Treks, Trails and Much More

13/03/2022

*K2S Full Moon Night Trek*
*Dates - 18-19 March*
Reporting - 20.00 hrs @ Dr. Shamaprasad Mukharji Udyaan, Parwardhanbaug.
Departure - 20.30 hrs
We will travel, by bus, up to "मराठी बाणा" हाॅटेल which is just before, Katraj new tunnels. We will get down here. After briefing we will start our trek. Expected Trek Time is around 8 hours. Upon reaching our destination we will have a rest for some time and then we will travel back to Pune, by bus. By 09.00 hrs we will be back in Pune.

Things to carry -
1) At least 3 litres of water
2) Dinner
3) Personal medicines (if any)

Things to wear -
1) Track pants or Cargos (preferably stretchable)
2) Full or half sleeves T-shirt.
3) Head torch
4) Good shoes having rubber soles

*Smoking, Alcohol consumption is strictly not allowed, during the travel and the trek.*
*Half pants, Bermudas, 3/4ths, Sleeveless Shirts/T-shirts not allowed.*

02/03/2022

04/02/2022

Upcoming Treks of
Treks, Trails and Much More

06/01/2022

*रायलींग पठार - सिंगापूर नाळ ट्रेक*

१४ जानेवारी (शुक्रवार) - ११.३० वाजता शामाप्रसाद मुखर्जी उद्यानापाशी रिपोर्टींग. दुपारी १२.०० वाजता निघून, नसरापूर - वेल्हा मार्गे सिंगापूर (सिंगापोर नाही) येथे ३.०० वाजेपर्यंत पोहोचणे. थोडावेळ थांबून ३.३० वाजता ट्रेक ला सुरुवात करणे. तासाभरात म्हणजे साधारणपणे ४.३० वाजेपर्यंत रायलींग पठारावर पोहोचणे. रात्री मुक्काम रायलींग पठारावरच असेल.
१५ जानेवारी (शनिवार) - सकाळी लवकर उठून, प्रातर्विधी उरकून, वाॅर्म अप व्यायाम करणे. ब्रेकफास्ट करून, पॅक लंच घेऊन, ८.०० वाजता ट्रेक ला सुरुवात करणे. सिंगापूर नाळेतून उतरताना आजूबाजूचे, सह्याद्रीचे रौद्र भीषण सौंदर्य अनुभवत, दुपारी २.०० वाजेपर्यंत दापोली गावात पोहोचणे. तासभर विश्रांती घेऊन, फ्रेश होऊन, परतीच्या प्रवासाला निघणे. रात्री ९.०० वाजेपर्यंत पुण्यात परतणे.

*ट्रेक चार्जेस - ₹ २५००/- प्रत्येकी*
या चार्जेस मधे खालील गोष्टी समाविष्ट आहेत.
-पुणे ते पुणे प्रवास खर्च (नाॅन एसी खाजगी बस)
-शुक्रवार दुपारी चहा-बिस्किटे
-शनिवार सकाळी चहा-ब्रेकफास्ट
-जेवण (शुक्रवार रात्रीचे आणि शनिवार दुपारचे हे पॅक लंच असेल)
-शुक्रवार रात्री ३ किंवा ४ मेन टेंट मधे मुक्काम
-ब्लँकेट / स्लिपींग बॅग
-एक्सपर्ट चार्जेस

थिंग्ज टू कॅरी...
-पातळ आंथरूण (कॅरी मॅट वर घालण्यासाठी), पांघरूण (ब्लँकेट च्या आतून लावायला) हे दोन्ही आॅप्शनल आहे.
-कपड्यांचा १ जादा जोड
-पायमोजे १ जादा जोडी
-टोपी, गाॅगल, हेडटाॅर्च (नसल्यास रेग्युलर टाॅर्च पण चालेल), जॅकेट, कानटोपी
-पाण्यासाठी, १-१.२५ लिटरच्या दोन बाटल्या
-कापडी पिशवी (कचरा गोळा करण्यासाठी)
-पर्सनल मेडिकल किट, औषधे

थिंग्ज टू विअर...
-ट्रॅक पँट, कार्गो, जीन्स
-टी-शर्ट, शर्ट
-चांगला रबर सोल असलेले शूज

19/12/2021

*_२०२२ सालचा पहिला सूर्योदय महाराष्ट्रातील सगळ्यात उंच शिखरावरून बघायचाय? चला तर मग..._*

*कळसूबाई नाईट ट्रेक*
*शुक्रवार-शनिवार*
*३१ डिसेंबर २०२१-१ जानेवारी २०२२*

शुक्रवारी दुपारी ३.३० वाजेपर्यंत (फर्ग्युसन कॉलेज रस्त्यावर, ज्ञानेश्वर पादुका चौकात, कुलकर्णी पेट्रोल पंपासमोर) रिपोर्टींग. दुपारी ४.०० वाजता निघणे. जाताना मंचर येथे चहा-स्नॅक्स घेऊन पुढे निघणे. रात्री १०.३० वाजेपर्यंत कळसूबाई च्या पायथ्याशी असलेल्या बारी गावात पोहोचणे. जेवण करून झोपणे. रात्री २.०० वाजता उठून तयार होऊन उशीरात उशीरा २.४५ वाजता ट्रेक चालू करणे. पहाटे ६.०० वाजेपर्यंत शिखरावर असलेल्या कळसूबाई मंदिरापाशी पोहोचणे.
सूर्योदय आणि आसपासचे गडकिल्ले बघून ७.०० वाजता खाली उतरायला सुरुवात करणे. बारी गावात चहा-ब्रेकफास्ट घेऊन परतीच्या प्रवासाला निघणे. परत येताना मंचर येथे जेवण करणे. संध्याकाळी ६.०० वाजेपर्यंत पुण्यात पोहोचणे.
*इच्छुकांनी २८ तारखेपर्यंत नावनोंदणी करावी*

*ट्रेक चार्जेस - ₹ २०००/- प्रत्येकी*
या चार्जेस मधे खालील गोष्टी समाविष्ट आहेत.
-पुणे ते पुणे प्रवास खर्च (नाॅन एसी खाजगी बस)
-इन्शुरन्स
-ब्रेकफास्ट, चहा (शुक्रवार संध्याकाळ, शनिवार सकाळ)
-जेवण (शुक्रवारी रात्रीचे आणि शनिवारी दुपारचे)
-एक्सपर्ट चार्जेस

थिंग्ज टू कॅरी...
-कपड्यांचा १ जादा जोड
-पायमोजे १ जादा जोडी
-टोपी, गाॅगल, हेडटाॅर्च (नसल्यास रेग्युलर टाॅर्च पण चालेल), जॅकेट, कानटोपी
-पाण्यासाठी, १.२५-१.५० लिटरच्या दोन बाटल्या
-कापडी पिशवी (कचरा गोळा करण्यासाठी)
-पर्सनल मेडिकल किट, औषधे

थिंग्ज टू विअर...
-ट्रॅक पँट, कार्गो, जीन्स (शाॅर्ट्स, बर्मूडा, थ्रीफोर्थ नको)
-टी-शर्ट, शर्ट (स्लिव्हलेस टी-शर्ट नको)
-चांगला रबर सोल असलेले शूज

03/12/2021

*_राजगड ट्रेक_*

*शनिवार-रविवार - १८-१९ डिसेंबर २०२१*
आयोजक - *_Treks, Trails and Much More_*

डिटेल्ड itinerary खालीलप्रमाणे...

शनिवार १८ डिसेंबर - पहाटे ५.३० वाजता डॉ. शामाप्रसाद मुखर्जी उद्यानापाशी रिपोर्टींग. ६.०० वाजता निघून ८.०० वाजेपर्यंत राजगडाच्या पायथ्याशी असलेल्या गुंजवणे गावात पोहोचणे. गुंजवणे गावात हेवी ब्रेकफास्ट करून, गड चढून, चोर दरवाजामार्गे ११.३० वाजेपर्यंत पद्मावती माची येथे मुक्कामाच्या जागी पोहोचणे. सॅक टेंट्स मधे ठेवून, थोडी विश्रांती घेऊन पद्मावती माची फिरून जेवणाच्या वेळेपर्यंत मुक्कामाच्या ठिकाणी परतणे. जेवण करून थोडी विश्रांती घेऊन बालेकिल्ला बघण्यास निघणे. बालेकिल्ला बघून, खाली उतरून संजीवनी माचीवर सूर्यास्त बघण्यास जाणे. सूर्यास्त बघून परत येताना पद्मावती देवीच्या मंदिरात होणाऱ्या आरतीत सहभागी होऊन, आरती झाल्यानंतर मुक्कामाच्या ठिकाणी पोहोचणे. थोड्या गप्पाटप्पा करून, जेवण करून झोपणे.

रविवार १९ डिसेंबर - पहाटे लवकर म्हणजे ५ वाजता उठून स्ट्रेचिंग आणि थोडा वाॅर्म अप करणे, आवरून, सूर्योदय बघण्यास आणि गडदर्शन करण्यास जाणे. सूर्योदय बघून, गडदर्शन करून मुक्कामाच्या ठिकाणी परतून, ब्रेकफास्ट करून, पाली दरवाजामार्गे खाली उतरण्यास सुरुवात करणे. पाली गावात जेवण करून, परतीच्या प्रवासास निघून, ५ वाजेपर्यंत पुण्यात पोहोचणे.

*ट्रेक चार्जेस - ₹ २५००/- प्रत्येकी*
या चार्जेस मधे खालील गोष्टी समाविष्ट आहेत.
-पुणे ते पुणे प्रवास खर्च (नाॅन एसी खाजगी बस)
-इन्शुरन्स
-ब्रेकफास्ट, चहा (शनिवार-रविवार)
-जेवण (शनिवार दुपारचे, रात्रीचे आणि रविवार दुपारचे)
-शनिवारी रात्री ३ किंवा ४ मेन टेंट मधे मुक्काम
-ब्लँकेट / स्लिपींग बॅग
-एक्सपर्ट चार्जेस

थिंग्ज टू कॅरी...
-पातळ आंथरूण (कॅरी मॅट वर घालण्यासाठी), पांघरूण (ब्लँकेट च्या आतून लावायला) हे दोन्ही आॅप्शनल आहे.
-कपड्यांचा १ जादा जोड
-पायमोजे १ जादा जोडी
-टोपी, गाॅगल, हेडटाॅर्च (नसल्यास रेग्युलर टाॅर्च पण चालेल), जॅकेट, कानटोपी
-पाण्यासाठी, १-१.२५ लिटरच्या दोन बाटल्या
-कापडी पिशवी (कचरा गोळा करण्यासाठी)
-पर्सनल मेडिकल किट, औषधे

थिंग्ज टू विअर...
-ट्रॅक पँट, कार्गो, जीन्स
-टी-शर्ट, शर्ट
-चांगला रबर सोल असलेले शूज

17/11/2021

Trek schedule for December 2021

1) Rajgad 11-12
2) Ghangad-Korigad 18
3) Kalsubai 31st Dec - 1st Jan (२०२२ सालातला पहिला सूर्योदय महाराष्ट्रातील सगळ्यात उंच शिखरावरून)

Trek schedule for January 2022

1) Chavand-Kukadeshwar-Naneghat 15
2) Ratangad 21-22 or 22-23
3) Vasota 28-29 or 29-30

09/10/2021

अंशतः लाॅकडाऊन असल्याने काही ठिकाणी जाण्यास बंदी होती आणि बस मधे ५०% क्षमतेनेच प्रवासी वाहतूक करणे बंधनकारक होते त्यामुळे कमळगड ट्रेक नंतर जरा शांत बसलो होतो. एका साॅफ्टवेअर कंपनीच्या एका टीमला एकदिवसीय ट्रेकला जायचे होते. त्यांच्या टीम लीडर ने मला संपर्क केला. त्यांना २-३ पर्याय दिले होते. त्यापैकी त्यांनी चावंड, कुकडेश्वर आणि नाणेघाट ट्रेक नक्की केला. हा ट्रेक एन्जॉय करायचा असेल तर शक्यतो शनिवार-रविवार सोडून इतर वारी करू असे मी त्यांना सांगितले. त्यामुळे त्यांनी शुक्रवार दि. ८ आॅक्टोबर ही तारीख नक्की केली.
शुक्रवारी सकाळी ६ वाजता आम्ही सहजानंद सोसायटी पासून निघालो. १२ जणांना नाशिक फाटा येथून आणि एकाला चाकण येथून पिक अप करून, वाटेत मंचर ला भरपेट ब्रेकफास्ट करून, जुन्नर च्या दिशेने मार्गस्थ झालो. ९.४५ वाजता किल्ले चावंड च्या पायथ्याशी असलेल्या चावंडवाडी गावात पोहोचलो. किल्ल्याच्या प्रवेशद्वारापर्यंत छातीवरची चढाई होती पण अंतर फार नसल्याने ३५-४० मिनिटात प्रवेशद्वारापाशी पोहोचलो. तिथे थोडी विश्रांती घेऊन किल्ला बघायला निघालो. गडप्रेमींनी पुनरुज्जीवित केलेली एक छोटी तोफ (पुनरुज्जीवित केली असे म्हणालो कारण पूर्वी हीच तोफ राॅक पॅच चढण्यासाठी लावला जाणारा रोप अँकर करण्यासाठी कोणीतरी जमिनीत गाडली होती. आता ती तोफ व्यवस्थितपणे एका लाकडी गाड्यावर ठेवली आहे आणि राॅक पॅच ला खालपासून वरपर्यंत रेलिंग लावले आहे), पुरातन शौचालय, पुष्करिणी, सप्तमातृका (एका शेजारी एक खोदलेली ७ तळी) बघून खाली उतरायला सुरुवात केली. ढग गडगडायला लागले होते पण सुदैवाने खाली उतरताना पाऊस पडला नाही.
बस मधे बसलो आणि कुकडेश्वर मंदिर बघायला निघालो. मंदिर बघून बस मधे बसणार, एवढ्यात पाऊस पडायला लागला. जेवायला नाणेघाट ला जायचे होते. कुकडेश्वर ते नाणेघाट धो धो पाऊस पडत होता. नाणेघाट ला जिथे जेवणार होतो त्या हाॅटेल पर्यंत बस जाते त्यामुळे भिजायचा प्रश्न नव्हता. हाॅटेल पाशी पोहोचेपर्यंत पाऊस थोडा कमी झाला होता. सुभाष ने केलेल्या जेवणावर सगळ्यांनी मस्तपैकी ताव मारला. जेवण होईपर्यंत पाऊस थांबला होता. थोडा आराम करून जीवधन च्या दिशेने निघालो. तिथे एक धबधबा आहे ज्याचे पाणी, वाऱ्यामुळे खाली न पडता, उलटे वर येते. पण वारा आजिबातच नसल्याने आम्हाला पाणी खाली पडणारा 😁 धबधबाच बघायला मिळाला. त्यामुळे मग तिथे जास्त वेळ न घालवता परत आलो आणि बसमधे बसून नाणेघाट बघायला निघालो. परतीच्या वाटेवर, सुभाष ने आम्हाला अजून काही धबधबे बघायला नेले. एकमेकांपासून जवळच असलेले दोन्ही धबधबे फार उंच नव्हते पण पाणी मात्र प्रचंड होते आणि दोन्हींचा आवाज धडकी भरवणारा होता.
पूर्ण ट्रेक मधे वातावरण हिमालयासारखे होते. मधूनच अचानक ढग येऊन व्हाईट आऊट झाल्यासारखे होत होते, मधूनच ढग गायब होऊन आसपासचे सगळे डोंगर दिसायला लागायचे. त्यामुळे सगळ्यांनी ट्रेक खूप एन्जॉय केला.

09/10/2021

चावंड, कुकडेश्वर आणि नाणेघाट ट्रेक चा वृत्तांत लवकरच...
जबरदस्त वातावरण, जबरदस्त पाऊस

08/08/2021

कमळगड ट्रेक शनिवार दि. ७ आॅगस्ट २०२१

मार्च महिन्यात ढवळ्या ते आर्थर्स सिट ट्रेक केल्यानंतर लाॅकडाऊन, निर्बंध, जमावबंदी, जिल्हा बंदी इत्यादी कारणांमुळे ट्रेक्स आयोजित करता आले नाहीत. आंतरजिल्हा प्रवासबंदी हटल्यावर एखादा एकदिवसीय ट्रेक करावा म्हणून वाई जवळ कमळगड चा ट्रेक ठरवला. एकूण १९ जणांनी नावनोंदणी केली. त्यातील ३ जण कोल्हापूरकर होते. सर्व सहभागी वय वर्ष १६ ते ६१ अशा वयोगटातले होते. आंतरजिल्हा प्रवासबंदी हटली असली तरी एका बसमधून पूर्ण क्षमतेने प्रवासी नेण्याची बंदी अजूनही तशीच आहे. त्यामुळे पुण्यातून जाणाऱ्या १६ + २ लिडर अशा १८ जणांसाठी ३५ सीटर बस करावी लागली.
ठरल्याप्रमाणे सगळे जण पिक अप पाॅईंट पाशी, शामाप्रसाद मुखर्जी उद्यानापाशी, जमले आणि बरोब्बर ६.१५ ला आम्ही निघालो. शेंदूरजणे येथे ब्रेकफास्ट करून, मेणवली मार्गे वासोळे गावात ९.४५ वाजता पोहोचलो होतो. तिथून पुढे २ किलोमीटर वर तुपेवाडी पर्यंत बस जाते. तुपेवाडी च्या १०० मीटर अलिकडे रस्त्याला मोठा खड्डा पडला होता. ग्रामस्थांनी तो खड्डा दगडगोटे, माती टाकून भरला होता. पण बस ड्रायव्हर ला तिथून बस जाईल यावर विश्वास नव्हता. रस्ता छोटा असल्याने यु टर्न घेणे अशक्य होते. सबब २ किलोमीटर मागे वासोळे गावापर्यंत रिव्हर्स मधे न्यावी लागली. ट्रेक लिडर मिलिंद देशपांडे आणि माझा मित्र अमोघ उंब्रेकर हे दोघे बस बरोबर, बस ड्रायव्हर ला डावी-उजवी बाजू सांगत सांगत वासोळ्यापर्यंत गेले. त्या दोघांना तुपेवाडी पर्यंत चालत यावे लागले. या सगळ्यात आमचा जवळपास दीड तास गेला. आमचे वेळेचे गणित कोलमडले होते. ज्यावेळेला आम्ही अर्ध्या वाटेत असायला हवे होतो, त्यावेळेला म्हणजे सुमारे १२ वाजता आमचा ट्रेक चालू झाला. मधे थोडी वाट चुकलो त्यामुळे सुनील च्या हाॅटेल पाशी पोहोचायला आम्हाला ३ वाजले होते. उशीर झालेला असल्याने आम्ही आधी जेवण करून मग कावेची विहीर बघायला जायचे ठरवले. कावेची विहीर, कोळेश्वर पठार, म्हातारीचे दात, केंजळगड, पाचगणी, महाबळेश्वर, बलकवडी धरण बघून सुनील च्या हाॅटेल पाशी आलो, तिथे चहा पिऊन खाली उतरायला सुरुवात केली. खाली उतरताना पाऊस पडायला लागला सबब आमचा खाली उतरायचा वेग थोडा मंदावला. तुपेवाडी पासून पुढे वासोळ्यापर्यंत चालत जावे लागणार होते. आम्हाला बसपाशी पोहोचायला ७.४५ वाजले होते. सगळे जण भिजले असल्याने सगळ्यांनी कपडे बदलले. ८.२० वाजता आम्ही वासोळ्यातून निघालो. रात्री ११ वाजता आम्ही परत पिक अप पाॅईंट पाशी पोहोचलो. सहभागी
विविध वयोगटातले असले तरी सगळ्यांनी ट्रेक खूप एन्जॉय केला. कोणालाही कुठलीही दुखापत न होता, त्रास न होता सगळे जण सुखरूप परत आले.

03/08/2021

*_Treks, Trails and Much More_*
*_कमळगड ट्रेक_*
*_शनिवार दि. ७ आॅगस्ट_*
*ट्रेक लिडर्स -सतीश केळकर आणि मिलिंद देशपांडे*
शनिवारी सकाळी ५.४५ वाजता डॉ. शामाप्रसाद मुखर्जी उद्यानापाशी रिपोर्टींग. ६ वाजता निघणे. शेंदूरजणे येथे ब्रेकफास्ट करून, मेणवली, वासोळे मार्गे कमळगड च्या पायथ्याशी असलेल्या तुपेवाडी गावात पोहोचणे. लगेच चढाई चालू करून २ तासात गडावर पोहोचणे. गडदर्शन करून, विशेषतः कावेची (गेरू) विहीर, भोवतालचा परिसर, कोळेश्वर पठार, पाचगणी, महाबळेश्वर, केंजळगड, म्हातारीचे दात, धोम आणि बलकवडे धरण, इत्यादींचे दूरदर्शन करून, जेवण करून, १ ते १.३० दरम्यान खाली उतरण्यास सुरूवात करणे. ३ वाजेपर्यंत खाली पोहोचणे. पावसामुळे भिजलो असल्यास कपडे बदलून, कोणाला फ्रेश व्हायचे असल्यास फ्रेश होऊन ४ वाजता परतीच्या प्रवासाला निघणे. उशीरात उशीरा ८ वाजेपर्यंत पुण्यात परतणे.

*दुपारचे जेवण प्रत्येकाने आपआपले आणायचे आहे*

*कमीतकमी १५ जण आल्यासच ट्रेक जाईल* याची कृपया सर्वांनी नोंद घ्यावी.
*_ट्रेक चार्जेस रु. ११००/- प्रत्येकी_*
या मधे खालील गोष्टींचा समावेश आहे...
१) पुणे ते पुणे खाजगी, नाॅन एसी बस मधून प्रवास.
२) शेंदूरजणे येथील ब्रेकफास्ट आणि चहा. गडावरून खाली उतरतानाचा आणि परतताना शेंदूरजणे किंवा इतर ठिकाणी चहा.
३) एक्स्पर्ट चार्जेस

-बरोबर आणायच्या वस्तू
१) छोटी (२० लिटर) सॅक
२) दुपारचे जेवण
३) २ ते २.५ लिटर पाणी
४) कपड्यांचा जादा जोड (प्लॅस्टिकच्या पिशवी मधे घालून आणावा)
५) पाँचो