29/04/2019
#മൺറോതുരുത്ത്: 💚😍 #പുതുപുത്തൻ_കാലം_പുതുപുത്തൻ_ലോകം_ജനറേഷൻ_തോറും_മാറും_പുതുലോകം...😍♥
ഫോട്ടോ : Rajesh Viswanadhan
മഴക്കാലത്തെ യാത്രകൾ വല്ലാത്തൊരു അനുഭൂതിയാണ് , പെയ്തിറങ്ങുന്ന മഴയിലേക്ക് കണ്ണുനട്ട് തണുത്ത കാറ്റേറ്റു ഈറനുടുത്തു പിറകോട്ടു ചലിക്കുന്ന പ്രകൃതി ഭംഗി ആസ്വദിച്ച് മണ്ട്രോതുരുത്തിലേക്കൊരു യാത്ര.....
"എത്ര തുഴഞ്ഞാലും എത്താ തുരുത്ത്
എത്ര നടന്നാലും എത്താ തുരുത്ത്
എല്ലാരും എത്തും തുരുത്ത് " കൊല്ലത്തുനിന്നും 25 കിലോമീറ്റർ, കരുനാഗപ്പള്ളി നിന്ന് 25 കിലോമീറ്റർ, കുണ്ടറ നിന്ന് 12 കിലോമീറ്ററും ദൂരെ അഷ്ടമുടിക്കായലും കല്ലടയാറും കൊണ്ട് ചുറ്റപ്പെട്ടു കിടക്കുന്ന ഒരു ദ്വീപ് ആണ് മൺറോതുരുത്ത്. അടിസ്ഥാനപരമായി എട്ടു ദ്വീപുകളുടെ ഒരു ക്ലസ്റ്റർ ആണ് ഈ ദ്വീപ്. റെയിൽ, വെള്ളം മാര്ഗം ഈ ദ്വീപില് എത്തിചേരാം. കല്ലടയാറിനും അഷ്ട്ടമുടിക്കായലിനും ഇടയിലായി ഉള്ള അതിമനോഹരമായ ഒരു പ്രദേശം ആണ് മൺറോതുരുത്ത്. കൊല്ലം, തിരുവനന്തപുരം സ്റ്റേഷനുകൾ നേരെ ട്രെയിനിൽ യാത്ര ചെയ്യുമ്പോൾ നിങ്ങൾ മൺറോതുരുത്ത് വഴി ആണ് ട്രെയിന് പോകുന്നത്. 13.4 ചതുരശ്ര കിലോമീറ്റർ ആണ് ദ്വീപിന്റെ മൊത്തം വിസ്തീർണ്ണം. മൂന്നു വശവും കല്ലടയാറും ഒരു വശം അഷ്ടമുടിക്കായലും, വെള്ളത്താൽ ചുറ്റപ്പെട്ട് ആയിരത്തോളം ചെറു തോടുകളാൽ സമ്പന്നമാക്കപ്പെട്ട് എട്ടു തുരുത്തുകൾ ചേർന്നതാണ് മൺറോതുരുത്ത്. ചെമ്മൺ പാതകൾ പോലെ വളഞ്ഞുപുളഞ്ഞു പോകുന്ന കൈത്തോടുകൾ, ഇരുവശങ്ങളിലും തെങ്ങിൻ തലപ്പുകൾ, കരിമീനും കൊഞ്ചും നീന്തിത്തുടിക്കുന്ന ഇടത്തോടുകൾ, മീൻ കോരിയെടുത്തു വരുന്ന കൊച്ചു വള്ളങ്ങൾ, ഇരപിടിക്കുന്ന നീർകാക്കകൾ, അപൂർവയിനം പക്ഷിക്കൂട്ടങ്ങൾ, ഇടച്ചാലുകൾ, കെട്ടുവള്ളങ്ങൾ, കാരിക്കൊഞ്ചും മാലമീനും, സിനിമകളില് പോലും കാണാന് കഴിയാത്ത ഈ പ്രകൃതി രമണീയ ഗ്രാമകാഴ്ചകള് കേണൽ മൺറോയുടെ തുരുത്തിൽ ഇപ്പോഴുമുണ്ട്…തുരുത്തു കാണാൻ എപ്പോഴും നല്ലത് കെട്ടുവള്ളമാണ്. തുരുത്തിന്റെ നാഡി ഞരമ്പുകളിലൂടെ യാത്ര ചെയ്യാം.വളരെക്കുറച്ചു മാത്രം ജനസംഖ്യയുള്ള തുരുത്തിൽ എല്ലാവർക്കും പരസ്പരം അറിയാം.
#മണ്ട്രോതുരുത്തിൽ_എങ്ങനെ_എത്താം.
കമ്യൂണിറ്റി ടൂറിസത്തിന്റെ പേരിൽ ഗ്രാമപഞ്ചായത്ത് ഓഫിസ് സഞ്ചാരികളെ പ്രോത്സാഹിപ്പിക്കുന്ന അപൂർവത മൺറോതുരുത്തിനുണ്ട്. ജില്ലാ ടൂറിസം പ്രമോഷൻ കൗൺസിൽ വില്ലേജ് ബാക് വാട്ടർ ട്രിപ്പിന്റെ ഭാഗമായി മൺറോതുരുത്തിലേക്ക് ദിവസവും രാവിലെയും ഉച്ചയ്ക്കും കൊല്ലം ബോട്ട് ജെട്ടി പരിസരത്തുനിന്ന് സവാരി നടത്തുന്നു. തിരുവനന്തപുരമാണ് തൊട്ടടുത്തുള്ള വിമാനത്താവളം. തുരുത്തിൽ കൊല്ലത്തിനും കായംകുളത്തിനും ഇടയിലൂടെ ഓടുന്ന എല്ലാ പാസഞ്ചർ ട്രെയിനുകളും നിർത്തുന്ന ഒരു കൊച്ചു റെയിൽവേ സ്റ്റേഷൻ ഉണ്ട്. അടുത്തുള്ള പ്രധാന റെയിൽവേ സ്റ്റേഷൻ കൊല്ലം. മറ്റൊരു റെയില്വേ സ്റ്റേഷന് കുണ്ടറ..
#പ്രണയമാണ്_യാത്രയോട്
