13/10/2024
డాక్టర్ మణి భూషణ్ రాయగడ "మా మజిఘరియాని" చిత్రం టైటిల్ ఆవిష్కరణ
==========================================================
నగరానికి చెందిన ప్రముఖ స్వచ్ఛంద సంస్థ విశాఖ ట్రావెల్ అండ్ టూరిజం ఫౌండేషన్ వారి నిర్వహణ లో ప్రపంచ పర్యాటకుల అభిమాన ఛానల్ టీవీ టూరిజం వారి సమర్పణ లో ప్రముఖ దర్శకుడు జాతీయ అవార్డు గ్రహీత , పర్యాటక ప్రేమికుడు డాక్టర్ మణి భూషణ్ గారి రచన దర్శకత్వం లో రాయగడ "మా మజిఘరియాని" దేవాలయ లఘు చిత్రం టైటిల్ ఆవిష్కరణ నిర్మాత హీరో , ఏ ఐ సాఫ్ట్ అధినేత ఆదిత్య భూషణ్ చేతులమీదుగా విజయదశమి వేడుకలు మరియు జాతీయ సినిమా దినోత్స్వం సందర్బంగా స్థానిక ఎం వి పి కాలనీ లో ఉన్న టీవీ టూరిజం అడ్మిన్ ఆఫీస్ లో అంగరంగ వైభవంగా విడుదల చేసారు. ఈ సందర్బంగా డాక్టర్ మణి భూషణ్ మాట్లాడుతూ ఎంతో చారిత్రాత్మక విశేషాలు కలిగిన , ఉత్తరాంధ్ర ఆరాధ్య దైవం , ఒరిస్సా రాష్ట్రము లో వెలసిన , తెలుగువారి మా మజ్జి గౌరమ్మ గా విశేష సేవలు అందుకుంటూ , అశేష భక్తవాహిని కోర్కెలు తీర్చే తల్లిగా పేరొంది , భక్తులకు నిరంతరం చల్లని దీవెనలు అందించే మాత రాయగడ "మా మజిఘరియాని" దేవాలయం - ఈ ఆలయ విశేషాలు తో కూడిన లఘు చిత్రం టైటిల్ ఈరోజు ఆవిష్కరణ చేశామని , త్వరలో ఈ చిత్రాన్ని ప్రేక్షలకు కనులవిందు లా , అద్భుతంగా మలుస్తున్నామని , టీవీ టూరిజం ఛానల్ లో ఈ చిత్రాన్నివిడుదలకు సిద్ధం చేస్తున్నామని , ప్రతి ఒక్కరు రాయగడ "మా మజిఘరియాని" దేవాలయం దర్శించి అమ్మ వారి ఆశీస్సులు పొంది సుఖ సంతోషాలతో జీవనం సాగించాలని , విశాఖ ప్రజలకు విజయదశమి శుభాకాంక్షలు తెలియజేసారు. హీరో ఆదిత్య భూషణ్ మాట్లాడుతూ ఈ ఆలయ సమాచారం మరియు టూర్ ప్యాకేజి గూర్చి హెల్ప్ లైన్ 9848418582 ద్వారా పొందవచ్చని తెలిపారు .
ఈ కార్యక్రమం లో సీఈఓ సీతారామ స్వామి , ఎడిటర్ నీరజభూషణ్, కెమెరా కిషోర్ ఇతురులు హాజరయ్యారు.
ఇట్లు
విశాఖ ట్రావెల్ అండ్ టూరిజం ఫౌండేషన్
9848418582
విశాఖపట్నం.
