https://www.facebook.com/203963870204786/

Advenature, Karada Street, Baghdad (2026)

26/12/2022

انضمولنا برحلات ادفنيجر لليلة رأس السنة ❄️ 🏔

27/09/2022

يوم السياحة العالمي ، خلي ناخذ جولة بثروات بلدنا المدفونة ، عدنا بالعراق سياحة دينية ، آثارية ، و سياحة طبيعية ، و نگدر نسوي بيه كل انواع المغامرات ، و بهذا اليوم انطلاقتنا الجديدة ، بأدفنيچر راح نقدملكم كل النشاطات السياحية الممكنة بالعراق ، و كلنا نعرف انه نمو السياحة مرتبط بالحفاظ على البيئة و الموارد الطبيعية لذلك راح نبلش نسوي مبادرات نتعاون بيها كلنا حتى نحافظ على البيئة و ننمي السياحة ببلدنا .

01/02/2021

الحياة كلش تشبه الطبيعة ، جبال و وديان ، صعود و نزول و حافات ، أول قمة صعدتها بحياتي جانت قبل ١٦ سنة تقريباً ، و بعدها صعدت هواي قمم و نزلت هواي وديان ..

قبل ٣ سنين بس ، بسيارتي الجبلية قررت انه رح ابلش آخذ ناس وياية للأماكن اللي استكشفتها ، لأنه الكل اله الحق أنه يتعرف ع الجمال الموجود ببلدنا ، و اليوم أحب بكل فخر أقدملكم أسطول المتعة و الإثارة و الحماس .

27/09/2020

‏هذه السنة يحتفل العالم ⁧باليوم العالمي للسياحة
تحت عنوان "السياحة والتنمية الريفية" ولأن نعرف الريف العراقي من الممكن ان يقدم الكثير للسياحة بالعراق ، قررنا احنا كمجموعة تشتغل في مجال تطوير السياحة (مشروع بالعطلة ، جمعية حماة دجلة ، منصة وين ، تور الخاتون ، مشروع ادفنيجر ، رحلة حول العراق ، فريق أنقياء التطوعي) نبدي حملة للاحتفال بهذا اليوم ونشتغل سوى بشكل جماعي .
وبدورنا ندعوكم للمشاركة لهذه الحملة عن طريق ارسالكم صورة لسفرة من الريف العراقي او تحجولنا عن قصة صارت وياكم .

المشاركة عن طريق هذا الرابط:
http://bit.ly/RuralIraq2020

24/08/2020

هلاووووووو اصدقائي نفر نفر وين ما كنتوا ..

سنة عايفكم هنا بس اكيد معايفكم بالانستغرام واكيد انتو بالقلب دائما وابدا واتمنى الكل يكونون بخير وتعدي هاي الازمة بأقل الخسائر .

سنة جانت مليانة #متعةاثارةحماس ومدنلحك على الاحداث مالتها يومية ترند جديد واخبار جيدة والعالم كله تغير وادفنيجر حاول قدر الامكان يصمد والحمد لله بقى صامد بس صارت تغييرات اكيد لان كورونا مبقت شي على حاله .

اليوم جانت اكو لقاء حلو لذيذ وخفيف بقناة الرشيد وسولفت عن السياحة الداخلية بالعراق وعن دور ادفنيجر بتطوير هذا القطاع وايضا فرصة علمود الكل يعرف شنو فكرة المشروع وشنو الغاية من عنده.

سويتلكم فديو سريع تشوفون بي كم لقطة من الرحلات السابقة واليحب يطلع على اللقاء كامل يكدر يشوفه على هذا الرابط :
https://www.youtube.com/watch?v=bT-xDUywkro&feature=youtu.be

الفترة الراحت جانت فترة دراسة وبحث عن هواي تفاصيل مثيرة تخص العراق والفترة القادمة ان شاء الله راح تكون تثقيفية ومنوعة وتخص هوايا مواضيع راح اطرق الها لحين ما ترجع الامورلوضعها الطبيعي ونرجع نلعب بالفلوس والي جمعتوا بهاي الفترة راح تصرفوا على الرحلات بس خل ترجع الاماكن السياحية والتنقل يكون متاح بين كل المحافظات واني الكم .

اذا تحبون تشوفون يوميات مثيرة تخص العراق فاكيد تلكوها على الانستغرام :
https://www.instagram.com/advenatureiq/

اذا عجبك الفديو والعودة مال ادفنيجر شاركه مع اصدقائك وكلهم العراق كلشي بي ويرجع بحيله ان شاء الله .

مشتاق لأخباركم وشنو الخلاكم تبقون صامدين بهاي الصفحة المتواضعة ؟؟!!
واذا عدكم اي مقترحات علمود نسويي مواضيع عليها بالفترة القادمة اتمنى تكتبوها بالتعليقات .

#ادڤنيچر #كردستان #العراق #متعةاثارةحماس

#مغامرةالطبيعة #سياحة #اثار #طبيعة

19/08/2019

اكو رسائل وصلت الي انه هاي احجار كلسية مو ثلج واكو منها تكول هاي صور قديمه مو هسة ..
هذا الفديو يبين انه هو ثلج وبالستوريز مال انستغرام ثبتت الرحلة كلها وي التاريخ وشكرا ..
من اربيل وبالتحديد من حدود ايران شوي خبال

17/08/2019

مسااااااء الخير جميعا ..

اغلبكم داخلين كهوف او شايفيها من برة واكيد طبيعة هاي الكهوف تكون صخرية بس انه تكون بنص كهف ثلجي وبشهر الثامن وبالعراق شوية صعبة موووو؟؟!!

واكيد بعد هاي الغيبة عن الفيس بوك لازم ارجع الكم بشي استثنائي وما دام اخر بوست الي جان بنص الشتاء والصور بنص الثلج اليوم رجعتلكم بنص الصيف بس هم بنص الثلج لان يمي الثلج ميخلص ..

ياللة خلصت اجازة العيد والكل سافروا للشمال ولتركيا واكو ناس بقت خطية بالبيوت وشبعانين قهر فاليحب يغور ربعه السافروا خل يحجزون من هسة ويشوفهم الثلج بنص الصيف ومن داخل العراق ..

هاي الصور هي البداية فقط وراح تشوفون السفرات الي صارت خلال الاشهر الماضية قريبا وبشكل استثنائي اكيد وتلكوها على صفحة الانستغرام مثبته على الهاي لايت ..

والراح يسأل هاي وين فالجواب هو اربيل الجميلة في مكان ما؟؟!! وتاريخ الصور هو 16/8/2019

للأستفسار والحجز ارجو ارسال مسج للبيج او الاتصال على الرقم 07724406747..

رابط الانستغرام :
https://www.instagram.com/advenatureiq/

اذا عجبتك البكجرات لتنسى تسوي شير او تضيف اصدقائك للبيج واذا معجبتك الصور يا ربتونس بالحر على سريع محمد القاسم يومية .

#ادڤنيچر #كردستان #العراق #متعةاثارةحماس

#مغامرةالطبيعة

16/01/2019

هلاااااااااااااووو

اغلبكم يتذكر اول صورة من رحت لهذا المكان بشهر الرابع واغلب الصفحات نشروا بوقتها الصور والحمد لله لاقت اعجاب الكثير ..
ومن احدى الاسباب الخلتني اطلق هذا المشروع هو هذا المكان فحبيت اشكره وازوره بأبرد حالاته وخيمنا وي كروب جنوني وبتنا هناك بدرجة حرارة سالب 11تعرفون شنو سالب 11 يعني نريد نسوي العشة نكصكص طماطة تجمد تجيب الخيار يجمد العشا كلة جامد هههههه بسسسسس ادفنيجر ماخذ احتياطاته من ناحية التخييم والبرد اكيييد ..
احب اشكر التاهو لان صعدت بهيج ظروف استنثائية ولوما السلاسل مال تايرات جان احنة ساعتين بس نمشي بنص هذا الثلج الحنين ..

المكان لو انزلة الف صورة اظلمه لان جماليته بالليل وعند الغروب والشروق فدشي فوق الخيال ..
من تسافر برحلة تشبه هاي الرحلات مستحيل راح تنساها وراح تبقى تسولف بيها هوايا وكل التفاصيل راح تلكوها بالهايلايت مال صفحة الانستغرام ADVENATUREIQ..

للأستفسار والحجز ارجو ارسال مسج للبيج او الاتصال على الرقم 07724406747..

اذا عجبتك البكجرات لتنسى تسوي شير او تضيف اصدقائك للبيج واذا معجبتك الصور يا رب يومية تبدل فتيلة للصوبة مالتك ومتدفى طول الشتا.

#ادڤنيچر #كردستان #العراق #متعةاثارةحماس

#مغامرةالطبيعة

14/01/2019

شمس وثلج 💚 و #ادڤنيچر #كردستان #العراق

13/01/2019

مساكم الله بالخير
مكانكم خالي 💚
#ادڤنيچر #كردستان #العراق

Advenature

26/12/2022

27/09/2022

01/02/2021

27/09/2020

24/08/2020

19/08/2019

17/08/2019

16/01/2019

14/01/2019

13/01/2019

Address

Website

Alerts

Shortcuts

Share

Category