03/07/2025
Uta uba khot ia U Jisu, un ym long shuh k*mjuh. Hato phi dang shah teh mraw ha ka pop? Hato phi pang ka mynsiem? Hato phi sh*tom ban jop ia ki jingialeh jong ka jingim? Hato phi wad jingsuk, jingim bad jingjahthait? Hato phi kwah sh**ha ia ka jingioh map noh ia ki pop bad ia ka jingkylla ba mut? Kaei kaba phi donkam eh ban leh ka long ban khot ia U Jisu. Hooid, tang k*mta hi, shu khot ia U Jisu. Kata ka dei ban long kaba suk bha. Tangba wat khot ia U tang ban lait na ki jingeh jingjynjar. Phi donkam ia U Trai kham palat ban ia kata. Phi donkam ia ka dohnud bathymmai bad ka jingim bathymmai. Phi donkam ka bor ban jop ia ka pop. Te namar kata, to phin khot ia U Trai Jisu, ba Un pynlong ia phi k*mba U kwah ia phi ban long. Khot da ka jingngeit bad da ka jingaiti lut. Khot da ka jingmut bakhuid bad da ka jingthmu baskhem. Khot da ka jingieit bad ka jingpdiang sngewbha. Shaniah ba Un pyndep ha phi k*mba U lah kular ha ka Ktien jong U. Sh**ha, Un sngewsynei ia phi, un map phar ia phi bad un pynthymmai bad pynkylla dur ia phi. Hooid, ka jingim jong phi kan LAITIM haba phi khot kyrpad ia ka kyrteng jong U Trai. "Ko Jisu, U Khun jong U Blei Baim, to isynei ia nga!"
