Creandsive Tours and Travels

15/08/2026

അഭിമാനിക്കാന്‍ വീണ്ടും ഒരു സ്വാതന്ത്യ ദിനം.

ഒരുപാട് പേരുടെ താഗ്യത്തിന്‍റെ മുമ്പില്‍ ശിരസ്സ് നമിച്ചുകൊണ്ട്....

എല്ലാവര്‍ക്കും,

🇮🇳 സ്വാതന്ത്യ ദിനാശംസകൾ 🇮🇳

🇮🇳 𝐇𝐀𝐏𝐏𝐘 𝐈𝐍𝐃𝐄𝐏𝐄𝐍𝐃𝐄𝐍𝐂𝐄 𝐃𝐀𝐘 🇮🇳

14/06/2025

ജൂൺ 14 - ഇന്ന് 10 വർഷം പൂർത്തിയാകുന്നു... കൂടെ നിന്ന് സഹകരിച്ച എല്ലാപേർക്കും സ്നേഹത്തോടെ നന്ദി ❤️❤️🥰🥰

06/06/2025

ബലി പെരുന്നാൾ ആശംസകൾ 🥰

21/11/2024

👇🏻👇🏻

16/07/2022

*വിമാന ടിക്കറ്റ്​ ഓഫറിൽ വീഴരുത്​, ബോർഡിങ്​ പാസിന്‍റെ ചിത്രം പങ്കുവെക്കരുത്​ -നി​ർ​ദേ​ശ​ങ്ങ​ളു​മാ​യി ദു​ബൈ പൊ​ലീ​സ്​*

ദു​ബൈ: വേ​ന​ല​വ​ധി ആ​ഘോ​ഷി​ക്കാ​നാ​യി യാ​ത്ര ചെ​യ്യു​ന്ന​വ​ർ ബോ​ർ​ഡി​ങ്​ പാ​സി​ന്‍റെ ചി​ത്രം സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്ക​രു​തെ​ന്ന്​ ദു​ബൈ പൊ​ലീ​സി​ന്‍റെ നി​ർ​ദേ​ശം. ഇ​തു​വ​ഴി നി​ങ്ങ​ളു​ടെ സ്വ​കാ​ര്യ വി​വ​ര​ങ്ങ​ൾ സം​ഘ​ടി​പ്പി​ക്കാ​ൻ ക​ഴി​യു​മെ​ന്ന്​ പൊ​ലീ​സ്​ ചൂ​ണ്ടി​ക്കാ​ട്ടി. പൊ​ലീ​സി​ന്‍റെ ഇ-​ക്രൈം സ​ർ​വി​സി​ൽ​നി​ന്ന്​ സ​മൂ​ഹ മാ​ധ്യ​മ​ങ്ങ​ൾ വ​ഴി​യു​ള്ള ത​ട്ടി​പ്പും ഹാ​ക്കി​ങ്​ ശ്ര​മ​ങ്ങ​ളു​മാ​യി ബ​ന്ധ​പ്പെ​ട്ട്​ പ്ര​തി​ദി​നം നൂ​റി​നും ഇ​രു​ന്നൂ​റി​നും ഇ​ട​ക്ക്​ റി​പ്പോ​ർ​ട്ടു​ക​ൾ ല​ഭി​ക്കു​ന്നു​ണ്ടെ​ന്ന്​ ദു​ബൈ പൊ​ലീ​സി​ലെ സൈ​ബ​ർ ഇ​ൻ​വെ​സ്റ്റി​ഗേ​ഷ​ൻ വി​ഭാ​ഗം ഡ​യ​റ​ക്ട​ർ കേ​ണ​ൽ സ​ഈ​ദ്​ അ​ൽ ഹ​ജ്​​രി പ​റ​ഞ്ഞു.

സൈ​ബ​ർ കു​റ്റ​കൃ​ത്യ​ങ്ങ​ൾ സം​ബ​ന്ധി​ച്ച്​ പൊ​തു​ജ​ന​ങ്ങ​ൾ​ക്ക്​ പ​രാ​തി​പ്പെ​ടാ​നു​ള്ള ദു​ബൈ പൊ​ലീ​സി​ന്‍റെ ഇ-​ക്രൈം പ്ലാ​റ്റ്​​ഫോ​മാ​ണ്​ www.ecrime.ae. പാ​സ്​​പോ​ർ​ട്ട്, തി​രി​ച്ച​റി​യ​ൽ കാ​ർ​ഡ്, ടി​ക്ക​റ്റ്, ബോ​ർ​ഡി​ങ്​ പാ​സ്​ എ​ന്നി​വ​യി​ൽ​നി​ന്ന്​ വ​ള​രെ​യ​ധി​കം വി​വ​ര​ങ്ങ​ൾ ത​ട്ടി​പ്പു​കാ​ർ​ക്ക്​ ല​ഭി​ക്കു​മെ​ന്ന്​ അ​ദ്ദേ​ഹം മു​ന്ന​റി​യി​പ്പ്​ ന​ൽ​കി.

*തട്ടിപ്പുകാർക്ക് ബാ​ങ്ക്​ അ​ക്കൗ​ണ്ട്​ വി​വ​ര​ങ്ങ​ൾ വ​രെ ക​ണ്ടെ​ത്താം*

നി​ങ്ങ​ളു​ടെ ബാ​ങ്ക്​ അ​ക്കൗ​ണ്ട്​ വി​വ​ര​ങ്ങ​ൾ വ​രെ ക​ണ്ടെ​ത്താ​നു​ള്ള സൂ​ച​ന​ക​ൾ ഇ​വ​യി​ൽ​നി​ന്ന്​ ല​ഭി​ച്ചേ​ക്കാം. ഏ​തെ​ങ്കി​ലും എ​ജ​ൻ​സി​യു​ടെ നി​യ​മ​പ​ര​മാ​യ അ​ല്ലെ​ങ്കി​ൽ സാ​മ്പ​ത്തി​ക​പ​ര​മാ​യ ഇ​ട​പാ​ടു​ക​ളി​ലേ​ക്ക്​ അ​നു​മ​തി ല​ഭി​ക്കാ​ൻ ഈ ​വി​വ​ര​ങ്ങ​ൾ മാ​ത്രം മ​തി​യാ​കും. നി​ങ്ങ​ളു​മാ​യി ബ​ന്ധ​പ്പെ​ട്ട ഇ​ത്ത​രം ഇ​ട​പാ​ടു​ക​ൾ ത​ട്ടി​പ്പു​കാ​ർ​ക്ക്​ ത​ട്ടി​പ്പ് ന​ട​ത്താ​ൻ എ​ളു​പ്പ​വ​ഴി ഒ​രു​ക്കി​ക്കൊ​ടു​ക്കും. നി​ര​ന്ത​രം ചി​ത്ര​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്കു​ന്ന​ത്​ പ്ര​ശ്ന​ങ്ങ​ൾ ക്ഷ​ണി​ച്ചു​വ​രു​ത്തു​മെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. ഈ ​ചി​ത്ര​ങ്ങ​ളി​ൽ​നി​ന്ന്​ ഫേ​സ്​ ഐ.​ഡി ഉ​ണ്ടാ​ക്കാ​ൻ സാ​ധി​ക്കു​ന്ന ആ​പ്പു​ക​ൾ ല​ഭ്യ​മാ​ണ്. അ​ന്താ​രാ​ഷ്​​ട്ര ഓ​ൺ​ലൈ​ൻ കു​റ്റ​വാ​ളി​ക​ൾ ഇ​ത്​ ദു​രു​പ​യോ​ഗം ചെ​യ്യാ​ൻ ഇ​ട​യു​ണ്ട്.

യാ​ത്ര​യി​ൽ പ​ഴ്​​സ്, വാ​ച്ച്, ആ​ഭ​ര​ണ​ങ്ങ​ൾ, പാ​സ്​​പോ​ർ​ട്ട്​ തു​ട​ങ്ങി​യ​വ കൊ​ള്ള​യ​ടി​ക്ക​പ്പെ​ടാ​തെ ശ്ര​ദ്ധി​ക്കു​ക​യും വേ​ണം. ദീ​ർ​ഘ​യാ​ത്ര​ക്കാ​ണ്​ പോ​കു​ന്ന​തെ​ങ്കി​ൽ വി​ശ്വ​സ്ത​രാ​യ അ​യ​ൽ​ക്കാ​രോ​ട്​ വീ​ട്​ ​ശ്ര​ദ്ധി​ക്കാ​ൻ പ​റ​യ​ണം. ദു​ബൈ പൊ​ലീ​സി​ന്‍റെ ഭ​വ​ന സു​ര​ക്ഷ സം​വി​ധാ​നം ഉ​പ​യോ​ഗി​ക്കു​ന്ന​തും ന​ല്ല​താ​ണ്.

*ടി​ക്ക​റ്റു​ക​ൾ ഓഫറിൽ വാ​ങ്ങു​മ്പോ​ൾ ശ്രദ്ധിക്കണം*

മി​ക​ച്ച ഓ​ഫ​റു​ക​ൾ ക​ണ്ട്​ വി​മാ​ന ടി​ക്ക​റ്റു​ക​ൾ വാ​ങ്ങു​മ്പോ​ൾ അ​ത്​ ഔ​ദ്യോ​ഗി​ക ഏ​ജ​ൻ​സി ആ​ണോ​യെ​ന്ന്​ ഉ​റ​പ്പാ​ക്ക​ണ​മെ​ന്നും കേ​ണ​ൽ സ​ഈ​ദ്​ അ​ൽ ഹ​ജ്​​രി നി​ർ​ദേ​ശി​ച്ചു. ഇ​ല്ലെ​ങ്കി​ൽ നി​യ​മ​പ​ര​മാ​യ കു​ഴ​പ്പ​ങ്ങ​ളി​ലേ​ക്ക്​ എ​ത്തി​പ്പെ​ടാ​ൻ സാ​ധ്യ​ത​യു​ണ്ട്. സ​മൂ​ഹ മാ​ധ്യ​മ​ങ്ങ​ളി​ൽ വി​മാ​ന​ടി​ക്ക​റ്റു​ക​ൾ​ക്ക്​ വ​ൻ ഡി​സ്​​കൗ​ണ്ട്​ പ്ര​ഖ്യാ​പി​ച്ച്​ പ​ര​സ്യ​ങ്ങ​ൾ വ​രാ​റു​ണ്ട്. പ​ക്ഷേ, ഇ​വ​യൊ​ന്നും ശ​രി​ക്കു​ള്ള​ത്​ ആ​ക​ണ​മെ​ന്നി​ല്ല.

അ​വ​ർ ഒ​രു​പ​ക്ഷേ, മോ​ഷ്​​ടി​ച്ച ക്രെ​ഡി​റ്റ്​ കാ​ർ​ഡു​ക​ളൊ​ക്കെ ഉ​പ​യോ​ഗി​ച്ച്​ വാ​ങ്ങി​യ ടി​ക്ക​റ്റ്​ ആ​കും അ​ത്. അ​തു​പ​യോ​ഗി​ച്ച്​ യാ​ത്ര ചെ​യ്യു​മ്പോ​ൾ പി​ടി​ക്ക​പ്പെ​ടാ​നും അ​ന്വേ​ഷ​ണ​ത്തി​ന്‍റെ പ​രി​ധി​യി​ൽ വ​രാ​നും സാ​ധ്യ​ത​യു​ണ്ടെ​ന്ന്​ അ​ദ്ദേ​ഹം മു​ന്ന​റി​യി​പ്പ്​ ന​ൽ​കി. ചി​ത്ര​ങ്ങ​ളെ​ല്ലാം യാ​ത്ര ക​ഴി​ഞ്ഞ്​ തി​രി​കെ വ​ന്ന​ശേ​ഷം സ​മൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ക്കു​ന്ന​താ​ണ്​ ന​ല്ല​തെ​ന്നും അ​ദ്ദേ​ഹം നി​ർ​ദേ​ശി​ച്ചു.

الجرائم الإلكترونية

02/12/2021

Happy 50th national day 🇦🇪UAE🇦🇪

21/10/2021

*ഇന്ത്യൻ പൗരന്‍മാര്‍ക്ക്‌ സന്ദര്‍ശിക്കാന്‍ വിസ ആവശ്യമില്ലാത്ത രാജ്യങ്ങളും പ്രധാന വിവരങ്ങളും 1️⃣*

*യാത്ര ചെയ്യാൻ ആഗ്രഹിക്കുന്നവർക്ക് കൈയിൽ പണം എത്രയൊക്കെ ഉണ്ടെങ്കിലും പലപ്പോഴും പണികിട്ടുന്നത് ആവശ്യമായ യാത്രാരേഖകൾ സമ്പാദിക്കുന്ന കാര്യത്തിലാണ്.* *പ്രത്യേകിച്ചും വിസ (വിസിറ്റേഴ്സ് ഇന്റർനാഷണൽ സ്റ്റേ അഡ്മിഷൻ) സംഘടിപ്പിക്കുന്നതിന്. അമേരിക്ക, ഉത്തരകൊറിയ, ഇസ്രായേൽ, ചൈന തുടങ്ങിയ രാജ്യങ്ങളിലേക്ക് യാത്ര ചെയ്യാൻ വിസ നേടിയെടുക്കുക എന്നത് ഏറക്കുറെ ബാലി കേറാമലയാണ്.* *അതേസമയം വിസയില്ലാതെ തന്നെ എളുപ്പത്തിൽ സഞ്ചരിക്കാൻ കഴിയുന്ന രാജ്യങ്ങളും ലോകത്തുണ്ട്. അവ ഏതൊക്കെയാണെന്ന് നോക്കാം...*

*🛫മൗറീഷ്യസ്*
ഇന്ത്യൻ മഹാസമുദ്രത്തിൽ ആഫ്രിക്കയിൽനിന്ന് ഏകദേശം 2000 കിലോമീറ്റർ തെക്കുകിഴക്കായി കിടക്കുന്ന ദ്വീപസമൂഹമാണിത്. *റിപ്പബ്ലിക് ഓഫ് മൗറീഷ്യസ് എന്നാണ് ഔദ്യോഗിക നാമം. മൗറീഷ്യസ്, സെന്റ് ബ്രാന്റൺ റൊഡ്രിഗ്സ്, അഗലേഗ ദ്വീപുകൾ ചേർന്നതാണ് റിപ്പബ്ലിക് ഓഫ് മൗറീഷ്യസ്. തലസ്ഥാനം പോർട്ട് ലൂയി.*

സന്ദർശകരുടെ കണ്ണിന് കുളിരേകുന്ന ധാരാളം പ്രകൃതിദൃശ്യങ്ങളുണ്ട് മൗറീഷ്യസിൽ. ഒപ്പം സുഖകരമായ കാലാവസ്ഥയും. നീലത്തടാകങ്ങളും അതിൽ നിറയെ പലരൂപത്തിലും ഭംഗിയാർന്നതുമായ പവിഴപ്പുറ്റുകളും വിശാലമായ ഗോൾഡൺ ബീച്ചുകളും ഉള്ള സ്ഥലം. ധാരാളം കുന്നുകളും മലകളും മലഞ്ചരിവുകളും ഉള്ളതിനാൽ പർവതാരോഹണത്തിനും സാഹസിക ട്രക്കിങ്, ബൈക്ക് റൈഡിങ് എന്നിവയ്ക്ക് സൗകര്യമുണ്ട്. കൂടാതെ സ്കൂബാ ഡൈവിങ്, പാരാസെയിലിങ്, കയാക്കിങ്, വാട്ടർ സ്കീയിങ്, കടലിനടിയിൽ ഇറങ്ങി കാഴ്ച കാണൽ, ആഴക്കടലിലെ മീൻപിടിത്തം തുടങ്ങിയ വിനോദങ്ങളും ഇവിടെ സന്ദർശകർക്കായി കാത്തിരിക്കുന്നുണ്ട്.

*കുറഞ്ഞത് ആറുമാസത്തെ കാലാവധിയുള്ള ഇന്ത്യൻ പാസ്പോർട്ടുണ്ടെങ്കിൽ ഏതൊരാൾക്കും മൗറീഷ്യസിലേക്ക് പറക്കാം. അവിടെ 90 ദിവസംവരെ താമസിക്കുന്നതിനുള്ള അനുവാദം ലഭിക്കും.*

കൊച്ചിയും ബെംഗളൂരുവും ഉൾപ്പടെ ഇന്ത്യയിലെ മിക്കവാറും എല്ലാ പ്രധാന വിമാനത്താവളങ്ങളിൽ നിന്നും ഇവിടേക്ക് യാത്ര ചെയ്യാൻ സൗകര്യമുണ്ട്. ലോകത്തിലെ പ്രസിദ്ധമായ എല്ലാ എയർലൈനുകളും ഇവിടേക്ക് സർവീസ് നടത്തുന്നുണ്ട്.

സീവുസാഗർ റാംഗൂലാം ഇന്റർനാഷണൽ എയർപോർട്ടാണ് പ്രധാന ലാന്റിങ് പോയിന്റ്.

മൗറീഷ്യസ് രൂപയാണ് കറൻസി. എങ്കിലും അമേരിക്കൻ ഡോളർ രാജ്യത്ത് വ്യാപകമായി ഉപയോഗത്തിലുണ്ട്. അതേസമയം ഇന്ത്യൻ കറൻസി സ്വീകാര്യമല്ല. എന്നാൽ അവ എയർപോർട്ടിൽ തന്നെ പ്രവൃത്തിക്കുന്ന എക്സ്ചേഞ്ചുകളിൽ നിന്ന് ആവശ്യാനുസരണം മാറിയെടുക്കാൻ കഴിയും.

അതല്ലെങ്കിൽ രാജ്യത്തിനകത്ത് പ്രവർത്തിക്കുന്ന ബാങ്ക് ഓഫ് ബറോഡ, എച്ച്.എസ്.ബി.സി., സ്റ്റാൻഡേർഡ് ചാർട്ടേഡ് ബാങ്ക് തുടങ്ങിയ നിരവധി ബാങ്കുകളിൽനിന്ന് മാറ്റി വാങ്ങാനുള്ള സൗകര്യമുണ്ട്. ഇന്ത്യൻ കറൻസി ഏകദേശം രു രൂപ കൊടുത്താലേ ഒരു മൗറീഷ്യസ് രൂപ കിട്ടൂ എന്നു മാത്രം!

*🛫ഇൻഡൊനീഷ്യ*
ഇന്ത്യൻ മഹാസമുദ്രത്തിനും ശാന്തസമുദ്രത്തിനും ഇടയിൽ കിടക്കുന്ന തെക്കുകിഴക്കൻ ഏഷ്യൻ രാജ്യം. ലോകത്തിലെ ഏറ്റവും വലിയ ദ്വീപ് രാജ്യം എന്ന ഖ്യാതിയുമുണ്ട് ഈ രാജ്യത്തിന്. ഏകദേശം 17,000-ത്തോളം ചെറുതും വലുതുമായ ദ്വീപുകളുടെ സമുച്ചയമാണ് ഇൻഡൊനീഷ്യ. റിപ്പബ്ലിക് ഓഫ് ഇൻഡൊനീഷ്യ എന്നാണ് ഔദ്യോഗികമായി അറിയപ്പെടുന്നത്. തലസ്ഥാനം ജക്കാർത്ത. രാജ്യത്തെ ഏറ്റവും വലിയ നഗരവും ഇതുതന്നെ.

*നിയമാനുസൃതമായ പാസ്പോർട്ടും അതിന് ആറു മാസത്തിൽ കുറയാത്ത കാലാവധിയുമുണ്ടെങ്കിൽ ഏതൊരു ഇന്ത്യൻ പൗരനും ഇൻഡൊനീഷ്യയിലേക്ക് യാത്ര ചെയ്യാം. ഇന്ത്യ ഉൾപ്പെടെ ലോകത്തിലെ169-ഓളം രാജ്യങ്ങളിൽനിന്നുള്ള സന്ദർശകർക്ക് ഇവിടെ വിസ ആവശ്യമില്ല. 30 ദിവസം താമസിക്കാനുളള അനുമതിയാണ് യാത്രികർക്ക് ലഭിക്കുക. അത് പുതുക്കുകയോ നീട്ടി നൽകുകയോ ചെയ്യില്ല.*

അന്താരാഷ്ട്ര തലത്തിൽ തന്നെ പ്രസിദ്ധമായിത്തീർന്ന ടൂറിസ്റ്റ് കേന്ദ്രമായ ബാലി ഇൻഡൊനീഷ്യയിലാണ്. ടൂറിസത്തിലൂടെ ദ്രുതഗതിയിൽ പൂരോഗതി പ്രാപിക്കുന്ന ലോകത്തിലെ പ്രധാന രാജ്യങ്ങളിൽ ഒന്നാണിത്. രാജ്യത്തെ ദേശീയ വരുമാനത്തിന്റെ പ്രധാന പ്രധാന പങ്കുവഹിക്കുന്നത് ടൂറിസമാണ്. അതുകൊണ്ടു തന്നെ ടൂറിസ്റ്റുകളെ ലക്ഷ്യമിട്ട് അനേകം വികസനങ്ങളും പരിഷ്കാരങ്ങളുമാണ് ഈ രാജ്യം നടപ്പിലാക്കുന്നത്.

*ലോകത്തിന്റെ വിവിധ ഭാഗങ്ങളിൽനിന്നായി പ്രതിവർഷം ഒരു കോടിയിലേറെ സന്ദർശകർ ഇൻഡൊനേഷ്യയിൽ എത്തുന്നു എന്നാണ് ഏകദേശ കണക്ക്. ബോറോബന്തർ ക്ഷേത്രം, തോബാ ലെയ്ക്ക്, ബ്രോമോ പർവതം, കോ മൊഡോ ദേശീയ പാർക്ക്, മാൻഡലികാ, താൻജുങ് കെല്യയാങ്, താൻജുങ് ലെസങ് എന്നീ ബീച്ചുകൾ, വാകാതോബി, മൊറോതായ് എന്നീ ദ്വീപുകൾ തുടങ്ങി സന്ദർശകരെ ആകർഷിക്കുന്ന നിരവധി സ്ഥലങ്ങളുണ്ടിവിടെ.*

ഇൻഡൊനീഷ്യൻ ആണ് പ്രധാന ഭാഷ. കൂടാതെ നിരവധി പ്രാദേശിക ഭാഷകളും ഇവിടെഉപയോഗിക്കുന്നു. ജക്കാർത്തയിലെ സുക്കാർണോ-ഹത്ത വിമാനത്താവളമാണ് സഞ്ചാരികളെ സ്വീകരിക്കുന്ന പ്രധാന ഇടം. ഇതൊരു ഇന്റർനാഷണൽ എയർപോർട്ടാണ്. ബാലി, സുമാത്ര, ജാവ, മലുകു തുടങ്ങി ഇൻഡൊനീഷ്യയുടെ വിവിധ ഭാഗങ്ങളിൽ സന്ദർശിക്കാൻ എത്തുന്ന യാത്രികരിൽ മിക്കവരും ഈ അന്താരാഷ്ട്ര വിമാനത്താവളത്തിലാണ് വന്നിറങ്ങുന്നത്.ഇൻഡൊനീഷ്യന്റുപ്യയാണ് പ്രധാന കറൻസി.

*🛫ഭൂട്ടാൻ*
ഇന്ത്യയുടെ പ്രധാന അയൽരാജ്യങ്ങളിലൊന്നാണ് ഭൂട്ടാൻ. കിഴക്കൻ ഹിമാലയത്തിന്റെ താഴ്വാരത്ത് സ്ഥിതിചെയ്യുന്ന പ്രധാന ബുദ്ധമത രാജ്യം. ഇന്ത്യയും ചൈനയുമായി അതിർത്തി പങ്കിടുന്ന രാജ്യം എന്ന പ്രത്യേകതയുമുണ്ട് ഭൂട്ടാന്. കിങ്ഡം ഓഫ് ഭൂട്ടാൻ എന്നാണ് രാജ്യം ഔദ്യോഗികമായി അറിയപ്പെടുന്നത്. തിമ്പു ആണ് രാജ്യ തലസ്ഥാനം.

*ഇന്ത്യക്കാർക്ക് വിസയില്ലാതെ ഭൂട്ടാനിൽ സന്ദർശനം നടത്താം. മതിയായ കാലാവധിയുള്ള പാസ്പോർട്ട് ഉണ്ടാവണം എന്നുമാത്രം. ഇന്ത്യയിൽ ഇലക്ഷൻ കമ്മിഷൻ നൽകുന്ന നിയമാനുസൃത വോട്ടേഴ്സ് ഐഡി മാത്രം കൈയിൽ ഉണ്ടെങ്കിലും ഇവിടെ യാത്ര ചെയ്യാനുള്ള അനുമതി ലഭിക്കും.*

*താഷിചു സോങ് ബുദ്ധമത ആശ്രമം, ടൈഗേഴ്സ് നെസ്റ്റ് ആശ്രമം, പു നാകാ സോങ്, ചിമി ലാക്കാങ് ക്ഷേത്രം, യുനസ്കോ ദേശീയ പൈതൃകമായി പ്രഖ്യാപിച്ച് കാത്തുസൂക്ഷിക്കുന്ന മനാസ് ദേശീയ പാർക്ക്, തുടങ്ങി നിരവധി കാഴ്ചകൾ ഇവിടെ സന്ദർശകരെ കാത്തിരിക്കുന്നുണ്ട്. മനാസ് ദേശീയപാർക്കിലെ ജംഗിൾ സഫാരി സുപ്രസിദ്ധമാണ്.*

ഭൂട്ടാനിൽ നാല് വിമാനത്താവളങ്ങളുണ്ട്. പാറോ ഇന്റർനാഷണൽ എയർപോർട്ടാണ് അവയിൽ പ്രധാനം. ഭൂട്ടാനിലെ ഏക അന്താരാഷ്ട്ര വിമാനത്താവളവും ഇതാണ്.

*വൈമാനികർക്ക് ഏറ്റവും വലിയ വെല്ലുവിളി ഉയർത്തുന്ന ലോകത്തിലെ ചുരുക്കം ചില വിമാനത്താവളങ്ങളിലൊന്നാാണ് പാറോ. മലകളുടെ കൊടുമുടികൾക്കിടയിലൂടെ അങ്ങേയറ്റം ശ്രദ്ധയോടെ പറത്തി വേണം പാറോ ചൂ നദിയുടെ കരയിലുള്ള മലയുടെ ചെരിവിലെ ഈ എയർപോർട്ടിൽ വിമാനങ്ങളിറക്കാൻ. പ്രത്യേകം പരിശീലനം കിട്ടിയ വൈമാനികർക്ക് മാത്രമെ ഇവിടെ വിമാനം ലാൻഡ് ചെയ്യിക്കാൻ സാധിക്കുകയുള്ളൂ.*

സോങ്കയാണ് ഭൂട്ടാന്റെ ഔദ്യോഗിക ദേശീയഭാഷ. അതേസമയം ഹിന്ദിയും ബംഗാളിയും വ്യാപകമായി ആളുകൾ ഉപയോഗിക്കുന്നുണ്ട്. ഇംഗ്ലീഷ് ഭാഷ സംസാരിക്കുന്നവരും കുറവല്ല. ഗുൽത്രം ആണ് ഭൂട്ടാനിലെ കറൻസി. ഇന്ത്യൻ രൂപയും വിനിമയരംഗത്തുണ്ട്.

*🛫നേപ്പാൾ*
ഇന്ത്യയുടെ മറ്റൊരു പ്രധാന അയൽരാജ്യം. ഹിമാലയത്തിന്റെ താഴ്വാരത്തുകിടക്കുന്ന ഒരു ഹൈന്ദവരാജ്യം. ലോകത്തിലെ ഏറ്റവും ഉയരം കൂടിയ കൊടുമുടിയായ എവറസ്റ്റ് സ്ഥിതിചെയ്യുന്നത് നേപ്പാളിലാണ്.

*ഫെഡറൽ ഡെമോക്രാറ്റിക് റിപ്പബ്ലിക് ഓഫ് നേപ്പാൾ എന്നാണ് രാജ്യത്തിന്റെ ഔദ്യോഗിക വിളിപ്പേര്. തലസ്ഥാനം കാഠ്മണ്ഡു.*

*കാഠ്മണ്ഡു ദർബാർ സ്ക്വയർ, പശുപതി ക്ഷേത്രം, സ്വയംഭൂനാഥ്, ഗാർഡൻ ഓഫ് ഡ്രീംസ്, താൽ ബരാഹി ക്ഷേത്രം, കാഠ്മണ്ഡുവിലെ രണ്ടു നിലയുള്ള പെഗോഡ, ഇന്റർനാഷണൽ മൗണ്ടെൻ മ്യൂസിയം, റോയൽ പാലസ്, അന്നപൂർണ കൊടുമുടി, ചിത്വൻ ദേശീയ ഉദ്യാനം, നാഗർകോടിലെ സൂര്യോദയവും അസ്തമനവും, ബുദ്ധന്റെ ജൻമംകൊണ്ട് അനശ്വരമായ ലുംബിനി തുടങ്ങി സന്ദർശകർക്ക് കൺനിറയെ കാണാൻ കാഴ്ചകളുടെ ഒരു നീണ്ട നിരതന്നെയുണ്ട്, നേപ്പാളില്‍.*

അന്നപൂർണ താഴ്വരയി ലെ ട്രക്കിങ് അനേകം യാത്രികരെ ആകർഷിക്കുന്ന നേപ്പാളിലെ പ്രധാന വിനോദമാണ്.

ഇന്ത്യക്കാർക്ക് വിസയില്ലാതെ ഇവിടെ സന്ദർശിക്കാം. 1950-ൽഉണ്ടാക്കിയ ഇൻഡോ-നേപ്പാൾ സമാധാന-സൗഹൃദകരാർ അനുസരിച്ച് ഇന്ത്യക്കാർ നേപ്പാളിൽ സർവതന്ത്രസ്വതന്ത്രരാണ്.

നേപ്പാളിലെവിടെയും ഇന്ത്യക്കാർക്ക് യാത്രചെയ്യാം, തൊഴിലെടുക്കാം, താമസിക്കാം. വിലക്കുകളൊന്നുമില്ല.
*വിമായാത്രയ്ക്ക് പാസ്പോർട്ട് ആവശ്യമായി വരും. എന്നാൽ റോഡ് മാർഗമുള്ള യാത്രയ്ക്ക് അതുപോലും ആവശ്യമില്ല. അതേസമയം പാസ്പോർട്ടോ അല്ലെങ്കിൽ ഇലക്ഷൻ ഐഡി കാർഡോ കൈയിൽ കരുതുന്നത് ഉത്തമമാണ്.*

ടൂറിസമാണ് നേപ്പാളിന്റെ ദേശീയവരുമാനത്തിൽ ഒരു പ്രധാന പങ്കുവഹിക്കുന്നത്. അഞ്ച് എയർപോർട്ടുകള്‍ രാജ്യത്തുണ്ട്. എങ്കിലും ത്രിഭുവൻ അന്താരാഷ്ട്ര വിമാനത്താവളമാണ് അവയിൽ പ്രധാനപ്പെട്ടത്. ഖത്തർ എയർവെയ്സ്, എമിറേറ്റ്സ്, ടർക്കിഷ് എയർലൈൻസ്, നേപ്പാൾ എയർലൈൻസ്, എയർ ഇന്ത്യ തുടങ്ങിയ നിരവധി എയർലൈനുകൾ ഇവിടേക്ക് സർവീസ് നടത്തുന്നുണ്ട്.

നേപ്പാളി ആണ് ഔദ്യോഗിക ദേശീയഭാഷ. അതേസമയം മൈഥിലി, ഭോജ്പുരി, ഇംഗ്ലീഷ് എന്നീ ഭാഷകളും നേപ്പാളിൽ വ്യാപകമായി ഉപയോഗിക്കുന്നുണ്ട്. നേപ്പാളി റുപ്പീ ആണ് കറൻസി. ഒപ്പം ഇന്ത്യൻ കറൻസിയും വിനിമയരംഗത്തുണ്ട്.
*🛫മാൽദീവ്സ്*
ശ്രീലങ്കയുടെ തെക്കുപടിഞ്ഞാറായി ഇന്ത്യൻ മഹാസമുദ്രത്തിൽ അറബിക്കടലിലെ പ്രധാന ദ്വീപ് സമൂഹമാണ് മാല. 1100-ലധികം ചെറുദ്വീപുകളുടെ സമുച്ചയമാണിത്. 200-ഓളം ദ്വീപുകളിലെ ഇവിടെ ജനവാസമുള്ളൂ. റിപ്പബ്ലിക് ഓഫ് മാൽദീവ്സ് എന്നാണ് ഔദ്യോഗിക നാമം.

*ഇന്ത്യൻ മഹാസമുദ്രത്തിലെ ചെറുസ്വർഗം എന്നൊരു സവിശേഷ വിളിപ്പേരുമുണ്ട് ഈ ദ്വീപിന്. 'മാല'യാണ് തലസ്ഥാനവും പ്രധാന പട്ടണവും. ഇന്ത്യക്കാർക്ക് മാലയിൽ വിസ ആവശ്യമില്ല. കുറഞ്ഞത് ആറ് മാസത്തെ കാലാവധിയുള്ള പാസ്പോർട്ട് ഉണ്ടായാൽ മതി. അതിന്റെ ബലത്തിൽ 90 ദിവസം വരെ താമസിക്കാനുള്ള അനുവാദം ലഭിക്കും.*

ഇന്ത്യക്കാരുടെ പ്രധാന ഹണിമൂൺ ഡെസ്റ്റിനേഷനാണ് മാലദ്വീപ്. പല വർണത്തിലും ആകൃതിയിലുമുള്ള പവിഴപ്പുറ്റുകൾ നിറഞ്ഞ 26-ഓളം നീലതടാകങ്ങൾ, വൃത്തിയും വെടിപ്പുമുള്ള ബീച്ചുകൾ, മിതോഷ്ണമുള്ള കാലാവസ്ഥ തുടങ്ങിയവയാണ് ഇവിടെ സന്ദർശകരെ ആകർഷിക്കുന്ന പ്രധാന ഘടകങ്ങൾ. കൂടാതെ സഞ്ചാരികൾക്ക് കടലാഴത്തിൽ നീന്തി രസിക്കാൻ സൗകര്യമൊരുക്കികൊണ്ട് നിരവധി ഡൈവിങ് സ്കൂളുകളുണ്ടിവിടെ. പുറമേ സ്കൂബാ ഡൈവിങ്, വാട്ടർസ്കീയിങ്, ബോട്ടിങ്, നീന്തൽ, മീൻപിടിത്തം, പലതരം വാട്ടർ സ്പോർട്ട്സ് തുടങ്ങിയ സൗകര്യവും ഒരുക്കിയിട്ടുണ്ട്. ഗ്രാൻഡ് ഫ്രൈഡേ മോസ്ക്, ദേശീയ മ്യൂസിയം, സുനാമി സ്മാരകം, മത്സ്യമാർക്കറ്റ്, സൺ ഐലൻഡ്, ഗാംഗീ ഐലൻഡ് എന്നിവ പ്രധാന കാഴ്ചകളാണ്.

ടൂറിസമാണ് രാജ്യത്തെ ഒരു പ്രധാന വരുമാന മാർഗം. മാലയിലെ പ്രധാന തൊഴിൽമേഖലകളിൽ ഒന്നും അതുതന്നെ. ചെറുതും വലുതുമായി 130-ലേറെ ഹോട്ടലുകളാണ് ഈ ചെറിയ ദ്വീപിലുള്ളത്. നവംബർ മുതൽ ഏപ്രിൽ വരെയാണ് പൊതുവെ ടൂറിസ്റ്റ് സീസൺ. എങ്കിലും വർഷത്തിലധികദിവസവും ലോകത്തിലെ പല ഭാഗത്തു നിന്നുള്ള സഞ്ചാരികൾ ഇവിടെ സന്ദർശനം നടത്താറുണ്ട്. കൊച്ചിയിൽനിന്നും തിരുവനന്തപുരത്തുനിന്നും മാലയിലേക്ക് വിമാന സർവീസുണ്ട്. ഇൻഡിഗോ, സ്പൈസ് ജെറ്റ് എന്നിവയാണ് അങ്ങോട്ട് പറക്കുന്ന പ്രധാന വിമാനക്കമ്പനികൾ. മാലയിലെ വെലാന ഇന്റർനാഷണൽ എയർപോർട്ട് വഴിയാണ് പ്രധാനമായും കൂടുതൽ ടൂറിസ്റ്റുകൾ എത്തുന്നത്. മാൽ ദീവ് റുഫിയ ആണ് കറൻസി. അതേസമയം അമേരിക്കൻ ഡോളർ നോട്ടും മാലദ്വീപിൽ വിനിമയത്തിന് ഉപയോഗിക്കുന്നുണ്ട്.
*തുടരും...*

16/01/2021

പ്രവാസി ക്ഷേമധിനിയെ കുറിച്ച് അറിയാൻ ആഗ്രഹിക്കുന്നവർക്ക് വേണ്ടിയാണ്... (സർക്കാറുകൾ മാറിമറിയാം അത് കൊണ്ട് രാഷ്ടീയ കമൻ്റ് ഒഴിവാക്കുക, നമ്മൾ ഇന്ന് പെൻഷനിൽ ചേർന്നാൽ ഗുണം നമുക്ക് മാത്രമാണ്) ഈ സർക്കാർ വരുമ്പോൾ പെൻഷൻ മിനിമം പെൻഷൻ 1000 ആയിരുന്നു അത് 2000 ആയി ഇപ്പോൾ 3000 ആയി വർദ്ധിപ്പിച്ചിട്ടുണ്ട്. വരുന്ന സർക്കാറുകളും കാലകാലങ്ങളിൽ അനുപാതിക വർദ്ധന വരുത്താൻ ആണ് സാധ്യത.

കേരള പ്രവാസി വെൽഫയർ ബോർഡ് വഴിയാണ് പെൻഷന് ലഭിക്കുന്നത്. കുറഞ്ഞത് 2 വർഷമെങ്കിലും കേരളത്തിന് പുറത്തൊ വിദേശത്തൊ ജോലി ചെയ്യണം - വിദേശത്ത് ഉള്ളവർ മാസം 350 രൂപയും, തിരികെ നാട്ടിലെത്തിയവർ മാസം 200 രൂപയും കുറഞ്ഞത് 5 വർഷം അടക്കണം. 60 വയസ്സ് പൂർത്തിയായാൽ മാസം 3000 രൂപ വെച്ച് പെൻഷൻ ലഭിക്കും (നിങ്ങൾ 60 വയസ് കഴിഞ്ഞും പ്രവാസി ആയി തുടരുകയാണെങ്കിൽ 3500 മാസം പെൻഷൻ കിട്ടും).5 വർഷത്തിൽ കൂടുതൽ അടക്കുന്നവർക്ക് അടക്കുന്ന തുകക്ക് അനുസരിച്ച് പെൻഷൻ വർദ്ധിക്കും

എങ്ങനെ റജിസ്ടർ ചെയ്യാം?
രണ്ട് വഴി ഉണ്ട്
ഒന്ന് ) നാട്ടിലെ അക്ഷയ സെറ്ററുമായി ബന്ധപെടുക
രണ്ട് ) ഓൺലൈനായി അപേക്ഷിക്കാം.. അതിനുള്ള ലിങ്ക് താഴെ കൊടുക്കുന്നു.

https://pravasi.keltron.org/web/onlineappln.php

2) 5 വർഷം അടച്ചാൽ മതിയോ?

മിനിമം 5 വർഷം അടക്കണം എന്നതാണ് നിബന്ധന അതായത് 55 വയസ് ഉള്ള വെക്തിയാണ് ചേരുന്നത് എങ്കിൽ മിനിമം 60 വയസ് വരെ 5 വർഷം അടച്ചാൽ മിനിമം പെൻഷൻ തുകയായ 3000 മാസം പെൻഷൻ ലഭിക്കും. നിങ്ങൾ 40 വയസ് ഉള്ള വെക്തിയാണെങ്കിൽ 20 വർഷം അടക്കണം... 15 വർഷം അധികമായി അടക്കുന്നതിന് അധികമായി അടച്ച ഒരോ വർഷത്തിനും മിനിമം മിനിമം പെൻഷൻ തുകയുടെ 3% തുക പെൻഷൻ അധികമായി ലഭിക്കും..

അതായത് 3000 + 1350 = 4350 മാസം പെൻഷൻ കിട്ടും. നിങ്ങൾ എത്ര വർഷം അധികമായി അടക്കുന്നുവോ അതിന് അനുസരിച്ച് 1350 എന്നത് കൂടിയും കുറഞ്ഞും വരാം

മാത്രമല്ല മിനിമം പെൻഷൻ സർക്കാർ വർദ്ധിപ്പിക്കുന്നതിന് അനുസരിച്ച് അധികമായി ലഭിക്കുന്ന 3% അതിന് അനുസരിച്ച് വർദ്ധിക്കുകയ്യും ചെയ്യും.

3) 350 വച്ച് 15 വർഷം അടച്ചിട്ട് മാസം 3000 പെൻഷൻ കിട്ടുന്നത് നഷ്ടമല്ലേ?

അല്ല... 5 വർഷം മുമ്പ് ഞാൻ ക്ഷേമനിധിയിൽ ചേരുമ്പോൾ മിനിമം പെൻഷൻ 1000 ആയിരുന്നു ഇപ്പോൾ അത് 3000 ആയി.. ഈ രീതിയിൽ വർദ്ധിക്കുക ആണെങ്കിൽ എനിക്ക് 60 (20 വർഷം കഴിയുമ്പോൾ ) വയസാക്കുമ്പോൾ പെൻഷൻ മിനിമം 10000 എങ്കിലും ആകാം.. അതിൻ്റെ കൂടെ 20 വർഷം അധികമായി അടച്ചതിന് 3 % കൂട്ടുമ്പോൾ 16000 എങ്കിലും ആകും പെൻഷൻ. ഞാൻ 350 വച്ച് 20 വർഷം ഏത് ബാങ്കിൽ അടച്ചാലും 16000 മാസം വച്ച് മരണം വരെയും മരണശേഷം ഭാര്യക്കും ലഭിക്കില്ല.

4) വിദേശത്ത് ആയിരിക്കുമ്പോൾ ചേർന്നവർ ജോലി നഷ്ടപ്പെട്ട് നാട്ടിൽ പോയാലും മാസം 350 അടക്കണോ?

വേണ്ട..ജോലി നഷ്ടപെട്ട് നാട്ടിൽ പോകേണ്ടി വന്നാൽ മാസം 200 അടച്ചാൽ മതി.. തിരിച്ച് നാട്ടിൽ എത്തിയത് നോർക്ക ഓഫീസിൽ രജിസ്ടർ ചെയ്താൽ പിന്നെ 200 അടച്ചാൽ മതി.

ഒരു ടിപ്പ് കൂടെ : KSFE യുടെ ചിട്ടിയിൽ ചേർന്നാൽ ചിട്ടി കാലാവധി തീരും വരെ പ്രവാസി പെൻഷൻ്റെ മാസ അടവായ 350 അവർ അടച്ചോളും ( 60 മാസം വരെ) 2500 രൂപയുടെ ചിട്ടിയിൽ ചേർന്നാൽ മതി😉

എല്ലാ നല്ല കാര്യത്തിലും എന്ന പോലെ ചടപ്പിക്കുന്ന കമൻ്റ്മായി വരുന്നവർ ഉണ്ടാക്കാം അവരെ അവഗണിക്കുക.. അറിവ് ഇല്ലാത്തത് കൊണ്ട് പറയുന്നതാണ് എന്നങ്ങ് കരുതുക... എനിക്ക് പെൻഷൻ കിട്ടിയില്ല എന്ന് കരയുന്ന 30 വയസുകാരനെയും അതിൽ കാണാൻ പറ്റും ...🤣😂. ക്ഷേമധിനിയിൽ ചേരുകയോ അടവ് അടക്കാതിരിക്കയും ചെയ്തിട്ട് 60 വയസ് അയിട്ടും എനിക്ക് പ്രവാസി പെൻഷൻ കിട്ടിയില്ല എന്ന് പറയുന്നവരോട് പറയാൻ ഒന്നേ ഉള്ളൂ... വാഹനം ഉണ്ടായാൽ മാത്രം അത് ഓടില്ല അതിൽ എണ്ണ അടിക്കണം..😂🤣

വയസാംകാലത്ത് മാന്യമായ ഒരു പെൻഷൻ നമ്മൾ ഉറപ്പ് വരുത്തിയാൽ ആരുടെ മുന്നിലും പിന്നീട് കൈ നീടേണ്ടി വരില്ല..

Phone: Chief Executive Officer : Manager (Finance): (IST 10:00 am to 1:00pm and 2:00 pm to 5:00) Fax: E mail : Web Site : www.pravasikerala.org