07/04/2026
اليوم نريد نحچي شوية بحرگة لا والله مو شوية كلش هواي
ولو ما متطرقين لهاي الامور هنا بالصفحة لان منريد ندخل بهواي تفاصيل لكن اي انسان بسيط من اهلنه من اليوم من يشوف الحالة اللي وصلنه الها رح يكول شنو من بلد هذا عايش على المغذي اللي اذا خلص بأي لحظة يضل يرفس وممكن يموت.
اليوم جار النه داخل بحرب وبيده يكدر يفتح المغذي ويخلينه نعيش ويكدر يسدة ونگوم نرافس وهذا اللي صار بلد معتمد وعايش عالنفط والمضيق مسدود وماكو صادرات او قليله شلون رح يكدر يعيش البلد اللي الرواتب مالته معتمده عالنفط والكهرباء والبانزين والغاز؟
اليوم اكو ازمة وازمة من صدك والحرب لحد هسه ما معلوم ومحد يكدر يتوقع شوكت تنتهي زين بهاي الحالة شنو رح يصير؟
منكول غير حسبنا الله ونعم الوكيل بيكم يا حرامية ويا مزبلة التاريخ انتم وجه ثاني للنظام المقبور لكن معدنكم نفسه، ماخذين خير هذا البلد وكلشي ما قدمتوا اله لا هيبه بين الدول لا مكانه لا رأي ولا جاه... بلد محاصر ومحارب 40 سنه كدر يوكف بوجه اكبر واعظم دول واكثرها دموية واحنه مكدرنه نوكف بوجه ازمة...
دمتم بخير
