What are the opening hours?

Monday 9am - 6pm Tuesday 9am - 6pm Wednesday 9am - 6pm Thursday 9am - 6pm Friday 9am - 6pm Saturday 9am - 6pm

https://www.facebook.com/103633481673855/

Katwate Tours & Travels, 344, Ramacha Got, Near Kalaram Mandir, Gujar Ali, Satara (2026)

24/10/2025

*महिलांच्या सक्षमीकरणासाठी ताकतीने उभ्या राहणाऱ्या वकील सौ. शुभांगी काटवटे यांना प्रभाग २२ मधून महिला प्रतिनिधित्वाची संधी मिळावी —प्रभागातील महिलांची व नागरिकांची मागणी*

सातारा (प्रतिनिधी):
सातारा शहरात सामाजिक, राजकीय आणि न्यायिक क्षेत्रात उल्लेखनीय कार्य करणाऱ्या वकील सौ. शुभांगी विजयकुमार काटवटे (B.A., LL.B.) यांना येणाऱ्या सातारा नगरपरिषदेच्या निवडणुकीत प्रभाग क्रमांक २२ मधून महिला उमेदवार म्हणून संधी द्यावी, अशी मागणी नागरिक आणि कार्यकर्त्यांतून जोर धरू लागली आहे.

मुळच्या इचलकरंजीच्या असलेल्या शुभांगीताई काटवटे यांचे बालपण कष्ट, प्रामाणिकपणा आणि स्वावलंबन या मूल्यांमध्ये गेले. माहेरी यंत्रमाग व्यवसाय असल्याने त्या स्वतः यंत्रमाग १२-१२ तास काम करीत. मेहनतीची, आत्मनिर्भरतेची ही सवय त्यांच्या व्यक्तिमत्त्वाचा पाया ठरली.

लग्नानंतर गेली तेरा वर्षे त्या आपल्या पती—भाजप नगरसेवक श्री. विजयकुमार काटवटे यांच्यासोबत सामाजिक, राजकीय आणि व्यावसायिक क्षेत्रात खांद्याला खांदा लावून काम करत आहेत.

● न्यायव्यवस्थेत सक्रिय भूमिका

सातारा जिल्हा न्यायालयात त्या वकिली व्यवसाय करत असून, सातारा जिल्हा बार असोसिएशनमध्ये महिला प्रतिनिधी म्हणून निवडून आल्या आहेत — तेही सर्व ज्येष्ठ वकिलांच्या सहकार्याने बिनविरोध.
सध्या त्या दिवाणी, कौटुंबिक प्रकरणांबरोबरच विविध बँकांच्या पॅनलवर कायदेशीर सल्लागार म्हणून कार्यरत आहेत.

● सामाजिक क्षेत्रातील उपक्रम

महिलांच्या सक्षमीकरणाचा ध्यास घेऊन शुभांगीताईंनी “अयोध्या फाउंडेशन” या सामाजिक संस्थेची स्थापना केली. या फाउंडेशनच्या माध्यमातून त्यांनी शिक्षण, आरोग्य, पर्यावरण,स्वच्छता आणि कुटुंब समुपदेशन अशा विविध क्षेत्रांमध्ये उपक्रम राबवले आहेत.

अयोध्या महिला मंचच्या संस्थापक अध्यक्ष म्हणून त्यांनी हजारो महिलांना एकत्र करून स्वावलंबनाची चळवळ उभारली.
विश्व हिंदू परिषद दुर्गा वाहिनीच्या माध्यमातून त्यांनी महिलांसाठी स्वसंरक्षण वर्ग सुरू केले, तर अयोध्या कौटुंबिक समुपदेशन केंद्राद्वारे शेकडो कुटुंबांमध्ये ऐक्य आणि परस्पर समजूत निर्माण केली.

कोरोना काळात त्यांच्या अयोध्या फाउंडेशनने मोफत आयसोलेशन सेंटर सुरू करून रुग्णांना औषधे, जेवण आणि राहण्याची सुविधा उपलब्ध करून दिली — हा त्यांचा संवेदनशील सेवाभाव जनमानसात कोरला गेला.

दरवर्षी विद्यार्थ्यांना शालेय व क्रीडा साहित्य वाटप, सर्वरोगनिदान शिबिरे, वृक्षारोपण, स्वच्छता मोहिमा तसेच रामनवमी रथयात्रा, शिवजयंती उत्सव असे सांस्कृतिक कार्यक्रम त्यांच्या पुढाकाराने यशस्वीरीत्या पार पडतात.

● संघटनात्मक व राजकीय योगदान

शुभांगीताई भारतीय जनता पक्षाच्या कायदा आघाडीमध्ये पदाधिकारी म्हणून कार्यरत आहेत. तसेच राष्ट्रीय स्वयंसेवक संघाच्या महिला समन्वय समिती आणि अधिवक्ता परिषदेत मोफत न्यायसेवा देत आहेत.
अहिल्यादेवी होळकर यांच्या ३०० व्या जयंतीनिमित्त झालेल्या कार्यक्रमाच्या अध्यक्षा म्हणून त्यांची जबाबदारीही त्यांनी यशस्वीरीत्या पार पाडली.

🙏 नागरिकांची भावना

प्रभाग क्रमांक २२ मधील नागरिक म्हणतात,

> “अयोध्या फाउंडेशनच्या माध्यमातून शुभांगीताईंनी गेली अनेक वर्ष साताऱ्यात महिलांसाठी, वृद्धांसाठी आणि विद्यार्थ्यांसाठी काम केले आहे. त्यांच्यात नेतृत्व, संवेदनशीलता आणि प्रामाणिकपणा आहे. त्यामुळे नगरपरिषदेत महिलांचे प्रभावी प्रतिनिधित्व त्यांच्यामार्फत होईल.”

शुभांगीताईंनीही नागरिकांचा विश्वास जपत सांगितले,

> “मला प्रभाग २२ मधील जनतेची सेवा करण्याची संधी मिळावी, हा माझ्यासाठी सन्मान आहे. माझे ध्येय म्हणजे ‘महिलांचे सक्षमीकरण, स्वच्छता, शिक्षण आणि समाजहिताचे कार्य’ — आणि तेच माझे आयुष्यभराचे ध्येय राहील.”

अनेक वर्षांच्या सातत्यपूर्ण सामाजिक, न्यायिक आणि संघटनात्मक कार्याच्या पार्श्वभूमीवर, प्रभाग क्रमांक २२ मधून ऍड. सौ. शुभांगी विजयकुमार काटवटे यांना संधी मिळावी, अशी एकमुखाने मागणी नागरिक, कार्यकर्ते आणि समाजातील विविध घटकांकडून केली जात आहे.
त्यांच्या रूपाने सातारा नगरपरिषदेतील महिलांना एक संवेदनशील, कर्तबगार आणि सजग प्रतिनिधी लाभेल, असा विश्वास व्यक्त केला जात आहे.

19/02/2021

अखंड महाराष्ट्राचे आराध्यदैवत, श्रीमंतयोगी छत्रपती शिवाजी महाराज
छत्रपती शिवाजी महाराज यांच्या जयंतीच्या सर्वशिवभक्तांना भगव्या शिवमय शुभेच्छा

12/02/2021

महागणपती (रांजणगाव) हे पुणे जिल्ह्यातील गणपतीचे देऊळ आहे. हे देऊळ अष्टविनायकांपैकी एक आहे. रांजणगावचे श्री महागणपतीचे मंदिर पूर्वाभिमुख असून, मुख्य रस्त्यावर उजवीकडे आहे. दक्षिणायन आणि उत्तरायण यांचा मध्य काळात सूर्याचे किरण मूर्तीवर पडतील, अशी मंदिराची वैशिष्ट्यपूर्ण बांधणी केली आहे. मूळ मूर्तीला "महोत्कट' असे नाव असून, तिला दहा सोंडा व वीस हात आहेत, असे म्हणतात, परंतु ती तळघरात ठेवलेली आहेत. येथील पूजेकरिता ठेवलेल्या मूर्तीच्या बाजूला ऋद्धी-सिद्धी आहेत. हा गणपती नवसाला अगदी हमखास पावतो, अशी भाविकांची श्रद्धा आहे. पूर्वाभिमुखी असलेले हे मंदिर तसे अगदी साधे-सुधेच होते. परंतु, बदलासह आता मंदिरात आद्ययावत सोयींसुविधा करण्यात आल्या आहेत. मंदिराच्या आसपासच्या सर्व परिसराचे नव्याने सुशोभीकरण करण्यात आले आहे. या मंदिराचा सभामंडप सरदार किबे यांनी, तर गाभारा माधवराव पेशव्यांनी बांधला आहे. बांधकाम करताना उत्तम दिशासाधन साधले असल्यामुळे उत्तरायण आणि दक्षिणायन यांच्या मध्यकाळात सूर्याची प्रकाशकिरणे देखील झळाळत्या सोनेरी तेजाचे आवरण लेऊन महागणपतीच्या पूजेसाठी येतात. अशा वेळी शेंदूर लावलेली महागणपतीची मूर्ती अधिकच आकर्षक भासते. सभामंडपातून आत गेल्यावर गाभाऱ्यात गणेशाची डाव्या सोंडेची आसन घातलेली रेखीव मूर्ती आहे. मूर्तीचे कपाळ रुंद असून दोन्ही बाजूंना ऋद्धी-सिद्धी आहेत. या मूर्तीच्या खालच्या बाजूला तळघर आहे. तळघरात महागणपतीची अजून एक लहान मूर्ती आहे. ही गणपतीची मूळ मूर्ती असून, तिला दहा सोंडा व वीस हात आहेत, असे सांगतात.

11/02/2021

विघ्नहर (ओझर) हे पुणे जिल्ह्यातील गणपतीचे देऊळ आहे. हे देऊळ अष्टविनायकांपैकी एक आहे.
अष्टविनायकातला सातवा गणपती म्हणजे ओझरचा विघ्नहर. या गणपतीला विघ्नेश्र्वर म्हणूनही ओळखले जाते. विघ्न म्हणजे कार्यात बाधा येणारी बाधा आणि हर म्हणजे दूर करणारा.ओझर मधील श्री विघ्नहर हा अष्टविनायकापैकी सर्वात श्रीमंत गणपती आहे.

09/02/2021

अष्टविनायकांपैकी एकमेव गणपती असा आहे की, जो गिरी म्हणजे पर्वताच्या सानिध्यात वास्तव्याला आहे. ते स्थान म्हणजे लेण्याद्री. जुन्नरपासून सात किलोमीटर अंतरावर लेण्याद्रीचा डोंगर आहे. मंदिराच्या पूर्व व पश्चिम बाजूस २८ लेणी आहेत. एकाच मोठ्या आकाराच्या शिळेत मंदिराची लेणी कोरली आहे. लेण्याद्री मंदिर सात क्रमांकाच्या गुहेत असून, तेथे पाषाणात कोरलेली गणपतीची मूर्ती आहे. समोरील सभामंडप ५१ फूट रुंद आणि ५७ फूट लांब आहे. त्याला कोठेही खांबाचा आधार नाही. ही गुहा अशा प्रकारे बनवली आहे की जोपर्यंत आकाशात सूर्य आहे, तोपर्यंतच प्रकाश आत येत राहणार. गुहेत विजेचा एकही बल्ब नाही. जवळपास ३०० पायऱ्या चढून गणपतीच्या दर्शनाला जावे लागते.

08/02/2021

चिंतामणी (थेऊर) हे पुणे जिल्ह्यातील गणपतीचे देऊळ आहे. हे देऊळ अष्टविनायकांपैकी एक आहे.
गणपतीचे मंदिर हे धरानिधर महाराज देव यांनी बांधले. १०० वर्षांनंतर पेशव्यांनी तेथे भव्य व आकर्षक मंदिर व सभागृह बांधले. हे मंदिर पूर्णपणे लाकडापासून बनवले आहे. त्याकाळी हे मंदिर बांधायला ४० हजार रूपये लागले होते. युरोपीयांकडून पेशव्यांना पितळाच्या दोन मोठ्या घंटा मिळाल्या होत्या. त्यातील एक महाडला असून दुसरी येथे आहे. वयाच्या २७व्या वर्षी माधवराव पेशव्यांना क्षयरोग झाला. तेव्हा त्यांना येथे आणण्या‍त आले. या गणपतीसमोरच त्यांची प्राणज्योत मालवली. त्यांची पत्‍नी रमाबाई त्यानंतर सती गेल्या. त्यांच्या स्मरणार्थ येथे बाग तयार करण्यात आली आहे. मोरया गोसावी यांना येथेच सिद्धी प्राप्त झाल्याचेही सांगितले जाते.

05/02/2021

बल्लाळेश्वर (पाली) हे रायगड जिल्ह्यातील पाली गावातले गणपतीचे देऊळ आहे. हे देऊळ अष्टविनायकांपैकी एक आहे. गणेश पुराणात अष्टविनायकातील तिसरा गणपती म्हणून पालीचा बल्लाळेश्वरओळखला जातो. अष्टविनायकातला हा एकच असा गणपती आहे की जो भक्ताच्या नावाने (बल्लाळ) प्रसिद्ध आहे. बल्लाळ हा गणपतीचा असीम भक्त होता.
विश्वामित्र ऋषींनी भीमराजास, भृगु ऋषींनी सोमकांत राजास श्री बल्लाळेश्वराची कथा सांगितली असा उल्लेख आहे. तर मुद्गल पुराणात जाजलीने विभांडक ऋषींना श्री बल्लाळविनायकाची कथा सांगितल्याचा उल्लेख आहे. फार प्राचीन काळी, म्हणजे कृतयुगात सिंधू देशातील कोकण पल्लीर नावाच्या गावात (पाली गावात) कल्याण नावाचा एक व्यापारी राहात होता. त्याच्या पत्नीचे नाव इंदुमती. काही दिवसांनी त्यांना मुलगा झाला. त्याचे नाव बल्लाळ. बल्लाळ जसजसा मोठा होऊ लागला, तसतसा त्याचा गणेशमूर्तिपूजनाकडे अधिक ओढा दिसू लागला. हळूहळू तो गणेशचिंतनात रमू लागला. त्याच्या मित्रांनाही गणेशभक्तीचे वेड लागले. बल्लाळ आपल्या मित्रांसह रानात जाऊन गणेशमूर्तीचे भजन-पूजन करू लागला. बल्लाळाच्या संगतीने मुले बिघडली अशी ओरड गावात सुरु झाली. लोक कल्याण शेठ्जीकडे जाऊन 'बल्लाळने आमच्या मुलांना बिघडविले' अशी तक्रार करू लागले.
आपला मुलगा इतक्या लहान वयात भक्तिमार्गाला लागला आणि त्याने आपल्याबरोबर इतर मुलांनाही वाईट नादाला लावले या विचाराने कल्याण शेठजींना राग आला. त्या रागाच्या भरातच तो एक भलामोठा सोटा घेऊन बल्लाळ ज्या रानात होता तेथे गेला. तेथे बल्लाळ आपल्या सवंगड्यांसह गणेशमूर्तीची पूजा करीत होता. सारेजण गणेशाचे भजन करीत होते. बल्लाळ गणेशाच्या ध्यानात अगदी रंगून गेला होता. ते पाहून कल्याण शेठजींच्या पायाची आग मस्तकाला गेली. तो ओरडत, शिव्या देतच तेथे धावला. त्याने ती पूजा मोडून टाकली. गणेशाची मूर्ती फेकून दिली. इतर मुले भीतीने पळून गेली; पण बल्लाळ मात्र गणेश ध्यानात मग्न होता. कल्याण शेठजीने बल्लाळास सोट्याने झोडपून काढले. बल्लाळ रक्तबंबाळ झाला, बेशुद्ध पडला; पण कल्याणला त्याची दया आली नाही. त्याने बल्लाळाला तशा अवस्थेच एका झाडाला वेलींनी बांधून ठेवले. कल्याण शेठ रागाने म्हणाला, 'येऊ दे तुझा गणेश आता तुला सोडवायला. घरी आलास तर ठार मारीन, तुझा नि माझा संबंध कायमचा तुटला.' असे म्हणून कल्याण शेठ निघून गेला.
थोड्या वेळाने बल्लाळ भानावर आला. त्याचे शरीर ठणकत होते. तशाच स्थितीत त्याने गणेशाचा धावा केला. ''हे देवा, तू विघ्ननाशक आहेस. तू आपल्या भक्ताची कधीही उपेक्षा करीत नाहीस… ज्याने गणेशमूर्ती फेकली व मला मारले तो आंधळा, बहिरा, मुका व कुष्ठरोगी होईल. आता तुझे चिंतन करीतच मी देहत्याग करीन.'
बल्लाळाचा धावा ऐकून विनायक-गणेश ब्राह्मण रुपात प्रगट झाला. बल्लाळाचे बंध तुटले. त्याचे शरीर होते तसे सुंदर झाले. गणेश बल्लाळाला म्हणाला, ''तुला ज्याने त्रास दिला त्याला याच जन्मी नव्हे तर पुढच्या जन्मीसुद्धा अपार दुःख भोगावे लागेल. तुझ्या भक्तीने मी प्रसन्न झालो आहे. तू माझ्या भक्तीचा प्रवर्तक, श्रेष्ठ आचार्य व दीर्घायुषी होशील. आता तुला हवा तो वर माग.''तेव्हा बल्लाळ म्हणाला – ''तू याच ठिकाणी कायमचे वास्तव्य करावेस व आपल्या भक्तांच्या इच्छा पूर्ण कराव्यात. ही भूमी गणेश क्षेत्र म्हणून प्रसिद्ध व्हावी.''तेव्हा गणेश म्हणाला – ''तुझ्या इच्छेनुसार मी इथे 'बल्लाळ विनायक' या नावाने कायमचे वास्तव्य करीन. भाद्रपद शुद्ध चतुर्थीला जे भक्त येथे येतील त्यांच्या सर्व मनःकामना पूर्ण होतील.'' असा वर देऊन गणेश जवळ असलेल्या एका शिळेत अंतर्धान पावला. तीच शिळा आज बल्लाळेश्वर या नावाने प्रसिद्ध आहे.
नाना फडणवीस यांनी या लाकडी मंदिराचे दगडी मंदिरात रूपांतर केले.या मंदिराची रचना वैशिष्ट्यपूर्ण आहे, जेव्हा सूर्य उगवतो तेव्हा त्याची किरणे मूर्तीच्या अंगावर पडतात. या मंदिराच्या दोन्ही बाजूस दोन तलाव आहेत. त्यातील एकाचे पाणी रोजच्या पूजेसाठी वापरले जाते. स्वयंभू असलेल्या या मूर्तीचे डोळे हिर्‍यांपासून बनवले आहेत, गणपतीच्या अंगावर उपरणे व अंगरखा अशी वस्त्रे आहेत..
बल्लाळेश्वर (पाली) हे रायगड जिल्ह्यातील सुधागड तालुक्यात पाली गावातले गणपतीचे देऊळ आहे. पुण्यापासून बल्लाळेश्वर ११० किलोमीटरवर आहे. पुणे- लोणावळा -खोपोली मार्गे बल्लाळेश्वरला जाता येते.
आणि या सर्व अष्टविनायक दर्शनासाठी आपण एखाद्या टूर्स अँड ट्रॅव्हल्स एजन्सी द्वारे गेलो तर बराच त्रास कमी होतो व अतिशय व्यवस्थित व शास्त्रोक्त दर्शन देखील होते अशाच शास्त्रोक्त दर्शनासाठी आपण आम्हाला देखील संपर्क करू शकता
आमची आगामी टूर 08/02/21 ते 10/02/21 आहे
संपर्क - संजीवनी 7559398630 / शुभांगी +91 84840 80588
काटवटे टूर्स अँड ट्रॅव्हल्स, सातारा

05/02/2021

वरदविनायक (महड) हे रायगड जिल्ह्यातील गणपतीचे देऊळ आहे.अष्टविनायकात चौथा गणपती म्हणून महाडचा वरदविनायक ओळखला जातो. या गणपतीची एकदम जवळ जाऊन पूजा करता येते.
हे देऊळ अष्टविनायकांपैकीएक आहे.या मंदिराचा जिर्णोद्धार झाला असला तरी मंदिराचा गाभारा पेशवेकालिन असून तो हेमांडपंथी आहे. हा गणपती पुरातन कालीन असल्याचे सांगितले जाते.गणेश येथे वरदविनायक (समृद्धी व यश देणारा ) या रूपात रहात असे. येथील मूर्ती स्वयंभू असून धोंडू पौढकर यांना ती येथील तलावात १६९० साली सापडली.

04/02/2021

बल्लाळेश्वर (पाली) हे रायगड जिल्ह्यातील पाली गावातले गणपतीचे देऊळ आहे. हे देऊळ अष्टविनायकांपैकी एक आहे. गणेश पुराणात अष्टविनायकातील तिसरा गणपती म्हणून पालीचा बल्लाळेश्वरओळखला जातो. अष्टविनायकातला हा एकच असा गणपती आहे की जो भक्ताच्या नावाने (बल्लाळ) प्रसिद्ध आहे. बल्लाळ हा गणपतीचा असीम भक्त होता.

03/02/2021

सिद्धटेक (सिद्धिविनायक) हे अहमदनगर जिल्ह्यातील गणपतीचे देऊळ आहे. हे देऊळ अष्टविनायकांपैकी एक आहे. श्री विष्णूला सिद्धी प्राप्त करून देणारा, कार्य सिद्धीस नेणारा हा सिद्धिविनायक अष्टविनायकांपैकी उजव्या सोंडेचा एकमेव गणपती आहे. अष्ट विनायकांमधील हा दुसरा गणपती आहे.पेशवेकालीन महत्त्व लाभलेल्या ह्या सिद्धिविनायकाच्या मंदिराचा गाभारा पुण्यश्लोक अहिल्याबाई होळकर यांनी बांधला. देवाचे मखर पितळेचे असून सिंहासन पाषाणाचे आहे. मधु व कैटभ या असुरांशी भगवान विष्णू अनेक वर्षे लढत होते. मात्र, या युद्धात त्यांना यश प्राप्त होत नव्हते. तेव्हा शंकराने विष्णूला गणपतीची आराधना करायला सांगितली. याच ठिकाणी गणपतीची आराधना करून विष्णूने असुरांचा वध केला.
छोट्याश्या टेकडीवर असलेल्या या देवळाचा रस्ता पेशव्यांचे सरदार हरिपंत फडके यांनी तयार केला. मात्र, १५ फूट उंचीचे व १० फूट लांबीचे हे देऊळ अहिल्याबाई होळकर यांनी बांधले.हरिपंत फडके यांचे सरदारपद पेशव्यांनी काढून घेतले, तेव्हा फडक्यांनी या मंदिरास २१ प्रदक्षिणा घातल्या. त्यानंतर २१ दिवसांनी त्यांची सरदारकी त्यांना परत मिळाल्याची आख्यायिका सांगितली जाते. या मंदिराच्या जवळून भीमा नदी वाहते.
मंदिरातील सिद्धिविनायकाची मूर्ती स्वयंभू असून ती तीन फूट उंच व अडीच फूट रुंद आहे. आहे. मूर्तीचे तोंड उत्तरेकडे असून ती गजमुखी आहे. सोंड उजवीकडे असल्याने सोवळे कडक आहे. त्यामुळे हा गणपती भक्तांसाठी कडक मानला जातो. गणपतीने एक मांडी घातली असून त्यावर ऋद्धि-सिद्धी बसलेल्या आहेत. प्रभावळीवर चंद्र, सूर्य, गरुड यांच्या आकृत्या असून मध्यभागी नागराज आहे. या देवळाला एक प्रदक्षिणा घालायची म्हणजे १ किलोमीटर चालावे लागते.
श्री क्षेत्र सिद्धटेक अहमदनगर जिल्ह्यात कर्जत तालुक्यात भीमा नदीच्या काठावर वसलेले एक खेडेगाव आहे.
सिद्धटेकला जाण्यासाठी यात्रेकरूंना सोयीचे रेल्वे स्टेशन म्हणजे दौंड. दौंड ते सिद्धटेक हे अंतर १८ कि.मी. आहे. दौंडवरून शिरापूर येथे बसने जाऊन पुढे नदी ओलांडून जावे लागते. नदीवर होड्या चालू असतात. आता मात्र नदीवर पूल झाला असल्याने होडीने जावे लागत नाही. गाड्या थेट मंदिरापर्यंत जातात.
दौंड-काष्टी-पेडगावमार्गे सिद्धटेक या ४८ कि.मी. लांबीच्या मार्गाने सुद्धा जाता येते.
पुण्याहून हडपसर-लोणी-यवत-चौफुला-
पाटस-दौंडमार्गे सिद्धटेक ९८ कि.मी. वर आहे. (नदी पार करावी लागते/पूल आहे.)
आणि या सर्व अष्टविनायक दर्शनासाठी आपण एखाद्या टूर्स अँड ट्रॅव्हल्स एजन्सी द्वारे गेलो तर बराच त्रास कमी होतो व अतिशय व्यवस्थित व शास्त्रोक्त दर्शन देखील होते अशाच शास्त्रोक्त दर्शनासाठी आपण आम्हाला देखील संपर्क करू शकता.आमची आगामी टूर 08/02/21 ते 10/02/21 आहे
संपर्क - संजीवनी 7559398630
काटवटे टूर्स अँड ट्रॅव्हल्स, सातारा

Katwate Tours & Travels

24/10/2025

19/02/2021

12/02/2021

11/02/2021

09/02/2021

08/02/2021

05/02/2021

05/02/2021

04/02/2021

03/02/2021

Address

Opening Hours

Telephone

Website

Alerts

Shortcuts

Share

Category

Listing takedown request

Monday	9am - 6pm
Tuesday	9am - 6pm
Wednesday	9am - 6pm
Thursday	9am - 6pm
Friday	9am - 6pm
Saturday	9am - 6pm