11/07/2025
أغرب فندق في العالم فى #مصر 🇪🇬
تعرف ان مصر فيها اغرب فندق في العالم وتحديدا في واحة #سيوة، فندق فريد من نوعه لا فيه كهرباء ولا تليفزيون ولا تليفون ولا تكييف ولا اي تكنولوجيا ويعتبر من اغلي فنادق العالم.
فندق (أدرار أملال) ده اسم الفندق باللغة الأمازيغية و اللي ترجمتها بالعربية فندق (الجبل الابيض)، الفندق ده واحد من اغرب فنادق العالم ان لم يكن اغربهم واللي بيخطفك من حياة الصخب والضوضاء والتكنولوجيا ويرجع بيك لزمن ما قبل عصر السرعه و التكنولوجيا.
في الفندق ده مفيش حاجة اسمها كهرباء ولا موبايل (مفيش شبكة) ولا اي حاجة من عصرنا الحالي، كل حاجة هناك من الطبيعة ومن البيئة الصحراوية يعني الإضاءة كلها من خلال الشموع والفوانيس والاكل معتمد علي الخضراوات المزروعة في حديقة الفندق والطهي معتمد علي الطرق التقلدية اللي كان بيطهو بيها اهل الصحراء زمان.
الفندق عبارة عن فندق ملحي (مبني بالحجر الملحي) مكون من 40 غرفة مبني وسط الصحراء علي اطراف واحة سيوة وتم بناء جدرانه بالكامل من الرمال والتربة السيوية واللي بنطلق عليها اسم (إيريغ) و دي عبارة عن ملح مغلف بالطين وتعتبر مادة بناء عازلة للحرارة زي الطوب اللبن كده وكانت بتستخدم في البناء في سيوة من الاف السنين وده بيخلي كأنه واحة باردة وسط سخونة الصحراء الحارقة 🔥
ابواب الفندق خشبيه وسقف الغرف مصنوع من اشجار النخيل والاثاث كله بدائي من الطبيعه وبتحيطه سابع بحيرة من أكبر بحيرات سيوة كمان مع وجود اشجار الزيتون والنخيل في تناغم يحسسك انك دخلت في فجوة زمنية رجعتك لورا الاف السنين.
سياح كتير بتيجي مخصوص عشان تنزل في الفندق ده عشان تعيش التجربة واشهر اللي زارو الفندق واقام فيه هو الملك تشارلز ملك انجلترا و زوجته.
علي فكرة الفندق غالي جدا وفكرته اغلي ووجوده علي ارض مصر وعلي ارض سيوة الجميلة اغلي واغلي ❤️
مصر فيها كل انواع السياحه اللي ممكن تتخيلها سواء سياحه تاريخية او شاطئية او كلاسيكية او دينية و و و إلـــخ!!! لكن الغريب بقي اننا كمان اكتشفنا فيها سياحة جديدة اسمها سياحة الرجوع بالزمن.
واتس فون 01204501730
