام مقاماتِ مقدسہ کی زیارت کی جائے جہاں رسول اللہ ﷺ نے سفرِ ہجرت کے دوران قیام فرمایا۔
ہجرتِ نبوی ﷺ محض ایک سفر نہیں بلکہ صبر، توکل، قربانی اور یقین جیسی عظیم اسلامی و انسانی اقدار کو دلوں میں زندہ کرنے کا عملی پیغام ہے۔
اللہ تعالیٰ کے فضل و کرم سے یہ سفر نہ صرف جسمانی بلکہ ایمانی اور روحانی اعتبار سے بھی ایک عظیم اور یادگار تجربہ ثابت ہوا۔
میسج ٹی وی نے اس پورے سفر کی جامع میڈیا کوریج کی ہے، جو ان شاء اللہ جلد نشر کی جائے گی۔
اس مبارک سفر کی قیادت انگلینڈ سے تشریف لائے مولانا زکریا محمد اور ان کی ٹیم (الاعانہ ہیومینٹی ویلفیئر) نے فرمائی۔ اس قافلے میں انگلینڈ، انڈیا، بنگلہ دیش، دبئی اور امریکہ سے تعلق رکھنے والے افراد شریک تھے، جو امتِ مسلمہ کے اتحاد اور اخوت کی خوبصورت مثال ہے۔
اس بابرکت سفر میں شہرِ گلبرگہ سے
#میر مطہر علی خان
(السعید ٹورز اینڈ ٹریولز)
(MMK Travels Services)
کو بھی سفرِ ہجرت میں شرکت کی سعادت حاصل ہوئی۔
اللہ تعالیٰ سے دعا ہے کہ وہ اس مبارک سفر کو اپنی بارگاہِ عالیہ میں شرفِ قبولیت عطا فرمائے،
قافلے کے تمام شرکاء کی محنتوں، قربانیوں اور نیک ارادوں کو قبول فرمائے،
اس سفر کو دنیا و آخرت میں کامیابی، برکت اور نجات کا ذریعہ بنائے،
اور ہمیں بار بار حرمین شریفین کی حاضری اور حضور اکرم ﷺ کے نقشِ قدم پر چلنے کی توفیق عطا فرمائے۔
آمین یا ربَّ العالمین۔
