28/08/2024
ജീവിതമിങ്ങനെ കണ്ടുമുട്ടലുകളുടെ ഒരു നീണ്ട യത്രയായി തുടരുന്നു. മനുഷ്യരിങ്ങനെ മാഞ്ഞും മറഞ്ഞും കൊഴിഞ്ഞും തെളിഞ്ഞും കൊണ്ടേ ഇരിക്കുന്നു.അതെല്ലാം ജീവിതത്തിലെ സന്തോഷങ്ങളും സങ്കടങ്ങളും പാലങ്ങളും പാഠങ്ങളും ആകുന്നു. ചില മനുഷ്യർ ബാക്കിയാക്കിയ ശൂന്യതകളിൽ ഇന്നും പകലുകൾ ഇല്ലാതെ രാവുകൾ മാത്രമായി തുടരുന്നു.ചിലയിടങ്ങളിലെല്ലാം അതിലും മനോഹരമായ ഓർമ്മകൾ കൊണ്ട് മനുഷ്യർ വസന്തങ്ങളും സുഗന്ധങ്ങളും നിറക്കുന്നു.
ഈ യാത്രയിൽ ഇടക്ക് പൊട്ടി ചിരിക്കുന്നു. ഇടക്ക് ശൂന്യമാകുന്നു... കണ്ണ് നിറയുന്നു. മന്നാനിൽ ഉത്തരം തേടുന്നു. വിധിയോട് ചേർത്തു വെച്ചു ആ തേടൽ അവസാനിപ്പിക്കുന്നു.
നിയോഗമെന്ന പോൽ മന്നാനിങ്ങനെ മനസ്സിൽ മനുഷ്യരെ വീണ്ടും നിറക്കുന്നു. പിന്നെയും പിന്നെയും മടിയില്ലാതെ മടുപ്പില്ലാതെ മനുഷ്യർ ജീവിതത്തെ മനോഹരമാക്കുന്ന മത്ത് ആയി മാറുന്നു. ഈ യാത്ര തുടർന്നു കൊണ്ടേ ഇരിക്കുന്നു.
