25/11/2015
ਘੁੰਮਣਾ-ਫਿਰਨਾ. ਟਰੈਕਿੰਗ ਕਰਨੀ, ਦੁਨੀਆ ਦੇਖਣਾ ਜਾਂ ਆਪਣੇ ਇਸ ਪੇਜ ਦੇ ਨਾਮ ਦੇ ਸੰਦਰਭ ਹਿਮਾਲਿਆ ਦੀ ਸੈਰ ਕਰਨੀ ਜਾਂ ਭਾਰਤ ਤੇ ਦੁਨੀਆਂ ਦੀ ਸੈਰ ਕਰਨੀ ਜਾਂ ਟਰੈਕਿੰਗ ਕਰਨੀ ਆਦਿ, ਹਰ ਵਿਅਕਤੀ ਇਸ ਦੀ ਚਾਹਨਾ ਰਖਦਾ ਹੈ । ਸੈਰ ਸਪਾਟਾ, ਟਰੈਕਿੰਗ ਜਿੰਦਗੀ ਨੂੰ ਜਿਉਣ ਦਾ ਜਿੰਦਗੀ ਨੂੰ ਮਾਨਣ ਦਾ ਇਕ ਵੱਖਰਾ ਤੇ ਵਧੀਆ ਤਰੀਕਾ ਹੈ, ਪਰ ਜਿਵੇਂ ਪੰਜਾਬੀ ਵਿਚ ਇਕ ਅਖੌਤ ਹੈ 'ਜਿਹਦੇ ਘਰ ਦਾਣੇ ਓਹਦੇ ਕਮਲੇ ਵੀ ਸਿਆਣੇ ਹੁੰਦੇ ਆ', ਭਾਵ ਇਹੋ ਜਿਹੇ ਜਿੰਦਗੀ ਨੂੰ ਮਾਨਣ ਦੇ ਸੰਕਲਪ ਜਾਂ ਕਹਿ ਸਕਦੇ ਕੋਈ ਵੀ ਵੱਖਰਾ ਆਈਡੀਆ, ਓਹਨਾਂ ਨੂੰ ਹੀ ਫੁਰਦਾ ਹੈ ਜਿਸਦੇ ਕੋਲ ਦਾਣੇ ਹੋਣ ਭਾਵ ਉਹ ਆਰਥਿਕ ਤੌਰ ਤੇ ਮਜਬੂਤ ਹੋਵੇ ਤੇ ਉਸ ਕੋਲ ਹਾਲਾਤ ਵੀ ਹੋਣੇ ਚਾਹੀਦੇ ਹਨ ਭਾਵ ਵਿਹਲਾ ਸਮਾ ਹੋਣਾ ਚਾਹੀਦਾ ਹੈ, ਇਸ ਨੂੰ ਫਿਲਾਸਫਿਕਲ ਅੰਦਾਜ 'ਚ ਮਾਰਕਸ ਦੇ ਸ਼ਬਦਾ ਵਿਚ ਕਿਹਾ ਜਾ ਸਕਦਾ ਹੈ ਕਿ 'ਪਦਾਰਥਕ ਹਾਲਤਾਂ ਹੀ ਵਿਚਾਰਧਾਰਕ ਹਾਲਤਾਂ ਸਿਰਜਦੀਆਂ ਹਨ', ਸੋ ਬਹੁਤ ਸਾਰੀਆ ਗੱਲਾਂ ਨੂੰ ਮੈ ਕਟਦਾ ਹੋਇਆ ਇਹ ਕਹਿਣਾ ਚਾਹੁੰਨਾ ਵੀ 'ਏ ਆਈ ਐਸ ਐਫ' 'ਏ ਆਈ ਵਾਈ ਐਫ' ਜੋ ਸਟੁਡੈਂਟ ਤੇ ਯੂਥ ਫੈਡਰੇਸ਼ਨਾ ਨੇ 'ਬਨੇਗਾ' ( ) ( ਭਗਤ ਸਿੰਘ ਨੈਸ਼ਨਲ ਐਂਪਲਾਇਮੈਂਟ ਗਰੰਟੀ ਐਕਟ ) ਨੂੰ ਪਾਰਲੀਮੈਂਟ ਵਿਚ ਪਾਸ ਕਰਵਾਉਣ ਲਈ ਹੰਬਲਾ ਮਾਰ ਰਹੀਆਂ ਹਨ । 'ਬਨੇਗਾ' ਇਕ ਅਜਿਹਾ ਸੰਕਲਪ ਹੈ ਜੋ ਜਿਸ ਰਾਹੀ ਲੋਕਾਂ ਨੂੰ ਰੁਜਗਾਰ ਦੀ ਗਰੰਟੀ ਦਿੱਤੀ ਜਾਵੇਗੀ ਭਾਵ ਭਾਰਤ ਵਿਚ ਹਰ ਵਾਸੀ (18 ਤੋਂ 58 ਸਾਲ) ਜੋ ਰੁਜਗਾਰ ਚਾਹੁੰਦਾ ਹੈ ਨੂੰ ਰੁਜਗਾਰ ਦਿੱਤਾ ਜਾਵੇ ਤੇ ਜਦੋ ਤਕ ਉਸ ਨੂੰ ਰੁਜਗਾਰ ਨਹੀ ਦਿੱਤਾ ਜਾਂਦਾ ਤਾ ਉਸ ਨੂੰ ਕੰਮ ਇਂਤਜਾਰ ਭੱਤਾ ਦਿੱਤਾ ਜਾਵੇ । ਸੋ ਰੁਜਗਾਰ ਕਾਬਲੀਅਤ ਦੇ ਆਧਾਰ ਤੇ ਦਿੱਤਾ ਜਾਵੇ ਤੇ ਕਿਰਤ ਦਾ ਵਰਤੋਂ ਮੁੱਲ ਵੀ ਕਾਬਲੀਅਤ ਦੇ ਆਧਾਰ ਤੇ ਦਿੱਤਾ ਜਾਵੇ ਜਿਵੇਂ ਹਾਈਲੀ ਸਕਿਲਡ ਨੂੰ ਚਾਲੀ ਹਜਾਰ ਤੇ ਸੈਮੀ ਸਕਿਲਡ ਨੂੰ ਪੱਚੀ ਹਜਾਰ ਰੁਪਏ ਦਿੱਤੇ ਜਾਣ ਸੋ ਇਸ ਤਰਾਂ ਹੀ ਕਾਬਲੀਅਤ ਦੇ ਆਧਾਰ ਤੇ ਹੀ ਵਰਤੋਂ ਮੁੱਲ ਦਾ ਅੱਧਾ ਕੰਮ ਇੰਤਜਾਰ ਭੱਤਾ ਦਿੱਤਾ ਜਾਵੇ । ਇਸ ਨੂੰ ਐਕਟ ਦਾ ਰੂਪ ਦਵਾਉਣ ਲਈ ਏ ਅਈ ਐਸ ਐਫ ਤੇ ਯੂਥ ਫੈਡਰੇਸ਼ਨ ਨੇ 17 ਨਵੰਬਰ ਨੂੰ ਪਾਰਲੀਮੈਂਟ ਮਾਰਚ ਕੀਤਾ ਜਿਸ ਵਿਚ ਹਜਾਰਾਂ ਦੀ ਗਿਣਤੀ ਵਿਚ ਲੋਕ ਮੌਜੂਦ ਸਨ ਤੇ ਉਥੇ ਪੁਲਿਸ ਨੇ ਉਹਨਾ 'ਤੇ ਲਾਠੀਆਂ ਵਰਾਈਆਂ ਤੇ ਸੈਂਕੜਿਆਂ ਦੀ ਗਿਣਤੀ ਵਿਚ ਨੌਜਵਾਨਾਂ ਨੂੰ ਪੁਲਸ ਫੜ ਕੇ ਲੈ ਗਈ । ਸੋ ਇਹ ਇਕੋ ਇਕ ਅਜਿਹਾ ਐਕਟ ਹੈ ਜੋ ਸਾਨੂੰ ਇਕੱਲਾ ਆਰਥਿਕ ਸਹਾਇਤਾ ਹੀ ਨਹੀ ਦੇਵੇਗਾ, ਇਹ ਸਾਨੂੰ ਵੇਹਲਾ ਸਮਾ ਵੀ ਦੇਵੇਗਾ, ਜਿਸ ਨੂੰ ਜਿੰਦਗੀ ਦਾ ਆਨੰਦ ਮਾਨਣ ਵਿਚ ਲਾ ਸਕਦੇ ਹਾਂ । ਬਨੇਗਾ ਇਕ ਅਜਿਹਾ ਸੰਕਲਪ ਹੈ ਜਿਸ ਦੀ ਐਕਟ ਵਿਚ ਰੂਪ ਬਦਲੀ ਕਰਨ ਨਾਲ ਸਾਡੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਹੋ ਜਾਵੇਗਾ ।
ਜੇਕਰ ਕੋਈ ਵੀ ਇਸ ਸਬੰਧੀ ਕੋਈ ਗੱਲ ਕਰਨੀ ਚਾਹੁੰਦਾ ਹੋਵੇ ਤਾਂ ਬੇਝਿਜਕ ਕਰ ਸਕਦਾ ਹੈ । ਨਿੱਚੇ ਮੇਰਾ ਮੋਬਾਈਲ ਨੰਬਰ ਹੈ ।
9478783520
ਨਾਲ ਹੀ ਕੁੱਝ ਤਸਵੀਰਾ ਸਾਂਝੀਆਂ ਕੀਤੀਆਂ ਜਾ ਰਹੀਆਂ ਹਨ ।
