सिद्धिविनायक टुर्स ॲण्ड ट्रॅव्हल ,सांगली

02/02/2019

19/09/2017

*कासपठार*
( सांगलीपासून १४३ किमी )
साताऱ्याच्या पश्चिमेकडे साधारणः २२ किलोमीटर अंतरावर आहे. या पठारावरील कास तलावसातारा शहराला पाणीपुरवठा करतो. या पठारावर पावसाळा सुरू झाल्यावर असंख्य प्रकारची रानफुले फुलतात.अनेक दुर्मीळ प्रजाती येथे सापडल्याने या पठाराचा २०१२ साली युनेस्को जागतिक वारसा स्थळांच्या संरक्षित यादीत समावेश केला गेला आहे.
कास हा जैवविविधतेचा हॉटस्पॉट आहे. हे पठार त्यावर ऑगस्ट ते ऑक्टोबर या काळात फुलणाऱ्या विविध प्रकारच्या रानफुलांसाठी आणि फुलपाखरांसाठी प्रसिद्ध आहे. पठाराची समुद्रसपाटीपासूनची उंची १००० ते १२५० मीटर, आणि क्षेत्रफळ अंदाजे १० चौ.किमी आहे. या पठारावर २८० फुलांच्या प्रजाती व वनस्पती वेली, झुडपे आणि इतर प्रजाती मिळून ८५० प्रजाती आढळतात. येथे आययूसीएनच्या प्रदेशनिष्ठ लाल यादीतील (International Union for Conservation of Nature and Natural Resources यांनी नष्टप्राय होण्याचा धोका असलेल्या घोषित प्रादेशिक प्रजातींची यादी) २८० पुष्प प्रजातींपैकी ३९ प्रजाती आढळतात. येथे सुमारे ५९ जातींचे सरिसृप (सरपटणारे प्राणी) आढळतात.

कास पठारावर आढळणाऱ्या फुलांपैकी काही फुलांची यादी -

Adenoon indicum(मोठी सोनकी)Aerids maculosumAponogeton satarensis (वायतुरा)Arisaema murrayi(पांढरा सापकांदा)Begonia crenataCeropegia jainii(सोमाडा)Ceropegia vincaefolia (कंदील पुष्प/कंदील खर्चुडी)Ceropegia mediaChlorophytum glaucoides (मुसळी)Cyanotis tuberosa(आभाळी)Dendrobium barbatulum (भारंगी)Dioscorea bulbifera (डुक्कर कंद)Dipcadi montanum(दीपकडी)Drosera burmanni(दवबिंदू)Drosera indica(गवती दवबिंदू)Elaeocarpus glandulosus (कासा)Exacum tetragonumFlemingia nilgheriensisHabenaria grandifloriformisHabenaria heyneana (टूथब्रश ऑर्किड)Habenaria longicorniculataHabenaria panchganiensisHitchenia caulina(छावर)Impatiens oppositifoliaIpomoea barlerioidesLinum mysurense(उंद्री)Memecylon umbellatum (अंजनी)Murdannia lanuginosa (अबोलिमा)Murdannia simplex(नीलिमा)Nymphoides indicum (कुमुदिनी)Oberonia recurvaParacaryopsis coelestina (निसुर्डी)Paracaryopsis malbarica (काळी निसुर्डी)Pinda concanensis(पिंड)Pogostemon deccanensisRotala fimbriataRotala ritchiei(पानेर)Senecio bombyensis (छोटी सोनकी)Senecio grahami/bombayensis (सोनकी)Smithia agharkariiSmithia hirsute / hirsuta (कवळा)Trichosanthes tricuspidata (कोंडल)Utricularia purpurascens (सीतेची आसवे)Vigna vexillata(हालुंडा)Wild Brinjal flower (काटे रिंगणी)
चला तर मग ..
सहल तुमची सेवा आमची

*सिद्धिविनायक टुर्स ॲण्ड ट्रॅव्हल,सर्व्हिसेस,सांगली*
अभिजित तुराई ,महेश सायमोते
९६०४३५१११,९९७५२४३३३३,९०२१६७५५५५ .
https://www.facebook.com/sts.sangli/

10/09/2017

*गोवा चित्र*
( गोवा दर्शन)
राज्य आणि चित्रं ही त्याच्या संस्थापकाची आपल्या पूर्वजानां आणि त्यांच्या जीवन शैलीला वाहिलेली श्रद्धांजली आहे. वसस्तुसंग्रहालय एका नैसर्गीक शेताच्या पार्श्वभूमीवर वसलेलं आहे आणि ते वतावरण गतकाळातील परंपरा ठळकपणे दाखवते. आपल्या पूर्वजांची पारंपारीक शेतकी जीवन पद्धती आणि ते अवलंबत असलेल्या पर्यावरणवादी तंत्राविशयीची जागृती आणि त्याचं कौतूक करणारा हा प्रकल्प आहे. एक संस्था म्हणून ते भरपाई करणारा परिसरनिर्माण करणे, आरोग्य आणि चैतन्य वाढवणे आणि अधिक सलोख्याचे वातावरण निर्माण करण्याचे ध्येय पुढं ठेऊन आपलं आयुष्य समृद्ध करणारे कार्यक्रम राबवत असते.
ह्या वस्तुसंग्रहालयाचे ध्येय म्हणजे लहाना पासून थोरा पर्यंत येणाऱ्या सगळ्या पाहुण्यांना मजा करायला आणि घरगुती पारंपारीक वस्तू आणि उपकरणांची वेगवेगळ्या अनेक प्रकारच्या दृष्टिकोणातून ओळख करून घेण्यासाठी मदत करणे.
चला तर मग
सहल तुमची सेवा आमची

*सिद्धिविनायक टुर्स ॲण्ड ट्रॅव्हल,सर्व्हिसेस,सांगली*
९६०४३५१११,९९७५२४३३३३,९०२१६७५५५५ .
https://www.facebook.com/sts.sangli/

09/09/2017

*नेव्हल ऍव्हएशन म्युझियम*
(गोवा दर्शन )

हे भारतातील एकमेव नेव्हल ऍव्हिएशन म्युझियम वास्को- बोगमाळो रस्त्यावर, बंदराचे शहर वास्को –द गामा पासून अवघ्या ६/७ कि.मी. अंतरावर वसलेलं आहे.हे अख्ख्या आशियातील या प्रकारचं एकमेव नेव्हल ऍव्हिएशन म्युझियम ऑक्टो.1998 मध्ये स्थापन झालं. याला अजून इतकी प्रसिद्धी न मिळाल्यामुळे गोव्यातील अनेक लोकांनी ते पाहिलेलं नाही.
अरबी समुद्राला सामोरं असणाऱ्या पठारावर हे वसलेलं आहे. इथून बोगमाळो किनारा दिसू शकतो. नेव्हल ऍव्हिएशन म्युझियम दोन विभागात वाटलेलं आहे. एक बाहेरच्या बाजूने खुल्या हवेत तर दुसरा आंतमध्ये आहे.
मुख्य गेट मधून आत शिरल्यावर अवघ्या परिसरावर नजर ठेवून उभ्या असलेल्या पहारेकऱ्यासारख्या प्रचंड “सुपर कोल्स्टिलेशन” च्या दृश्याने स्वागत होते. हे ऍअर क्राफ्ट प्रथम इंडियन ऍअर लायन्सने प्रवाशांना वाहून नेण्यासाठी वापरले होते. त्या नंतर ते क्राफ्ट वाहून नेण्यासाठी वायु सेनेच्या हवाली केले गेले. नंतर ते नॅव्हीने वायुसेने कडून उसने घेतले आणि अजून ते त्यांच्याच ताब्यात आहे, जरी कामात नाही..
जसे तुम्ही वस्तुसंग्रहालयाच्या बाहेरच्या विभागात प्रवेश कराल तुम्हाला सी हॉक सारखी वेगवेगळी ऍअर क्राफ्ट इंजिनं, हेलिकॉप्टर इंजिन , सीलॅंड ऍअर क्राफ्ट इंजीन आणि 60 त नेव्ही वापरत असलेलं जुनं फार इंजीन सुद्धा बघायला मिळेल. जसे तुम्ही थोडं पुढं जाल तुम्हाला वेगवेगळी सात ऍअर क्राफ्ट बघायला मिळतील.
सी हॅरिअर, डव्ह हे शत्रूच्या हालचालींची माहिती मिळवण्यासाठी वापरलं जाणारं एकेरी बैठकीचं जेट फायटर, सी लॅंड हे हलक्या वाहतुकीसाठी वापरलं जाणारं दुहेरी इंजिनचं ऍअर क्राफ्ट आणि इतर कामं करणारं , जमिनीवर तसेच समुद्रावर धावण्याची दुहेरी भूमिका करणारं सीहॉक, व्हॅंपायर हे एक एकेरी इंजिनाचं जेट फायटर, ह्युजेस एक छोट्या बांधणीचं लगतच्या 2 बैठकांचे सैनीक प्रशिक्षक, ऍलीझ हे दोन लगतच्या बैठकांचे हॅलिकॉप्टर, 3 बैठकांचे वाहक पाणबुडी विरोधी आणि शत्रूंच्या हालचालीवर नजर ठेवण्यासाठी वापरले जाणारे ऍअर क्राफ्ट ही सात प्रकारची एअर क्राफ्ट आहेत.
तुम्ही संग्रहालयाच्या आतल्या विभागात प्रवेश केल्यावर ऍअर क्राफ्ट वाहू आयएनएस विराट मध्ये प्रवेश केल्याचा भास होतो. कारण कॉरिडोरच्या दोन्ही बाजूंना विराटच्या आतल्या भागाचे चित्रण केलेलं आहे. त्यामुळे समुद्रात विराटवर आसल्याचं वातावरण निर्माण होतं. इतर दोन खोल्याही जहाजाची कल्पना करूनच आखलेल्या आहेत.
तुमच्या डाव्या बाजूला एका खोलीत सगळी शस्त्रास्त्रं नीट लावून ठेवली आहेत. इथं तुम्हाला टोरपेडो, वेगवेगळ्या आकाराचे बॉम्ब, रॉकेट, हत्यारे, क्षेपणास्त्रे, पाणबुडीला उडवून लावणारा दारूगोळा वगैरे जवळून पाहाता येतं.
तुम्ही शस्त्रास्त्रांच्या खोलीतून बाहेर आल्यावर तुम्हाला सोनोबॉय रूम मिळेल. सोनोबॉय म्हणजे पाण्याखालील शत्रूचे लक्ष्य शोधून काढण्यासाठी ऍअरक्राफ्ट कडून वापरण्यात येणारे सेंसर्स.
सुरक्षा खोलीत कोणत्याही धोक्यात आणि घटनेत नौदल कर्मचाऱ्यां कडून समुद्रात आणि हवेत असताना वापरण्यात येणारी वेगवेगळी गॅझेट, सुरक्षा गियर ठेवलेली आहेत. इथे फ्लोटिंग डिग्नी पॅरॅशूट, फायटर पायलट्स इजेक्सन सीट, पायलटचा पोशाख वगैरे ठेवलेलं आहे.
जरा पुढे मल्टिमिडिया रूम आहे. त्यात सिम्युलेटर आहे. इथं मुलं तसेच मोठे सुद्धा सिम्युलेटर मध्ये जेट फायटर वैमानिकाच्या बसण्याच्या जागेचा अनुभव घेऊ शकतात.
तुम्ही कॉरिडर मधून त्या जागेचं सौंदर्य न्याहाळीत जात असताना तुम्हाला 1958 ते 1997 वर्षामध्ये मातृभूमीसाठी विमान चालवताना जीव त्यागलेल्या सैनिकांना श्रद्धांजली देणारी “श्रद्धांजली” ग्रेनायटची शिला भिंत सजवताना दिसून येते.
याला लागूनच हॉल ऑफ सायलन्स नावाचं संग्रहालयाचे मर्मस्थान आहे. ही साधनेची खोली आहे. ही जागा प्रसन्न, थंड आणि शांत आहे. एक निळ्या रंगातील सुंदर चित्र ग्रॅनायटने बांधलेल्या एका भिंतीवर शोभून दिसतं.
मोठ्या दालनात छायाचित्राचा कोपरा आहे. इथं नौदलाचा 1959 पासूनची ऍव्हिएशन हिस्ट्री दाखवणारी जुनी छायाचित्रे आणि तळटिपा आहेत. ऑपरेशन विजय ह्या गोव्याच्या मुक्ती लढ्यातील कृष्णधवल छायाचित्रे इथे लावलेली आहेत.
तुमच्या वस्तुसंग्रहालयाच्या भेटीत छोट्या म्युझियम सुव्हेनिर शॉपमध्ये जाण्याचे विसरू नका. त्यात पेन ते की-चेन, कातडी पाकीट, आणि कॅप, टी-शर्ट ठेवलेले आहेत. त्यातून ह्या सुंदर स्थळाची आठवण म्हणून एखादी वस्तू तुम्ही घेऊन जाऊ शकता.
हे नॅव्हल एव्हिएशन म्युझियम कित्येक मैल जाऊन पाहाण्या लायक आहे. यातून युवकासाठी संरक्षण क्षेत्रात जाण्यासाठी मिळणारी प्रेरण आणि ज्ञान मिळू शकतं. या वस्तुसंग्रहालयाला दिलेली भेट अवघ्या दोन कि.मी. अंतरावर असणाऱ्या “हॉलंट बीच” ह्या नयनरम्य स्थळावर सहल आयोजीत करून संपवू शकता. मग चला तर न पाहिलेला गोवा पाहयला .
सहल तुमची सेवा आमची

*सिद्धिविनायक टुर्स ॲण्ड ट्रॅव्हल,सर्व्हिसेस,सांगली*
९६०४३५१११,९९७५२४३३३३,९०२१६७५५५५ .
https://www.facebook.com/sts.sangli/

08/09/2017

*वॅक्स वर्ल्ड म्युझियम*
(गोवा दर्शन )
जुने गोवा येथील वॅक्स वर्ल्ड म्युझियम हे भारतातील 2 रे मेणाचे वस्तुसंग्रहालय आहे. प्रत्येक आकृती पॅराफीन वॅक्सातून काळजीपूर्वक कोरलेली आहे. वापरलेले केस खरे आहेत. दोळे आणि दात मात्र नकली आहेत. वस्तुसंग्रहालयात 30 पेक्षा अधीक भारतीय संस्कृती, वारसा आणि धर्मातील प्रसिद्ध व्यक्तीचे पूर्णाकृती पुतळे आहेत. त्यातील मुख्य आकर्षण असलेलं “लास्ट सपर” हे शिल्प 22 फूट लांब आणि 500 की. वजनाचे आहे.
इथे एक छोटंसं भेटवस्तूचं दुकान आहे. तिथे वेगवेगळ्या आकाराच्या आणि आकृतींच्या आणि वासाच्या मेणबत्त्या विकत मिळतात.
*प्रवेश शुल्क*
30/- रु. आणि 10/- रु. कॅमेरा साठी
चला तर मग सहल तुमची सेवा आमची
*सिद्धिविनायक टुर्स ॲण्ड ट्रॅव्हल,सर्व्हिसेस,सांगली*
९६०४३५१११,९९७५२४३३३३,९०२१६७५५५५ .
https://www.facebook.com/sts.sangli/

28/08/2017

#कॉन्व्हेंट_आणि_ऍसिसी_मधलं_सेंट_फ्रांसिसचं_च्रर्च,
(गोवा दर्शन)


या चर्चच्या बाहेरची बाजू टस्कन परंपरेची असून मुख्य प्रवेशद्वार मॅनुलायन शैलीतलं आहे. मुख्य वेदी कोरियन्थन वैशिष्ट्यं असलेली बॅरक आहे. इथं दालनं नसून फक्त नेव्ह आहे जे रिब-व्हॉल्टर्ड आहे.
आंतील आधाराच्या भिंती , चॅपलना वेगळं करून वरच्या गॅलरीला वरून आधार देतात. त्याच्यावर गुंतागुंतीची फुलांची नक्षी दाखवणारी फ्रेस्को(चित्रं) आहेत.दर्शनी बाजूवरील कोनाड्यात अवर लेडी ऑफ मिरॅकल्स चा श्रीलंकेतील जाफना मधून आणलेला पुतळा आहे . एसिसी मधील सेंट फ्रांसिसचा पुतळा फ्रांसिस्कनांची मानचिन्हं असलेला चबूतरा भूषवतो. आत मध्ये प्रवेश केल्यावर डाव्या बाजूला फुलांच्या न7ने कोरलेलं एक लाकडी व्यासपीठ आहे.
पट्ट्यांच्या घुमटाखाली फुलांची नक्षी असलेली फ्रेस्को असलेली मुख्य वेदी आहे जी वर्ख लावलेली आहे आणि एक सुंदर रितीने कोरलेला कोनाडा चार ख्रिस्ती धर्मोपदेशकांनी आघार दिलेलं एक प्रार्थना मंदीर आहे.
प्रार्थना मंदीराचा उपयोग पवित्र साक्रामेंत दाखवण्यासाठी केला जात होता. प्रार्थना मंदीराच्या वर मुख्य वेदीवर एसीसीच्या सेंट फ्रांसीसचा मोठा पुतळा आहे. आणि तेवढाच मोठा जीझसचा क्रॉस वरचा पुतळा आहे. त्या दोन आकृत्यांच्या खाली तीन शपथा कोरलेल्या आहेत.-गरीबी, तुच्छता आणि आज्ञाधारकता. मुख्य वेदीच्या दोन्ही बाजूला नेव्हमध्ये सुंदर मोठी पेंटिंग्ज आहेत त्यात एसीसीच्या सेंट झेवियरच्या जीवनावरची चित्रं दाखवली आहेत.
ही चर्च आणि त्याला जोडून आसलेली कोन्व्हेंट्स यांचं मूळ आठ फ्रांसिस्कन भिक्षूंनी केलेल्या नम्र सुरवाती पर्यंत जाऊन पोचते. ज्यानी 1517तल्या त्यांच्या आगमना नंतर त्या वेळच्या गव्हर्नर कडून मृत ठाणादारची असलेली काही घरे हातात घेतली. त्यांच्या चिकाटीच्या प्रयत्नांनी त्यांनी तीन वेद्या आणि एक कोयर असलेलं चॅपल बांधलं.
होली गोस्टला समर्पीत केलेली चर्च 1521 साली बांधलं होतं आणि नंतर मोडून त्याच जागेवर सध्याचं चर्च आधीच्या चर्चचं फक्त प्रवेशद्वार ठेऊन 1661 साली बांधलं गेलं.चला तर मग
सहल तुमची सेवा आमची
*सिद्धिविनायक टुर्स ॲण्ड ट्रॅव्हल,सर्व्हिसेस,सांगली*
९६०४३५१११,९९७५२४३३३३,९०२१६७५५५५ .
https://www.facebook.com/sts.sangli/

25/08/2017

*अवर लेडी ऑफ रोझरीचे चर्च,बैंगिणीं,गोवा*
(गोवा दर्शन)
बेसिलिका ऑफ बॉं जीजसच्या पश्चिमेला जवळच बाँ जीजस हा पवित्र डोंगर आहे. त्याच्या टोकाला अवर लेडी ऑफ रोझरीचे चर्च आहे. चिरेबंदी आणि चुन्याचं प्लास्टर असलेलं, त्याला दोन मजली द्वार मंडप आहे. मंडप तसेच चर्चच्या दर्शनी भागाला दोन्ही बाजूंना गोलाकार मनोरे व त्यांच्या वरच्या बाजूला क्रॉस आहे. चर्चचे छत लाकडी वाशांवर कौले घातलेले आहे.
*चॅपल आणि वेद्या*
इथे दोन चॅपल आणि तीन वेद्या आहेत. मुख्य वेदी अवर लेडी ऑफ रोझरीला समर्पीत आहे. चर्चच्या खिडक्या छताजवळ आहेत आणि गोलाकार मनोरे चर्चला किल्ल्याचं रूप देतात. शैली मॅनुलायन आहे जरी रिब – व्हॉल्ट मध्ये गोथीक प्रभाव दिसून येतो.
*दोना कातारिना चे स्मारक*
मुख्य वेदीच्या उजव्या बाजूला संगमरवरी स्मारक आहे जे दोना कातारिनाचे स्मरण करून देते.
तिचं लग्न व्हॉयसरॉय गार्सिया दि सा बरोबर सेंट फ्रांसिस झेव्हियरने लावून दिलं होतं. स्मारक भिंतीतून किंचित पुढं आलेलं आहे आणि कोरीव छोट्या खांबांनी सजवलेलं आहे. पोर्तुगीज मध्ये कोरलेली अक्षरं आणि दर्शनी भागाच्या वरचा त्रिकोणी भाग शिंपल्यांच्या नक्षीकामाने नटवलेले आहेत. फुलदाणीतून साकारलेले नक्षीकाम आणि पानांचं कोरीव काम गुजरातमधील थडग्याशी साम्य दार्शवतं त्यातून स्थानीक कलेच्या प्रभावाचा आविष्कार होतो.
हे वचनपूर्तीचे चॅपल आफोंस द आल्बुकर्कने ज्या ठिकाणी हे चर्च उभं आहे, त्याच ठिकाणी त्याच्या सैन्याच्या बिजापूरच्या सुलतानशी झालेल्या लढाईच्या वेळी घेतलेल्या शपथेच्या पूर्ततेसाठी बांधलं. परंतु ती शपथेची पूर्तता मात्र त्याच्या मृत्यू नंतर झाली. ही चर्च 1544-49 मध्ये बांधली गेली.गोवा दर्शनला चला तर मग .!
सहल तुमची सेवा आमची

*सिद्धिविनायक टुर्स ॲण्ड ट्रॅव्हल सर्व्हिसेस,सांगली*
९६०४३५११११,९९७५२४३३३३,९०२१६७५५५५ .
https://www.facebook.com/sts.sangli/

24/08/2017

*अवर लेडी ऑफ इमेक्युलेट कंसेप्शन चर्च पणजी,गोवा*
(गोवा दर्शन)
ही चर्च गोव्यात सर्वात आधी बांधलेल्या चर्ची पैकी एक होती, 1541 पासून ती खात्रीनं तिथं अस म्हणता येइल .
1619 मधे तिच्या पाया पासून आधीची चर्च पूर्णपणे नव्याने बांधली गेली (जीर्णोद्धार). आणि तेथील गौण लोकसंख्या आणि चर्चचं आकारमान लक्षात घेता त्या वेळचं धार्मीक वतावरण आणि चर्चीकडे उपलब्ध असलेली संपत्ती यावर भाष्य करण्यास पुरेसं आहे.
चर्चचा अंतर्गत भाग त्या काळाच्या मानाने साधा आहे. जरी मॅरी इमेक्युलेटला समर्पीत मुख्य वेदीचा पार्श्वभाग थक्क करण्यासारखा आहे.
दोन्ही बाजूला असलेल्या वेद्या दृष्टी खिळवून ठेवतात. डावीकडची क्रुसिफायड जीजसला समर्पीत आहे आणि उजव्या बाजूला लेडी ऑफ रोझरीला समर्पीत आहे.
प्रत्येक वर्ख चढवलेली कोरीव काम केलेली तरी सुध्दा आटोपशीर आणि नियंत्रीत त्या काळातला उत्कृष्ठ नमुना आहे. प्रत्येकाच्या बाजूने एक संगमरवरी पुतळा आहे एक सेंट पीटर आणि दुसरा सेंट पॉल यांचा.
दक्षिणेच्या ट्रान्सेप्टमध्ये मुख्य अल्तारच्या उजव्या बाजूला सेंट फ्रांसिस झेव्हियरचे चॅपल आहे. त्याच्या पडद्यांच्या मध्यभागी कांचेच्या आवरणातील पुतळे आहेत.चला तर मग
सहल तुमची सेवा आमची

*सिद्धिविनायक टुर्स ॲण्ड ट्रॅव्हल सर्व्हिसेस,सांगली*
९६०४३५११११,९९७५२४३३३३,९०२१६७५५५५ .

https://www.facebook.com/sts.sangli/

23/08/2017

*हरवळेचा धबधबा*
(गोवा दर्शन)

रुद्रेश्वर देवळापासून कोसळणारा हा धबधबा 70फूटांवरून खाली कोसळतो. खाली पोहणाऱ्यांसाठी एक उत्तम तळं बनलेलं आहे.
डिचोली पासून मये तळ्याच्या वाटेवर सांखळी गांव आहे. इथे वसाहतीच्या शासनाने 1700 च्या मध्यात आपलं रजपूत दल(त्याला ‘राणे’ म्हणून ओळखले जाते) ठेवले होते. 19 व्या शतकात ह्या दलाने यशस्वी उठाव केला.
सांखळीच्या आग्नेय टोंकाला 1 मैलावर जवळ हरवळे गूहा आहेत. गूहा पासून 10 मिनिटांच्या वाटेवर हरवळेंचा धबधबा आहे. ह्या धबधब्याला पावसाळ्यानंतर ऑक्टोबर मध्ये भेट द्यावी. तो प्रचंड आवाजात सभोंवतालच्या झाडांतून कोसळत असतो.पण हिंवाळ्यात त्याच्या प्रवाहात घट झालेली असते आणि तो केवळ एक धारेच्या रूपात खाली येतो.
हा धबधबा जो 50 मीटरांवरून कोसळत असतो दूधसागरा सारखा अवाक करणारा नसला तरी लक्षवेधी जरूर आहे.
हा धबधबा सभोवतालच्या रम्य परिसरात आहे आणि त्याच्या सान्निध्यात रुद्रेश्वराचे देऊळ आहे. मृत्यूनंतर 12 दिवसांनी आत्मा अनंतात विलीन होतो असं मानणाऱ्या हिंदूंसाठी हे देऊळ महत्वाचे आहे. सरकारने ह्या भागात एक उद्यान बनवलं आहे तेथून धबधब्याचे सौंदर्य शांतपणे बघता येते.
म्हापसाहून सांखळीला बस वरून जाता येतं. परंतु गूहेपर्यंत जाण्यासाठी चालून जावं लागतं किंवा मोटरसायकल वरून जावं लागतं.गुहेतून गेल की सुंदर असा हा धबधबा चला तर मग खरा गोवा पाहायचे ना ..!
सहल तुमची सेवा आमची
*सिद्धिविनायक टुर्स ॲण्ड ट्रॅव्हल सर्व्हिसेस,सांगली*
९६०४३५११११,९९७५२४३३३३,९०२१६७५५५५

22/08/2017

*दुधसागर*
(गोवा दर्शन)

हा धबधब्याच्या कोंकणी नावाचा अर्थ आहे दूधाचा सागर. खालून उठणाऱ्या दुधासारख्या फेसा पासून हे नाव घेतलं आहे. दूधसागर उभ्या कड्यावरून चंद्रकोरीच्या आकाराच्या माथ्यावरून खाली घनदाट वनराईत कोसळत आसतो. इथे एकतर पायी किंवा ट्रेन वरून जावं लागतं.
गोव्यातील बहुतेक जागांप्रमाणे दूधसागराला जोडलेली सुध्दा एक आख्यायिका आहे. त्यात एक राजा ज्यानं पश्चिम घाटावर राज्य केलं त्या राजाची कथा आहे. त्याची संपन्न जागा हरणं आणि चितळांनी समृध्द असलेल्या विस्तीर्ण बागानी वेढलेली होती.
त्या राजाची एक सुंदर कन्या होती. ती राजाच्या सुंदर बागांच्या कडेवर असलेल्या तळ्यात आंघोळ करत असायची. आंघोळ केल्यानंतर ती सोन्याच्या भांड्यातून फेसाळलेले साखर घातलेले दूध प्यायची.
एके दिवशी ज्यावेळी ती दूध पिऊन संपवत होती त्यावेळी तिला एक राजबिंडा राजपुत्र झाडीतून आपल्याकडे बघत असलेला दिसला. अंगावर अपुरे कपडे असल्यामुळे त्या राजकन्येने आपले अंग झाकण्यासाठी आपले साखर घातलेले दूध आपल्या पुढे ओतले आणि त्याच्या फेंसाचा पडदा केला. त्याचवेली तिची दासी तिला कपडे नेसवण्यासाठी पुढे धावली.
अशाप्रकारे आख्यायिकेचा जन्म झाला. डोंगरावरून ओतलेले दूध खालून वाहू लागले ते आता हजारो पाहुण्यांचे लक्ष वेधून घेत आहे आणि गोव्यातील लोकप्रीय पर्यटन स्थळ बनले आहे.
धबधब्यावर वास्को किंवा मडगावहून ट्रेन मधून सुध्दा जाता येतं. कुळे नजीक भगवान महावीर अभयारण्यात एक रेल्वेस्थानक आहे तेथे तिथून धबधब्यावर नेण्यासाठी प्रवासांना घेतलं जातं. दिवसातून दोन गाड्या दूधसागर थांब्यावर थांबत असतात. आणि सकाळच्या गाडीनं जाऊन धबधब्यावर काही तास घलवून दुपारच्या गाडीने परत येता येते.
धबधब्याच्या वरच्या बाजूने वास्को- लोंढा रेल्वे लायन डोंगर ओलांडत असते. गाडीतून अवर्णनीय सोंदर्य दिसत असते. तेथे काही पाणवठे पण आहेत ज्यात तुम्ही पोहू शकता. ज्यामुळे दूधसागर सहल तुमचा थकवा घालवते ..
हे डोंगर चढून जाणारे आणि भ्रमंती करणाऱ्यांसाठी लोकप्रीय ठिकाण आहे. धबधब्यावर अभयारण्याकडून जीपने पण जाता येतं. तरीसुध्दा तिथे जाण्यासाठी जुन्ता हावस, पणजी येथील वन विभागाकडून पूर्व परवानगी घ्यावी लागते,
वरून खाली पर्यंत ह्याची उंची 600 मी. आहे. तो गोवा कर्नाटक हद्दीवर असून किनाऱ्यावरील पाहुण्यांना पश्चिम घाटात आकर्षीत करतो. दक्षीण पठारावरून मांडवीत कोसळल्या नंतर फेंसाळलेल्या पाण्याचे तीन प्रवाह होऊन खालील हिरव्या पाणवठ्यात कोसळतात.चला तर मग जायचे ना !
सहल तुमची सेवा आमची
सिद्धिविनायक टुर्स ॲण्ड ट्रॅव्हल सर्व्हिसेस,सांगली
९६०४३५११११,९९७५२४३३३३,९०२१६७५५५५ .

22/08/2017

*केसरव्हाळचा झरा*
(गोवा दर्शन)
केसर-व्हाळ” हा शब्द गरुडासाठी वापरण्यात योणाऱ्या भारतीय शब्दावरून घेतला आहे. गरूड ज्यांची ह्या डोगराच्या उतारावरील जंगलात वसाहत होती. आधी ह्या झऱ्यापर्यंत जायला फक्त एक वांकडी तिकडी डोंगराळ वाट होती. 1950 मध्ये इथे पायऱ्या बांधल्या गेल्या. त्या मुळे झऱ्यात आंघोळ करणाऱ्यांना झऱ्यावर जाण्याचा मार्ग सोपा झाला.
हा झरा स्थानिकांसाठी आणि दूरवरून आंघोळीसाठी येणाऱ्यांमध्ये एक प्रतिष्ठेचं स्थान झालं आहे. या पाण्यात औषधी गुणधर्म आहेत असं मानलं जातं. ते एक लोकप्रीय संपूर्ण स्नान आहे जिथे त्या “औषधी पाण्याने” आपले आजार बरे करण्यासाठी लोक वर्षातून एकदा येऊन आंघोळ करून जातात.बरेच प्रौढ लोक आपल्या व्यधीग्रस्त आंघोळ करून शरिरात उत्साह आणतात. काही लोकांना अजून विश्वास आहे की झऱ्याच्या पाण्यात आजार बरा करण्याचे जादूई गुणधर्म आहेत जे त्वचा आणि डोळ्यांचे आजार बरे करतात.
पर्यटन विभागाने केसरव्हाळ पर्यटन स्थळ म्हणून घोषीत केलं आहे. पावसाळ्यात ह्या झऱ्याला उधाण येतं आणि तो जोमात वाहू लागतो. एप्रील मे च्या उन्हाळ्यात डोंगरावरील पाणी कमी होतं आणि झरा बारीक होत असतो.
केसरव्हाळ त्याच्या टप्याटप्यानी चढत रानातल्या गावात उतरणाऱ्या डोंगरांमुळे काळ स्तब्ध असलेली जागा बनलेली आहे.स्थळाला दाट झुडपांनी घेरलेलं आहे. आणि पूर्व आणि दक्षिणेला डोंगर आहेत. ह्या डोंगरांच्या उतारावर पूर्वेला उष्ण कटिबंधातील झाडांनी आणि झुलत्या पोफळींच्या झाडांनी घेरलेला आहे हा केसरव्हाळचा झरा.
केसरव्हाळचा झरा पणजी पासून 22 कि.मी. अंतरावरील वेर्णा पठारावर मडगावकडे जाणाऱ्या रा. महामार्गावर आहे. जुवारीचा पूल ओलांडल्यावर कुठ्ठाळी गावात हा झरा आढळतो. चला तर मग खरा गोवा पाहायला .
सहल तुमची सेवा आमची

सिद्धिविनायक टुर्स ॲण्ड ट्रॅव्हल सर्व्हिसेस ,सांगली
९६०४३५११११,९९७५२४३३३३,९०२१६७५५५५ .

21/08/2017

*गोवा*
(सांगलीपासून २६५ किमी )

गोवा हे गोमंतक या नावानेही ओळखले जाते येथे भगवान शंकराचे काही काळ वास्तव्य होते अस पुराणात सांगितले जाते. या गोव्यामधे काही वर्ष मुस्लिम व पोर्तुगीज राज्यकर्त्यांची सत्ता होती पोर्तुगीजचा अल्फान्सो-द - अल्बुकर्क याने बराच प्रदेश आपल्या ताब्यात घेतला (इस१५१०)व पोर्तुगीजांची सत्ता प्रस्तापित केली होती .
शिवाजीराजांनी पोर्तुगीजांना गोव्यापुरतेच मर्यादित ठेवले होते नंतर १९६२ मध्ये गोवा स्वतंत्र झाला (गोवा मुक्ती मोर्चा ) व राजधानी म्हणुन पणजी अस्तित्वात आली .पणजी हे मांडवी नदिच्या तीरावर वसलेल अतिशय रम्य आणि निसर्ग सौंदर्य लाभलेल शहर आहे . गोव्यामध्ये फिरण्यासारख आणि पाहण्यासारखे खुप काही आहे परंतु आनेक पर्यटकांचा असा समज आहे की गोवा म्हणजे फक्त सुंदर समुद्र्किनारे व वास्तु तर तस अजिबात नाही गोवा व त्याच्या आजुबाजूला थोड्या थोड्या अंतरावरती अनेक पर्यटनस्थळ आहेत जी ज्ञात - अज्ञात आहेत त्याचीच माहिती आम्ही आपल्याला देण्याचा प्रयत्न करीत आहोत संपूर्ण माहिती एकाच वेळी देणे शक्य नसल्याने *गोवा दर्शन* या नावाने मालिका देत आहोत यामध्ये गोव्यात असणारे शिलालेख,धबधबे,झरे ,तळी ,प्राचिन गोवा व संस्कृती,किल्ले,गुहा ,पुराणवस्तुसंग्राहलय ,समुद्र किनारे ,देवळे ,मशिदी आणि चर्च याची संक्षिप्त मधे सचित्र माहिती आपल्या पर्यंत पोहचवत आहोत .यामधे प्रामुख्याने
*झरे व धबधबे*
केसरव्हलचा धबधबा
दुधसागर धबधबा
मये तळे
हरवळेचा धबधबा
*प्राचिन गोवा व चर्ची*
अवर लेडीऑफ इमेक्युलेट कंसेप्शन चर्च .
अवर लेडी ऑफ रोझरीचे चर्च .
कॉन्व्हेंट आणि एॲसीसी मधील सेंट फ्रांसीस चर्च .
बेसिलिका बॉ जीजस
रेईश मागुश चर्च
सी कॅथेड्रल
सेंट आगुस्तीनचा मनोरा
सेंट एनी ची चर्च तळावळी
सेंट कॅजिटनचे आणि चर्च ऑफ डिव्हायन प्रोव्हिडन्स
सेंट पॉलचे चर्च आणि कॉलेज
*किल्ले*
आग्वाद किल्ला
काब-द- राम किल्ला
काबो राज निवास (राज भवन )
कोलवाळच्या किल्ल्याचे अवशेष
खोर्जुवे किल्ला
तेरेखोलचे किल्ला
ऱाशोल चा किल्ला
शापोरा किल्ला
*पार्क आणि अभयारण्य*
खोतीगाव अभयारण्य
डॉ. सलिम अली बर्ड सेंक्चुअरी
बोंडला रान
भगवान महावीर अभयारण्य आणि मोंले नॅशनल पार्क
*गुहा*
खांडेपारच्या दगड कापुन केलेल्या गुहा
हरवळेच्या गुहा
*पुराणवस्तुसंग्रहणालय*
ख्रिश्चन आर्ट म्युझियम ,जुने गोवे
गोवा चित्र
थ्री किंग्ज हॅरिटेज गाव
नेव्हल ॲव्हएशन म्युझिअम
पिलार म्युझिअम
राज्य पुरातन वस्तु संग्रहालय ,पणजी
वॅक्स वर्ल्ड म्युझिअम
*समुद्रकिनारा*(बिच )
आंगोदे किनारा
आग्वाद किनारा
कळंगुट किनारा
कांडोळे किनारा
कोलवा किनारा
पालोळें किनारा
बागा किनारा
बाणावली किनारा
बेतुल किनारा
बोगमाळो किनारा
माजोर्डा किनारा
मिरामार किनारा
वागातोर किनारा
वार्का ,कासावली ,मोबोरे किनारा
सिकेंरी किनारा
हणजुणा किनारा
*देवालये*
तांबडी सुर्ल देवुळ
अनंताचे मंदीर
देवकी कृष्ण मंदीर
नागेश देवस्थान
ब्रम्हा मंदीर
मंगेशी मंदीर
मल्लिकार्जुन मंदीर
महालक्ष्मी मंदीर ,पणजी
महालक्ष्मी मंदीर,बांदिवडे
महालसा मंदीर
ऱामनाथ मंदीर ,बांदिवडे
श्री चंद्रनाथ मंदीर
श्री भगवती मंदीर
*मशीदी*
जामा मशीद
नामाजगाह मशीद
साफा मशीद
तसेच आपल्या सर्वांसाठी *सिद्धिविनायक टुर्स ॲण्ड ट्रॅव्हल सर्व्हिसेस,सांगली* या नावाने फेसबुक पेज ही आहे तुम्ही यापेज वरती ही इतर आणखी पर्यटनस्थाळांची माहिती घेवु व आमच्यशी संवाद साधु शकता
धन्यवाद
सिद्धिविनायक टुर्स ॲण्ड ट्रॅव्हल सर्व्हिसेस,सांगली
९६०४३५११११,९९७५२४३३३३,९०२१६७५५५५