دەستەی گەشتوگوزار::Kurdistan Tourism

19/08/2026

15/08/2026

پـــرســەنــامـــە...

“برای بەڕێزم (نەریمان فازڵ)، بەڕێوەبەری پلان دانان و وتەبێژی بەڕێوەبەرایەتی گشتیی گەشتوگوزاری هەولێر، بەناوی خۆم و سەرجەم فەرمانبەرانی دەستەی گەشتوگوزار، سەرەخۆشی و هاوخەمی قووڵی خۆمان ئاراستەی جەنابتان و بنەماڵە بەڕێزەکەتان دەکەین بەهۆی کۆچی دوایی دایکی بەڕێزتان.

لە خودای دلۆڤان داواکارم رۆحی پاکی کۆچکردوو بە بەهەشتی بەرین شاد بکات، ئارامی و دڵنەوایی بە خانەوادەکەتان ببەخشیت و دوا ناخۆشییتان بێت.”

ٳنا للە‌ وٳنا ٳلیە‌ راجعون

ژوان سابیر
سەرۆکی دەستەی گەشتوگوزار

13/08/2026

12/08/2026

دەستەی گەشتوگوزار کار بۆ کەمکردنەوەی رۆتین و زامنکردنی مافی کرێکاران دەکات

رۆژی سێشەممە، ١١ی ئابی ٢٠٢٦، ژوان سابیر، سەرۆکی دەستەی گەشتوگوزار، پێشوازی لە حاکم بڵند محەمەد، بەڕێوەبەری گشتیی تۆماری کۆمپانیاکان و د. مصلح فەتاح، ڕاوێژکار و هەماهەنگیکار لە فەرمانگەی هەماهەنگی و بەدواداچوون، کرد.

لە کۆبوونەوەیەکدا، سەرۆکی دەستەی گەشتوگوزار بە بایەخەوە باسی لە فەراهەمکردنی ئاسانکاریی تەواو بۆ پڕۆژە و بنکە گەشتیارییەکان کرد بە گرتنەبەری میکانیزمی خێرا ڕاییکردنی مامەڵەی خاوەنکاران و کەمکردنەوەی ڕۆتین.

تەوەرێکی تری گفتوگۆکان جەختکردنەوە بوو لەسەر گرنگیی پابەندکردنی سەرجەم دامەزراوە و پڕۆژە گەشتیارییەکان بە جێبەجێکردنی ڕێنماییەکانی دەستەبەری کۆمەڵایەتی، بە ئامانجی پاراستنی مافی یاسایی کارمەندانی ئەم کەرتە.

هاوکات، هەردوو لا هاوڕابوون لەسەر پێویستیی درووستکردنی ئالیەتێکی کارای هەماهەنگی لە نێوان دەستەی گەشتوگوزار، بەڕێوەبەرایەتیی تۆماری کۆمپانیاکان و فەرمانگەی هەماهەنگی و بەدواداچوون، بە مەبەستی گەشەپێدانی بەردەوامی کەرتی گەشتوگوزار.

10/08/2026

وۆرک شۆپی ڕێنمایی پشکنینی گەشتیاری لە هەرێمی کوردستان بەڕێوەچوو

ڕۆژی دووشەممە، ١٠ی ئابی ٢٠٢٦، لە چوارچێوەی هەوڵەکانی دەستەی گەشتوگوزار بۆ دانانی چوارچێوەی یاسایی بۆ چالاکییە گەشتیارییەکان، بە سەرپەرشتی بەڕێوەبەری بەڕێوەبردنی جۆری و پشکنینی دەستەی گەشتوگوزار و بە بەشداری بەڕێوەبەرانی پشکنین لە بەڕێوەبەرایەتییە گشتییەکانی گەشتوگوزار و لیژنەی ڕێنماییەکان، وۆرک شۆپێکی تایبەت بە ڕێنمایی پشکنینی گەشتیاری بەڕێوەچوو.

لە سەرەتای وۆرک شۆپەکەدا، بەڕێوەبەری بەڕێوەبردنی جۆری و پشکنین لە دەستەی گەشتوگوزار پوختەیەکی سەبارەت بە ڕەشنووسی ئامادەکراوی ڕێنماییەکە خستەڕوو. دواتر بەشداربووان بە وردی سەرجەم مادە و بڕگەکانی ڕەشنووسی ڕێنمایی پشکنینی گەشتیارییان تاوتوێ کرد.

شایەنی باسە ئامانج لە دانانی ئەم ڕێنماییانە بریتییە لە ڕێکخستنی پرۆسەی پشکنینی بنکە گەشتیارییەکان، پاراستنی ماف و سەلامەتی گەشتیاران، بەرزکردنەوەی کوالێتی خزمەتگوزارییەکان، و بەهێزکردنی سیستەمی چاودێری.

05/08/2026

05/08/2026

سەرۆکی دەستەی گەشتوگوزار پێشوازی لە بەڕێوەبەری گشتیی بازرگانی کرد

ڕۆژی سێشەممە، ٤ی ئابی ٢٠٢٦، ژوان سابیر، سەرۆکی دەستەی گەشتوگوزار، لە دیوانی دەستە پێشوازیکرد لە نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی و شاندی یاوەری.

لە کۆبوونەوەیەکدا، تەوەرە سەرەکییەکان چڕکرانەوە لەسەر پتەوکردنی هەماهەنگیی نێوان دەستەی گەشتوگوزار و بەڕێوەبەرایەتیی گشتیی بازرگانی و بەڕێوەبەرایەتییەکانی چاودێریی بازرگانی لە پارێزگا و ئیدارە سەربەخۆکان، لەم چوارچێوەیەدا سەرۆکی دەستەی گەشتوگوزار بە بایەخەوە باسی لە ڕێکخستنی نرخ لە کەرتی گەشتوگوزاردا کرد.

هەروەها گفتوگۆ کرا سەبارەت بە داڕشتنی بەرنامەیەک بە مەبەستی بەکارهێنانی زیاتری بەرهەمی ناوخۆیی لەلایەن بنکە گەشتیارییەکانەوە وەک پشتگیرییەک بۆ ئابووریی هەرێم. هاوکات بەڕێوەبەری گشتیی بازرگانی لە وەزارەتی بازرگانی و پیشەسازی، وێڕای گەیاندنی پیرۆزبایی بە بۆنەی دەستبەکاربوونی سەرۆکی دەستە، ئامادەیی تەواوی خۆیشی بۆ هەماهەنگیی هاوبەش و کاری پێکەوەیی دەربڕی.

04/08/2026

بە سەرپەرشتیی سەرۆکی دەستەی گەشتوگوزار؛ کۆبوونەوەیەکی فراوان بۆ هەڵسەنگاندنی کارەکانی دیوانی دەستە بەڕێوە چوو

رۆژی سێشەممە، ٤ی ئابی ٢٠٢٦، بە سەرپەرشتیی ژوان سابیر، سەرۆکی دەستەی گەشتوگوزار، و بە ئامادەبوونی بەڕێوەبەرانی دیوانی دەستە، کۆبوونەوەیەک لە چوارچێوەی بەدواداچوونی بەردەوامی کار و چالاکییەکان بەڕێوە چوو.

لە دەستپێکی کۆبوونەوەکەدا، سەرۆکی دەستەی گەشتوگوزار هەڵسەنگاندنێکی گشتگیری بۆ دۆخی ئێستای کەرتی گەشتوگوزار لە هەرێمی کوردستان پێشکەش کرد و ڕای گەیاند: “ئامانجی سەرەکیی کۆبوونەوەکە، لە نزیکەوە ئاگاداربوونە لە چۆنیەتیی بەڕێوەچوونی کارەکانی بەڕێوەبەرایەتییەکانی دیوانی دەستە، بە مەبەستی بەرزکردنەوەی ئاستی کارایی و خێراکردنی هەنگاوە کارگێڕییەکان.”

دواتر، دەرگای گفتوگۆ بۆ بەڕێوەبەرانی بەشداربوو کرایەوە؛ لەو چوارچێوەیەدا، تیشکیان خستە سەر ئەرک و بەرپرسیارێتییەکانیان، ئاستەنگ و بەربەستە هەنووکەیییەکان، و هاوکات راو و سەرنجی خۆیان سەبارەت بە باشترڕایکردنی کاروبارەکان و رێگاکانی چارەسەرکردنی کێشەکان خستەروو.

لای خۆیەوە، ژوان سابیر پاش هەڵسەنگاندنی سەرنج و پێشنیازەکان، پاڵپشتی تەواوی خۆی بۆ سەرجەم بەڕێوەبەرایەتییەکان دووپات کردەوە و جەختی لەسەر گرنگیی هەماهەنگیی زیاتر و کاری تیمی کردەوە، بە ئامانجی بەرەوپێشبردنی کەرتی گەشتوگوزار و پێشکەشکردنی باشترین خزمەتگوزاری بە گەشتیاران.