Safar Alkhair Travel کۆمپانیای سەفەری خێر

11/07/2025

10/07/2025

09/01/2025

السلام عليكم ورحمة الله وبركاته
(( ئەو بەڕێزانەی پرسیار دەکەن و زانیاریان دەوێ دەربارەی چۆنیەتی و تێچوی چون بۆ عەمرە بەڕێگای ووشکانی (بە ئۆتۆمبێلی تایبەت ))
دەمەوێ لێرە هەندێک ڕونکردنەوە و زانیاری بدەم و بیخەمە بەر دیدی ئێوەی بەڕێز
بەڵام پێش هەموو شتێک پێویستە پێشتر بەندە پشت ببەستێ بە پەروەردگاری مەزن و نیەتی پاکی تێدابێ لەکارەکانی ... ، بۆئەوەی کارەکەی بەرەکەتداربێت و لەکۆتاییدا مایە بەخەسار نەگەڕێتەوە .

بابەتی یەکەم :
ئامادەکاری :
تەواوی ڕێکارەکانی توندوتۆڵی و سەلامەتی ئۆتۆمبێلەکە ڕەچاو بگیرێ و کاری بۆ بکرێ لە (تایەی تازە ـ فیتپم ـ قایشی بزوێنەر ـ پاتری ـ لایتەکان ـ توندوتۆڵی ژێرەکەی ـ ڕۆنی تازەی بزوێنەر کە بتوانێ 5 بۆ 6 هەزار (کم)ی پێ بڕوا ـ ڕۆنی گێڕ ـ کەرستەی ئیشکردن (عدد) ... .

بابەتی دووهەم :
دابینکردنی ئوتێل :
باشتر وایە پێش سەفر کردن شوێنی حەوانەوە (ئوتێل)ی هەردوو شاری مدینە و مەکە ئامادە بکەیت ، چ لە ڕێگای کۆمپانیاکانی حەج و عەمرە وە چ لە ڕێگای کەسێکی نزیکتەوە وە چ لە ڕێگای مەندوبە عەرەبەکانی ئەو بوارە کە لە فیسبوک دەدۆزرێنەوە .
دوای ئەوەی کە بەڵێنی ئامادەکردنی ژورت پێ دەدەن و پێت دەڵێن لە ئوتێل (فڵان) ژورت بۆ گیراوە ، یەکەم شت داوای ژمارەی حجزی ژورەکەی لێبکە ، دووهەم شت پارە نادەیت تاکو دەگەیتە ئەو ئوتێلە و کلیلی ژورەکەت پێ دەدەن ، سێهەم شت ئەگەر ئوتێل و ژورەکەت ئەو شێوە و مواسەفاتە نەبوو کە بەڵێنیان پێ دابوی بۆت هەیە نەتەوێت و داوای جۆرێکی تر بکەی کە پێشتر لەسەری ڕێک کەوتون .

بابەتی سێهەم :
تێچوی سەفەر :
هەندێک تێچوو (نرخ) هەیە کە جێگیرن و هەموو کەسێک دەبێ ئەو بڕە پارەیە بدات وەک :
1ـ فيزا بۆ هەموو کەسێکی گەورە و بچوک 135 $ .

2ـ ( 66.000 دینار بۆ کەسانی گەورە) بەشی حەج و عەمرەی عراقی وەری دەگرێ لە سنوری عرعر .

3ـ ( 33.000 دینار بۆ منداڵی خوار سێ ساڵ ) بەشی حەج و عەمرەی عراقی وەری دەگرێ لە سنوری عرعر .

4ـ (25.000 دينار) بۆ خروجیەی ئۆتۆمبێل کاتی دەرچون لە عراق لایەنی عراقی وەری دەگرێ لە سنوری عرعر (ئەگەر دفتر خروجیة شت پێ بێت ئەو بڕە پارەیە هەر وەردەگرن) .

5ـ کاتی گەڕانەوە بۆ عراق ( 25.000 دينار) لایەنی عراقی وەری دەگرێ لە سنوری عرعر .

6ـ وەصڵێک بە 1.250 دینار لایەنی عراقی وەری دەگرێ لە سنور کاتی دەرچون لە عراق .

7ـ بڕی 10.000 بۆ 15.000 دینار کرێکار و فەرمانبەرانی بازگە لە سنور لە بەشی عراق وەری دەگرن بەناوی (یارمەتی و شیرینی) .

8ـ ( 138 ريال بۆ یەک هەفتە) بەشی بازگەی سعودی وەری دەگرن بەناوی تەئمیناتی ئۆتۆمبێل .

9ـ بەنزین بۆ چون و هاتنەوە ( بەپێی جۆری ئۆتۆمبێل) .
(تێبینی : لترێک بەنزینی جۆری سەوز لە سعودیە بە 2.18 ریالە کە دەکاتە 872 دیناری عراقی ) .

ئەوشتانەی باسمانکردن شتانێکی حەتمی و چەسپاون دەبێ بکرێن .
بەڵام هەندێک خەرجی تر هەیە کە دواتر باسیان دەکەم ئەوانە شتانێکن نرخ و شوێن و کاتیان دەگۆڕێ و دەکرێ هەندێکیان نەکرێن و هەندێکیان بەگوێرەی ویست و حەز... کەم و زۆری بەکاربهێندرێ وەک :

1ـ ئوتێل : نرخی ئوتێل جێگر نیە . نرخەکان بەپێی دور و نزیکی لە مزگەوت و پاکی و خزمەتگوزاریەکانی دەگۆڕێ ، نرخی ئوتێلی [مامناوەندی] ژوری سیانی و چواری و پێنج کەسی لە شاری (مدینە) نزیکەی 200 ریالە ، لە شاری (مەکە) نزیکی 130 ریالە .

2ـ خواردن : تێچوی کڕینی خواردنی (مامناوەندی) بۆ یەک کەس بۆ سێ ژەم لە ڕۆژێکدا نزیکی 40 بۆ 50 ریالە ، ئەگەریش خێزانێک بن یاخود چەند هاوڕێیەک و لەناو ژوری ئوتێل ئامادە بکرێ زۆر کەمترە لەوەی لەبازاڕ بکڕدرێ .

3ـ ( نزیکی 50 ریال بۆ شەوێک) ڕاگرتنی ئۆتۆمبێل لە گەراجی ئوتێل یاخود لە نزیک ئوتێل .(هه‌ندێك ئوتێلیش شوێنی وه‌ستانی ئؤتؤمبێلیان خؤڕاییه‌)
[ ئەگەریش پرسیار بکەن و بگەڕێن ئەوا گەراجی خۆڕایی بێ بەرامبەر هەیە بەڵام لەوانەیە 5 بۆ 8 کم دوربێت لە ئوتێل]
تێبینی : بەهیج جۆرێک ئۆتۆمبێل لە سەر شەقام و شۆستە و کەلاوە خانوو و بەردەرگای ئوتێل و ماڵان ... مەوەستێنن چونکە قەدەغەیە و لێپرسینەوەی لێ دەکرێ .

4ـ خورمای عەجوە جۆری باش و تەڕ و تازە کیلۆی بە نزیکی 20 ریالە .

5ـ کیلۆی میوە (سێو ـ پرتقال ـ ترێ ـ کاڵەک ... ) نزیکی 5 ریالە .

6ـ سیمکارتی بێ باڵانس خۆڕاییە .

7ـ کەمترین باڵانس بۆ سیمکارت بە 20 ریالە بۆ ( 17 خولەک بۆ پەیوەندی ناوخۆ) .

8ـ باڵانس بۆ نزیکەی مانگێک (پەیوەندی ناوخۆ و 40 گێگا انترنیت) بە 100 بۆ 120 ریالە .

بابەتی چوارەم :
زانیاری ڕێگا :
1ـ چی پی اس بەکار بهێنە بۆ ئەوەی شوێنەکانت پێ بڵێ و ڕێگا وون نەکەیت (باشترین بەرنامەش waze ))ـە یان لە سەرەتای ماڵەوە شاری مدینە بنوسە و لەگەڵی بڕۆ یاخود قۆناغ بە قۆناغ شوێنەکان بنوسە و شوێنی بکەوە .

2ـ بۆ نمونە ئەگەر لە شاری سلێمانیەوە سەفەر بکەیت :
سلێمانی بۆ کرکۆک بۆ تکریت بۆ سامرا بۆ رمادي بۆ نخیب بۆ سنور {بازگەی عرعری سنوری} (835 کم)ـە بە نزیکی 10 کاتژمێر دەبڕدرێت بە ڕاوەستانەکانی نانخواردن و نوێژکردن و بەنزین تێکردنەوە....

3ـ لەهەر شوێنێکی ڕێگا گەیشتیت بە بانزینخانە ئەوا تانکی ئۆتۆمبێلەکەت پڕ بکە و مەڵێ جارێ پێمە چونکە شوێنی وا هەیە چوار کاتژمێر دەڕوێت ناگەیتە بەنزینخانە وەک لە دەشتی رمادی و نخیب بۆ سنور .

4ـ خواردن و خواردنەوەی لانی کەم دوو ڕۆژ لەگەڵ خۆت ببە بۆ ئەوەی لە ڕێگا زۆر پێویستت بە وەستان نەبێت لە چیشتخانە و خواردنگەکان .

5ـ دوای ئەوەی لە سنور لەهەردوو بەشەکانی عراق و سعودیە تەواوی پشکنین و ڕێکارە یاساییەکان تەواو دەبێت کە لەوانەیە دوو کاتژمێر بخایەنێ نزیکی (5کم) لە خاکی سعودیە دەڕۆیت دەگەیتە شوێنی حەوانەوە (کە بریتیە لە مزگەوت و خواردنگە و چایخانە و ڕۆنگۆڕ و پەنچەرچی و مۆڵ و مارکێت...) لەوێ گەر بتەوێ ئیسراحەت دەکەیت و کەمێک دەخەویت و بانزین تێدەکەیت و بەڕێ دەکەوی .

6ـ دواتر بەڕێ دەکەوی و جار جار دەگەیتە شوێنی ئیسراحەتی تر لە ڕێگای شاری عرعر و سکاکا و حائل کە ڕێگای شاری مەدینەن گەر بتەوێ ئیسراحەت دەکەیت گەر نا دەبێ بانزین تێبکەیت و فەرامۆشی نەکەیت .

7ـ گرنگترین شوێن بۆ بەنزین تێکردن کە نابێ فەرامۆش بکرێ لە دەرەوەی شاری حائل ـە کە لەوێوە تاکو شاری مدینە نزیکی 435 کم ـە هیچ بەنزینخانەیەکی لێ نیە .

8ـ تەواوی ڕێگای نێوانی سنوری عرعر تاکو شاری مدیە نزیکی 1100 کم ـە و بە نزیکی 11 کاتژمێر دەبڕدرێت .

9ـ لە شاری مدینە کە بەرەوە مکە بڕۆیت پێشتر لە چی پی اس بنوسە (میقات ابیار علي) کە نزیکی 20خولەک دورە و لەوێ روکنی یەکەمی عەمرە دەست پێ دەکەیت کە نیەتە و دەچیتە ناو احرامەوە .

10ـ دوای تەواوبونت لە (ابیار علي) لە چی پی اس ناوی ئەو ئوتێلە بنوسە کە لە مەکە بۆت ئامادە کراوە بەرەوە مەکە بەڕێ دەکەوی کە نزیکەی 435 کم ـە ، دواتر کارەکانی تری ناو مەکە ئەنجام دەدەرێ .

11ـ لە ڕێگای مدینە بۆ مەکە خواردنگە و بانزیخانەی زۆری لێیە و پەکت ناکەوێ .

12ـ لەناو شاری مەدینە و مەکە دەتوانی بە ئۆتۆمبێلی خۆت سەردانی شوێنە پیرۆز و مێژوییەکان بکەی بەنوسینی ناوی شوێن لە چی پی اس و گرتنە بەری ڕێگای نەخشەکە .

13ـ لەگەڕانەوەش بۆ ووڵاتی خۆت بەهەمان جۆر و دوری و ڕێنماییەکان ... .

تێبینــــــی :
1ـ هەموو جۆرێکی ئۆتۆمبێلی [تایبەت] (هەر ڕەنگێک و هەر مۆدێل و هەر جۆرێک بێت) ڕێگا پێدراوە بۆ سەفەری ووڵاتی سعودیە .
2ـ هەموو کاتێک 100 $ = لەنێوانی 370 ریال بۆ 376 ریالی سعودیە و جێگیر نیە .

بەهیوای سود بۆ گشت لایەک

هەرکەسێک پرسیای هەبوو یان ڕونکردنەوەی زیاتری ویست ئەوا من لە خزمەتدام بەپێی توانا و بەپێی شارەزایم وەڵام دەدەمەوە ان شاء اللە .

18/12/2024

هـاوسـەرفـرمـان بـن بـۆ گـەشـتـێـکی ئـیـمـانـی
سـلـیـمانـی
07701564456
سـەید سادق 07701981488
پـێـنـجـوێـن 07701360043
تـاسـڵـوجـە 07721069586
دووکان 07719915390

15/12/2024

سـەردانـی کـردنـی عـومرەکـارانـی خـۆشـەویـسـت
بـۆ ئـەشـکەوتـی سـەور و کـێوی عـەرەفـات

12/12/2024

بـاشـتـریـن گـەڕانـەوە
گـەڕانـەوەیـە بـۆ لای خـوا

الـــلـــە گـــیــان
عـومـرەمـان قـبـوڵ بـکـات و
بـیـکات بـەنـسـیـبـی هـەمـوو کەسـێـك

11/12/2024

الحمد اللە عومرە کارانی خۆشەویست
بەڕێ دەکەوین بەرەو شاری مەککەی پیرۆز بۆ بەجێهێنانی عومرە اللە گیان لێمان قبوڵ بکات