Gavitourism

21/03/2018

സുഹൃത്തേ,
ഒരായിരം മധുര സ്മരണകൾ ഉണർത്തുന്ന കുസൃതികളുടെയും നിർദ്ദോഷങ്ങളായ കുറുമ്പുകളുടേയുംചെറുതായിരുന്നെങ്കിലും വലുതായി ഭാവിച്ച പരിഭവങ്ങളുടെയും ഒരു ബാല്യകാല സ്കൂൾ ജീവിതം.
ഇനി ഒരിക്കലും തിരിച്ചു കിട്ടാനാവാത്തതും കിട്ടിയിരുന്നെങ്കിലെന്നോർത്ത് നെടുവീർപ്പിടുന്നതും, സാധിക്കാത്തതിനാൽ മക്കളുടെയോ കൊച്ചുമക്കളുടെയോ ഒപ്പംകൂടി ആ ഗൃഹാതുര സ്മരണകളുടെ ആഴത്തിലേക്ക് ഒരു നിമിഷമെങ്കിലും പോകാത്തവരുമായി ആരുമില്ല. നമ്മുടെയൊക്കെ ബാല്യകാലസമരണകളെ ദീപ്തമാക്കിയ ആ പഴയ വിദ്യാലയത്തിരുമുറ്റത്തേക്ക് ഒരിക്കൽക്കൂടി ഓടിയെത്താൻ നാം പലപ്പോഴും കൊതിച്ചിട്ടില്ലേ? ചാടിത്തിമിർത്ത നടുമുറ്റവും പൂത്തുലഞ്ഞുനിന്ന വകാമരവും ഉച്ചക്കഞ്ഞിയുടെ നറുമണവും പേരുന്ന വരാന്തകളും... എന്തിനേറെ രാവിലെ പൂ പെറുക്കാൻ മത്സരിച്ച ചെമ്പകച്ചുവടും ഇന്നലകളിലെ ദൃക്സാക്ഷികൾ. മൂന്ന് തലമുറയ്ക്ക് അറിവും നിറവും തന്ന, പ്രഗത്ഭരായ ഗുരുനാഥൻമാർ തങ്ങളുടെ ജീവിതത്തിന്റെ ഏറിയ പങ്കും ചെലവഴിച്ച നമ്മുടെ സ്വന്തം ഗുരുകുലം അതിന്റെ പ്രവർത്തന പന്ഥാവിൽ അര നൂറ്റാണ്ട് പിന്നിട്ടിരിക്കുന്നു. സുവർണ്ണ ജൂബിലി നിറവിൽ നിൽക്കുന്ന ആങ്ങമൂഴി ഗുരുകുലം യു.പി.സ്കൂളിൽനിന്നും കഴിഞ്ഞ അൻപത് വർഷക്കാലം ലോകത്തിന്റെ നാനാതുറകളിലേക്ക് ചേക്കേറിയ വിദ്യാർത്ഥികളും അവരുടെ പ്രീയപ്പെട്ട ഗുരുനാഥന്മാരും ആ പഴയ ചെമ്പകച്ചുവട്ടിൽ ഒത്തുകൂടുകയാണ്. 2018 ഏപ്രിൽ 6 വെള്ളിയാഴ്ച്ച രാവിലെ 10 മണിക്ക്. ഗൃഹാതുരത്വം തുളുമ്പുന്ന ഓർമ്മകളുടെ മയിൽപ്പീലിതുണ്ടുകൾ സൂക്ഷിച്ചുവെച്ച, പുതുമണം മാറാത്ത നോട്ടുപുസ്‌തകത്തിന്റെ താളുകൾ മക്കൾക്കും കൊച്ചുമക്കൾക്കുമൊപ്പം നമുക്കൊരുമിച്ചു മറിക്കാം. അറിവിന്റെ ആദ്യ പാഠങ്ങൾ പകർന്നുതന്ന മാതൃവിദ്യാലയത്തിന്റെ അങ്കണത്തിലേക്ക് താങ്കളെ ഹാർദ്ദമായി ക്ഷണിക്കുകയാണ്. ഒരിക്കൽക്കൂടി നമുക്ക് നമ്മുടെ പ്രിയ അധ്യാപകരുടെ മുമ്പിൽ സതീർത്ഥ്യരോടൊത്ത് കുറെ അമൂല്യ നിമിഷങ്ങൾ ചെലവഴിക്കാൻ കിട്ടുന്ന ഈ അപൂർവ്വ അവസരം പാഴാക്കാതെ എല്ലാവരും എത്തിച്ചേരുന്ന പ്രതീക്ഷയോടെ...

10/10/2017

പത്തനംതിട്ട ജില്ലയിലെ ഒരു നിത്യഹരിത വനപ്രദേശമാണ് ഗവി. പശ്ചിമ ഘട്ടത്തിലെ പെരിയാർ കടുവ സങ്കേതത്തിന്റെ ഭാഗമായ ഇവിടെ വനം വികസന കോർപ്പറേഷൻ ഒരുക്കുന്ന നിയന്ത്രിത വിനോദസഞ്ചാര സൗകര്യങ്ങൾ നിലവിലുണ്ട്.
സമുദ്രനിരപ്പിൽനിന്ന് 3,400 അടി ഉയരത്തിലാണ് ഗവി സ്ഥിതി ചെയ്യുന്നത്. കൊടുംവേനലിൽ പോലും വൈകിട്ടായാൽ ചൂട് 10 ഡിഗ്രിയിലേക്ക് എത്തുന്ന പ്രദേശമാണിത്. പുൽമേടുകളാൽ സമൃദ്ധമായ മൊട്ടക്കുന്നുകളാണ് ഗവിയുടെ മറ്റൊരു പ്രത്യേകത. ഇവിടെ ഒരു കുന്നിൻ പുറത്തു നിന്ന് നോക്കിയാൽ ശബരിമലയുടെ ഒരു വിദൂര ദർശനം ലഭിക്കും.

ഒരിക്കൽപ്പോലും കണ്ടിട്ടില്ലാത്ത പൂക്കളും മരങ്ങളും പ്രകൃതിസ്നേഹികളെ ആകർഷിക്കാറുണ്ട്. പക്ഷിനിരീക്ഷകർക്കും ഏറ്റവും അനുയോജ്യമായ ഒരു പ്രദേശമാണ് ഗവി. മലമുഴക്കി വേഴാമ്പൽ, മരംകൊത്തി മുതലായ 323 തരം പക്ഷികളുടെ ഒരു സഞ്ചയം തന്നെയുണ്ടിവിടെ. കടുവ, ആന, പുലി, കരടി തുടങ്ങി പ്രധാന മൃഗങ്ങളുടെ ആവാസ കേന്ദ്രം കൂടിയാണ് ഈ മേഖല. 63 തരം മൃഗങ്ങളും 45 തരം ഉരഗങ്ങളും ഇവിടെയുള്ളതായി കണക്കാക്കപ്പെടുന്നു.

'ഗ്രോ മോർ ഫുഡ്' പദ്ധതി പ്രകാരം ഇവിടെ കൃഷിചെയ്ത ഏലക്കാടുകൾ ഫോറസ്റ്റ് ഡെവലപ്‌മെന്റ് കോർപറേഷൻ ഏറ്റെടുത്തു. എൺപതുകളുടെ ആദ്യം ശ്രീലങ്കയിൽ നിന്ന് കുടിയിറക്കിയ തമിഴരാണ് ഏലത്തോട്ടത്തിലെയും ഫാക്ടറിയിലെയും തൊഴിലാളികളിലധികവും.

കിലോമീറ്ററുകളോളം നീളത്തിൽ കാടിന്റെ ഹൃദയത്തിലൂടെയുള്ള യാത്ര വിനോദ സഞ്ചാരികളിൽ പലർക്കും ഒരു നവ്യാനുഭവമാകും. ആനക്കൂട്ടങ്ങൾക്ക് പുറമേ നീലഗിരി താർ എന്ന വരയാട്, സിംഹവാലൻ കുരങ്ങ് എന്നിവ കാട്ടിൽ വിഹരിക്കുന്നു. മലമുഴക്കി വേഴാമ്പലും ചിത്രശലഭക്കൂട്ടങ്ങളും വേറെ.കാടിന്റെ നിശ്ശബ്ദതയാസ്വദിച്ച് മറ്റ് ശല്യങ്ങളൊന്നുമില്ലാതെ വന്യമൃഗങ്ങളെ കാണാനായി ട്രക്കിങ്ങിന് പോകാനും വനപാലകരുടെ സുരക്ഷയിൽ കാടിനുള്ളിലെ ടെന്റിൽ താമസിക്കാനും അവസരമുണ്ട്. ഇതിനു പുറമേ ബോട്ടിംഗിനും ജംഗിൾ സഫാരിയും സാധ്യമാണ്.

വനം വകുപ്പിന്റെ ഇക്കോ-ടൂറിസം പദ്ധതി വിദേശി ടൂറിസ്റ്റുകളെയും ഇവിടേക്ക് ആകർഷിക്കുന്നു. ശബരിഗിരി ജലവൈദ്യുത പദ്ധതിയുടെ ഭാഗമായ എട്ടു തടാകങ്ങളിൽ ഒന്നാണ് ഗവിയിലേത്. അണക്കെട്ട് പണിയുന്ന നേരത്ത് താൽക്കാലികമായി നിർമ്മിച്ച കെട്ടിടമാണ് ഫോറസ്റ്റ് മാൻഷനായി മാറിയത്.

ഓർഡിനറി എന്ന മലയാള സിനിമയാണ് ഗവി ഒരു പ്രമേയമായി ചിത്രീകരിച്ച ആദ്യ സിനിമ.

കൊല്ലം- മധുര ദേശീയ പാതയിൽ (എൻ.എച്ച് 220) ഉള്ള വണ്ടിപ്പെരിയാർ പട്ടണത്തിൽ നിന്നും 28 കി.മി. തെക്ക്-പടിഞ്ഞാറായി ഗവി സ്ഥിതി ചെയ്യുന്നു. കോട്ടയത്തു നിന്നും, തിരുവനന്തപുരത്തു നിന്നും, എറണാകുളത്തു നിന്നും, വണ്ടിപ്പെരിയാറിലേക്ക് കെ.എസ്.ആർ.ടി.സി ബസ് സർവീസുണ്ട്. വണ്ടിപ്പെരിയാറിൽ നിന്നു കുമളിയിലേക്കുള്ള വഴിയിൽ കണ്ണിമാറ എസ്റ്റേറ്റിലൂടെ വലത്തോട്ടുതിരിഞ്ഞു വേണം ഗവിയിലേക്ക് പോകാൻ.

10/10/2017

10/10/2017

ഗവിയുടെ മനോഹാരിത ആസ്വദിക്കുവാൻ ഞങ്ങളുമായി ബന്ധപ്പെടുക.... ടിക്കറ്റ് കിട്ടാതെ മടങ്ങുവാൻ ഇടയാകാതെ മുൻകൂട്ടി ബുക്ക്‌ ചെയ്യുക... കുട്ടവഞ്ചി സവാരിയും കാനന ഭംഗിയും ആസ്വദിക്കാം

10/10/2017

10/10/2017

Gavi is an eco-tourist spot in Kerala which has widely become popular after 'Alistair International' the world acclaimed tourism major listed it among the leading eco-tourism centres and one of the must-see places in India. A must visit place for all nature lovers as Gavi is preserved in its natural scenic beauty untainted by the mighty hands of modernity.
Gavi is mainly known for its wildlife. Endangered species including the Nilgiri Tahr and Lion-tailed macaque are often sighted at the outskirts of Gavi. Kerala’s very own treasure elephants can be sighted abundantly. If you are the bird watcher, Gavi is the place for you. With more than 260 species of birds including the great pied hornbill, woodpecker, and kingfishers, Gavi is a heaven for birdwatchers.
A splendid spot to be visited at least once for all those who love nature.

10/10/2017

Enjoy the beauty of Gavi

10/10/2017

How to reach
By Road

28 Kms from Vandiperiyar ( a town on NH- 212)
51 Kms from Thekkady
By Rail

128 Kms from Kottayam Railway Staion
168 Kms from Eranakulam Railway Staion
180 Kms from Madurai, Tamilnadu Railway Staion
By Air

160 Kms from Nedumbassery Airport Ernakulam
199 Kms from Madurai Airport