08/06/2017
मित्रांनो, आपण सगळे जाणतोच की, आपल्या महाराष्ट्राला अतिशय निसर्गरम्य असा पश्चिम घाटांचा वारसा लाभलेला आहे. हा भूभाग केवळ निसर्गरम्यच नाही तर आश्चर्यकारक जैववैविध्याने नटलेला आहे. वनस्पती, किटक, सरीसृप, प्राणी-पक्षी, सौंदर्यस्थळे अशी अनेक आकर्षणे या भागात आहेत. यातील महत्वाचा भाग म्हणजे, येथील निसर्ग ऋतूमानानुसार वेगवेगळा साजश्रुंगार ल्यालेला असतो. कधी तो उन्हाळ्यात वाळलेल्या गवताचा पिवळाधमक अंगरखा परिधान करुन त्यावर काटेसावर, अमलतास यांची माणिक, पुष्कराजसमान आभूषणे मिरवतो तर कधी पावसाच्या एक दोन सरी पडून वातावरणतील तलखी कमी होताच, जूनी वस्त्रे, आभूषणे त्यागून हिरवाकंच शालू नेसून तयार होतो. हिरव्या शालूवर डोंगरदऱ्यांतून वाहणाऱ्या वाऱ्यावर फडफडणारा पांढरा-करडा मेघशेला कधी पाहिलाय ? सांप्रतकाळातील आभूषणांची खुमारी तर काय वर्णावी. मखमली मृगकिडे, सुरेख किटकांची आभूषणे, रंगीबेरंगी नाजूक फुलांचा मुकुट ही शोभा ही शब्दातीत आहे. या आभूषणांचा दिमाख, झगमगाट दिवसातर दिसतोच, पण रात्रीही चमचमत असतो. या दिवसात अंधार पडताच, चमचमणाऱ्या काजव्यांनी आसमंत भरुन आणि भारुन जातो. निसर्गाचा laser show किंवा late night stage show म्हणा ना...... आणि मला खात्रीआहे की याची सर जस्टीन बीबर च्या कार्यक्रमाला सुद्धा येणार नाही. अर्थात या सगळया गोष्टींची खुमारी अनुभवाची असेल तर आपल्या शहरी जीवनातून थोडी उसंत काढायला हवी. रोजच्या धकाधकीतून थोडे निवांत होउन निसर्गाच्या कुशीत बागडायला हवे...... तरच हा निसर्ग सोहळा अनुभवता येईल, त्याचा आनंद घेता येईल.
जंगल ट्रेल्स आपल्याला अशीच एक संधी उपलब्ध करून देत आहे. निसर्गातील अमुल्य आभूषण, रंगीत पंखी गळ्याचा सरडा ( Fan Throated Lizard ) पहायला व कैमेराबद्ध करायला रविवार दिनांक 11/06/17 रोजी एकदिवसीय निसर्ग सहलीचे आयोजन केले आहे. या सहलीत, काजव्यांच्या दर्शनाचीही संधी उपलब्ध होउ शकते. तरी आपण या संधीचा जरुर लाभ घ्यावा ......अधिक माहिती साठी 9822846320 या मोबाईल वर संपर्क साधावा.
सुधीर सावंत,
जंगल ट्रेल्स,
9822846320.
