ಪ್ರಾಚ್ಯ ಜಾಗೃತಿ ವೇದಿಕೆ. ಶಿರಾಳಕೊಪ್ಪ

  • Home
  • India
  • Siralkoppa
  • ಪ್ರಾಚ್ಯ ಜಾಗೃತಿ ವೇದಿಕೆ. ಶಿರಾಳಕೊಪ್ಪ

ಪ್ರಾಚ್ಯ ಜಾಗೃತಿ ವೇದಿಕೆ. ಶಿರಾಳಕೊಪ್ಪ ನಾಡಿನ ಗತ ವೈಭವದ ಐತಿಹಾಸಿಕ ಪರಂಪರೆಯ ಅರಿವ?

ಹಿರೇಜಂಬೂರು
10/05/2022

ಹಿರೇಜಂಬೂರು

ಶಾಸನ ಓದು..
06/07/2021

ಶಾಸನ ಓದು..

ತಾಳಗುಂದದ ಶಾಸನೋಕ್ತ ಕೆರೆಗಳು..ಕರ್ನಾಟಕದ ಶಾಸನಗಳಲ್ಲಿ ಕೆರೆಯ ಮೊದಲ ಉಲ್ಲೇಖ ಚಂದ್ರವಳ್ಳಿ ಶಾಸನದಲ್ಲಿ ( ಮಯೂರನ ಅವಧಿ) ಕಂಡುಬರುತ್ತದೆ. ನಂತರ ಕ...
14/11/2020

ತಾಳಗುಂದದ ಶಾಸನೋಕ್ತ ಕೆರೆಗಳು..

ಕರ್ನಾಟಕದ ಶಾಸನಗಳಲ್ಲಿ ಕೆರೆಯ ಮೊದಲ ಉಲ್ಲೇಖ ಚಂದ್ರವಳ್ಳಿ ಶಾಸನದಲ್ಲಿ ( ಮಯೂರನ ಅವಧಿ) ಕಂಡುಬರುತ್ತದೆ. ನಂತರ ಕ್ರಿ.ಶ. 450 ರ ಅವಧಿಯಲ್ಲಿ ಕದಂಬರ ಕಾಕುತ್ಸ ವರ್ಮನು ತಾಳಗುಂದದ ಶಿವಾಲಯದ ನಿರ್ವಹಣೆಗಾಗಿ ಒಂದು ಕೆರೆಯನ್ನು ಕಟ್ಟಿಸುತ್ತಾನೆ. ವಿಶೇಷವೆಂದರೆ ಈ ಕೆರೆಯ ನಿರ್ಮಾಣ ಕಾರ್ಯವನ್ನು ಒಂದೇ ತಿಂಗಳಲ್ಲಿ ಪೂರ್ಣಗೊಳಿಸಲಾಗುತ್ತದೆ. ಈಗಿನ ಪ್ರಣವೇಶ್ವರ ದೇವಾಲಯದ ಪಕ್ಕದಲ್ಲಿರುವ ಈ ಕೆರೆ ಈಗಲೂ ವಿಶೇಷವಾಗಿ ಗೋಚರಿಸುತ್ತದೆ.

ತಾಳಗುಂದದ ಹಿರಿಯ ಕರೆಯನ್ನು ಕ್ರಿ.ಶ 935ರ ಶಾಸನದ ಪ್ರಕಾರ ಆಗಿನ ಮಂತ್ರಿಯಾಗಿದ್ದ ಪುಳಿಯಮ್ಮ ಹೆಗ್ಗಡೆಯವರು ಕಟ್ಟಿಸಿದ ವಿಷಯದ ಪ್ರಸ್ತಾಪವಿದೆ. ಕೆರೆಯನ್ನು ಕಟ್ಟಿ ಎರಡು ಬೃಹತ್ ತೂಬುಗಳನ್ನು ನಿರ್ಮಿಸಿ ನೀರಾವರಿಗೆ ಅಂದೇ ಅವಕಾಶ ಕಲ್ಪಸಿ ಕೊಡಲಾಗಿದೆ. ಈ ಕೆರೆಯ ಕೆಳಗೆ 11 ನೇ ಶತಮಾನದ
ವೇಳೆಗೆ ಸಾಕಷ್ಟು ಪ್ರಮಾಣದ ಅಡಿಕೆ ತೋಟಗಳ ಉಲ್ಲೇಖವಿದೆ. ಪುಳಿಯಮ್ಮ ಪೆರ್ಗಡೆಗಳು ಕೆರೆಯನ್ನು ಕಟ್ಟಿಸಿದ್ದಲ್ಲದೆ, ಇಲ್ಲಿನ ಮೂಲ ದೇವರ ನಂದಾ ದೀವಿಗೆಗೆ ನೈವೇದ್ಯಕ್ಕೆ ಹಾಗೂ ಗ್ರಂಥಾಧ್ಯಯನಕ್ಕೆ ಸುಮಾರು ಎಪ್ಪತ್ತಾರು ಮತ್ತರು ಗದ್ದೆಯನ್ನು ದಾನ ನೀಡಿದ್ದಾರೆ...

ತಾಳಗುಂದದ ಹೆಗ್ಗಡೆಯಾದ ತ್ರಿವಳಿ ಭಟ್ಟರು ತಾಣಗುಂದೂರಿನ ಮೂವತ್ತೆರೆಡು ಸಾವಿರ ಧೋತಕದ ಮಹಾಜನಗಳ ಬಳಿ ಕೆರೆ ಹಾಗೂ ದೇವಾಲಯ ನಿರ್ಮಾಣಕ್ಕೆ ಭೂಮಿ ನೀಡಲು ಬಿನ್ನಹ ಮಾಡಿಕೊಂಡಾಗ ಮಹಾಜನರು ಸಂತೋಷದಿಂದ ತಾಳಗುಂದದ ಉತ್ತರ ದಿಕ್ಕಿನ ಹಾದಿಯ ಬಳಿ ಇರುವ ಭೂಮಿಯನ್ನು ನೀಡುತ್ತಾರೆ (ಬಿಸಲಹಳ್ಳಿ ಬಳಿ). ತ್ರಿವಳಿ ಭಟ್ಟರು ಚಾಲುಕ್ಯ ವಿಕ್ರಮ ಕಾಲದ (ಕ್ರಿ.ಶ.1107) ಮೂವತ್ತೆರಡನೆಯ ಸಂವತ್ಸರದ ಚೈತ್ರ ಮಾಸದ ತದಿಗೆ ಬೃಹಸ್ಪತಿವಾರದಂದು ಮಹಾಜನರು ನೀಡಿದ ಭೂಮಿಯಲ್ಲಿದ್ದ ಚಿಕ್ಕದಾದ ಕೆರೆಯನ್ನು ಅಗಲಿಸಿ ದೊಡ್ಡದಾದ ಕೆರೆ ನಿರ್ಮಿಸಿ ಅದರ ದಡದಲ್ಲಿಯೇ ಶಿವಾಲಯವನ್ನು ಕಟ್ಟಿಸುತ್ತಾರೆ. ಅರವಟ್ಟಿಗೆಯ ಅಂಬಲಿ ನಿರ್ವಹಣೆ ಮತ್ತು ನೀರಿನ ನಿರ್ವಹಣೆಯನ್ನು ಮಾಡುವವರಿಗಾಗಿ ಹಲವು ಕಡೆ ಅರವತ್ತು ಮೂರು ಕಮ್ಮ ಪ್ರಮಾಣದ ಭೂಮಿಯನ್ನು ತಾಳಗುಂದದ ಮಹಾಜಿನರ ಪಾದಪೂಜೆ ಮಾಡಿ ದಾನವಾಗಿ ನೀಡುತ್ತಾನೆ.

400 ವರುಷಗಳ ಹಿಂದೆಯೇ ಪ್ರತಿ ವರ್ಷ ಹೂಳು ತಗೆಯುವ ಕಾರ್ಯಕ್ಕೆ ಒಳಗಾಗಿದ್ದ ಕೆರೆ: ನಾಗರ ಕೆರೆ - ಬಂದಳಿಕೆಬಂದಳಿಕೆಯ ನಾಗರಕೆರೆ ಕ್ರಿ.ಶ. 6ನೇ ಶತಮ...
14/11/2020

400 ವರುಷಗಳ ಹಿಂದೆಯೇ ಪ್ರತಿ ವರ್ಷ ಹೂಳು ತಗೆಯುವ ಕಾರ್ಯಕ್ಕೆ ಒಳಗಾಗಿದ್ದ ಕೆರೆ: ನಾಗರ ಕೆರೆ - ಬಂದಳಿಕೆ

ಬಂದಳಿಕೆಯ ನಾಗರಕೆರೆ ಕ್ರಿ.ಶ. 6ನೇ ಶತಮಾನದಲ್ಲಿ ಸಾನ್ತ ತಟಾಕ ಎಂದು ಶಿವಳ್ಳಿಯ ತಾಮ್ರ ಶಾಸನದಲ್ಲಿ ಉಲ್ಲೇಖಗೊಂಡಿದೆ. ಇಂತಹ ಪ್ರಾಚೀನ ಕರೆಯನ್ನು ಕ್ರಿ.ಶ.1526 ಸಾಲಿನಲ್ಲಿ ಪ್ರತಿ ವರ್ಷ ಹೂಳು ತೆಗೆಯುವ ವ್ಯವಸ್ಥೆಗೆ ಒಳಪಡಿಸಲಾಗಿತ್ತು. ವಿಜಯನಗರ ಸಾಮ್ರಾಜ್ಯದ ಕಟಾರಿ ಸಾಳುವ ಕೃಷ್ಣ ರಾಯ ಮಹಾರಾಯರ ಆಡಳಿತದ ಅವಧಿಯಲ್ಲಿ , ನಂಜಪ್ಪೊಡೆಯರ ನಿರೂಪದಿಂದ ದಂಡನಾಯಕರಿಗೆ ಧರ್ಮವಾಗಲೆಂದು ಬಂದಳಿಕೆಯ ನಾಗರಕೆರೆಯ ಹೂಳನ್ನು ಪ್ರತಿವರ್ಷವೂ ತೆಗೆಸಲು ಕರೆಯ ಕೆಳಗೆ ಸಾವಿರ ಮರಗಳಿರುವ ತೋಟವನ್ನು ದಾನವಾಗಿ ಬಿಡಲಾಗುತ್ತದೆ.

Address

Siralkoppa
577428

Website

Alerts

Be the first to know and let us send you an email when ಪ್ರಾಚ್ಯ ಜಾಗೃತಿ ವೇದಿಕೆ. ಶಿರಾಳಕೊಪ್ಪ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category