നമ്മുടെ ജില്ല ഇടുക്കി
പ്രകൃതി അതിന്റെ സൗന്ദര്യംകൊണ്ട് വിരുന്നൂട്ടിയ, കോടമഞ്ഞും മൗനവും പുതച്ചുനില്ക്കുന്ന, മലകള്ക്കുള്ളില് ഏലത്തിന്റേയും തേയിലയുടെയും കാപ്പിയുടെയും ഗന്ധം നിറഞ്ഞുനില്ക്കുന്ന ഇടുക്കി.
ഇടുക്കിയുടെ സൗന്ദര്യം പറഞ്ഞറിയിക്കാവുന്നതല്ല. അത് ആസ്വദിച്ച് അനുഭവിച്ചറിയണം. കോടമഞ്ഞും മലമേടുകളും നിത്യഹരിത വനങ്ങളും വന്യജീവികളും എണ്ണിയാൽ തീരാത്ത വെള്ളച്ചാട്ടങ്ങളും ഡാമുകളും നിറഞ്ഞ മനോഹരമായ ഒരു
സ്വപനഭൂമി തന്നെയാണു നമ്മുടെ ജില്ല. വിനോദ സഞ്ചാരികൾക്കെന്നും പ്രിയപ്പെട്ടവൾ ആണു നമ്മുടെ മിടുക്കിയായ ഇടുക്കി.കോടമഞ്ഞില് പൊതിഞ്ഞ റോഡിലുടെയുള്ള യാത്ര ദൂരകാഴ്ച്ചയുടെ സുന്ദര്യവും വിശാലവുമായ പ്രകൃതിയില് കോടമഞ്ഞ് തെന്നി പറക്കുകയും ചെയ്യുന്ന മനോഹരമായ കാഴ്ചകൾ നമ്മുടെ കണ്ണുകൾക്ക് കുളിർമ്മയേകും.
കേരളത്തിലെ സഞ്ചാരികളുടെ പറുദീസാ ഏതാണു എന്ന് ചോദിച്ചാല് ഒറ്റ ഉത്തരം മാത്രമേയുള്ളൂ അത് മലനിരകളുടെ റാണി ആയ ഇടുക്കി തന്നെ ആണ്. പ്രകൃതി രമണീയമായ ഇടുക്കിയിലെത്തുന്ന വിനോദസഞ്ചാരി ലോകത്തിന്റെ ഇതു കോണില് പോയാലും ഈ വന മനോഹാരിത അസ്വദിക്കാൻ വീണ്ടും മടങ്ങി വരും. അത്ര മനോഹരമാണ് ഇടുക്കിയുടെ വശ്യത. വന്യമൃഗ സംരക്ഷണ കേന്ദ്രങ്ങള്, ഹില് സ്റ്റേഷനുകള്, അണക്കെട്ടുകള്, ട്രെക്കിങ്, വെള്ളച്ചാട്ടങ്ങള്, ആനസവാരി തുടങ്ങി സഞ്ചാരികള്ക്ക് പ്രിയപ്പെട്ടതെല്ലാം ഇടുക്കിയിലുണ്ട്.
ഇടുക്കി എന്നും നമ്മുടെ സ്വകാര്യ അഹങ്കാരവും അഭിമാനവും ആണു.
ഇടുക്കിയുടെ സ്വന്തം കൂട്ടുകാർ
