كرم عامر إبراهيم

كرم عامر إبراهيم Contact information, map and directions, contact form, opening hours, services, ratings, photos, videos and announcements from كرم عامر إبراهيم, Mosul.

-متحدث وصاحب محتوى مرئي هادف 📺🎤
-مسلم أبحث عن تغيير وتمكين. 💡
-مؤلف لـ 5 كُتب حداثية واقعية. 📖
-هندسة النفس البشرية. ☕
- دكتور صيدلاني سريري ممارس pharm D. 💊
- صحوة ووعي فكري 🧠

11/11/2025

رسالتي لكم ولكل إنسان يبحث عن عمارة الأرض ومصلحة نينوى !!
#الموصل #العراق #تحفيز

11/11/2025

يوم الانتخاب
يوم رسم الطريق ل ٤ سنوات قادمة
أهم انتخابات للعراق بعد ٢٠٠٣
أبدا لا تفوتكم
شارك بتغيير القرار ولو لمرة واحدة
نينوى في أعناقكم

كرم الموصلي
٢٧٢/٣٩

وقبيل الصمت الإنتـ.خابـ.ـي …يا أهل نينوى أوصيكم بما أنتم أهله..اياكم وشهادة الزور …اياكم واختيار الفاسد أو من ليس لديه ب...
07/11/2025

وقبيل الصمت الإنتـ.خابـ.ـي …
يا أهل نينوى أوصيكم بما أنتم أهله..
اياكم وشهادة الزور …اياكم واختيار الفاسد أو من ليس لديه برنامج حقيقي يخدم به المصلحة العامة التي تؤتي ثمرتها الجميع ..
احذروا من الغرباء عنكم …غرباء العقيدة وغرباء التوجه والأخلاق..
مستقبل نينوى بين أيديكم فإما أن تحافظوا عليها وإما أن تتركوا الغرباء ينهشوا من ارضها وثروتها ومستقبل شبابها …

دين نينوى
أخلاق نينوى
مستقبل نينوى
عقيدة نينوى
أرض نينوى
اختياركم يحددها …

كرم الموصلي
قائمة ٢٧٢
تسلسل ٣٩

07/11/2025

أهل نينوى إلى أين؟!

#الموصل #تحفيز

06/11/2025

متلازمة الـ 50 الف تضرب من جديد لكن بصور اخرى !! حالك حال ديج العرب ! انت مبيوع وهو مشوي بالتنور !

تابع معاي هذا المسار حتى تعرف الحقيقة !! من تبيع صوتك لمرشح بـ 50 الف دينار ، تعال شوف شنو راح يصير بيك وبابوك وباولادك باجر :

1- المرشح الي شترى صوتك فاز ، وبكل تأكيد الي يشتري اصوات ،من يفوز لازم يعوض فلوسه . شلون يعوض فلوسه ؟ تعال خلي افهمك .

2- فات المرشح الي صار نائب فاسد لقطاع الصحة، اشترك النائب الفاسد بالتصويت لوزير صحة فاسد مقابل الحصول على اموال لان النائب يريد فلوسه . هوما انطاك 50 الف لوجه الله حتى يخدمك !

3- الوزير الفاسد الي اشترى الوزارة من النائب الفاسد الي بعته صوتك بـ 50 الف همين يريد فلوسه ، فباع مناصب وكلاء الوزراء والمدراء العامين واحال مقاولات قطاع الصحة لشركات فاسدة ومنظومات فاسدة وهذا كله قاد لانهيار جزء كبير من قطاع الصحة .

4- بعد ما بعت صوتك قررت تونس نفسك ونزلت للسوك وشتريت ديج عرب بـ 50 الف حتى تشويه بالتنور عالعشى ، كول الحجية شوت الديج واكلتوا وتونستو الف عافية ... بالليل كاعدين تتعللون وفجأة الحجي الوالد يتخربط ويتغير لونه وصار ازرك .. كول الوالد انجلط الله يحفظه !!

شلته للمستشفى وطبيت للطوارىء ، الطوارىء مابيها اي مقومات طوارىء والمستشفى مابيها اي مقومات مستشفى ،لا بيها ادوية ولا بيها اجهزة ولا بيها عدد اطباء وممرضين كافي . وين راحت الادوية والاجهزة ؟ اني اكلك وين راحت !!

5- راحت لجيب المقاول الفاسد الي اشترى المستشفى من الوزير الفاسد الي صار وزير بسبب النائب الفاسد الي انتخبته وبعته صوتك انت بـ 50 الف دينار حتى تتعشى بالليل ديج عرب !!

6 - ابوك وين بنص هالهوسة ؟! ابشرك ابوك مات وشبع موت لان جهاز الصدمات الكهربائية والانعاش القلبي عاطل بالمستشفى الي باعها الوزير الحرامي .

7- نفس هذا النائب الحرامي والوزير الحرامي من ينجلط ما يموت مثل ابوك ، تعرف ليش ؟ لان يروح لمستشفى اهلي او يسافر خارج العراق يتعالج بالفلوس الي حصلها من السلطة الي انت وصلته الها من بعت صوتك !

عوف هذا الموضوع يضوج شوية ، خلي نروح لغير موضوع :

بعت صوتك لمرشح فاسد ، فاز المرشح الفاسد ، المرشح الفاسد صار نائب ويريد يرجع فلوس الحملة ، صوت النائب الفاسد لوزير تربية فاسد ،وزير التربية الي شترى الوزارة ، يريد يرجع فلوس الوزارة ، باع مطابع المناهج تفصيخ وبعدها صفوف مدارسنا بيها 50 و 60 طالب بنفس المكان هاي اذا ما كانت المدرسة طينية ومابيها لاتبريد ولا تدفئة ولا معلمين !

شنو الي صار هنا ؟ ابنك ما تعلم تعليم صحيح ، فشل بالمدرسة وبطل منها بصف خامس ابتدائي ، او خلي نكول تحدى الظروف ونجح وتخرج من الجامعة ، بس ابنك راح يكون ولا شيء بنظام عالمي ما بعد يتعامل مع مخرجات تعليم متخلفة بظل مؤسسات تعليم بدأت تعتبر الذكاء الاصطناعي جزء من مناهجها .

ابنك وين هسه ؟ ابنك شخص بائس غير قادر على ايجاد فرصة عمل تليق بيه وبمستقبله لان انت الي بعت المدرسة للفاسد وبعت ابنك على مود ديج العرب .

ابوك وين ؟! ابوك صار جوا التراب لان انت بعت المستشفى بتصويتك لنائب فاسد حتى تتعشى ديج عرب !

نفس هالفكرة اسحبها على قطاعات ثانية مثل الزراعة والصناعة والتجارة والامن والسياسة الخارجية وغيرها راح توصل لنفس النتيجة ويمكن اتعس !!

بالمناسبة هذا الموضوع نفسه ينطبق على الشخص الي يصوت لابن عمه لانه ابن عمه فقط حتى لو حرامي ، وينطبق على الي يصوت للشيعي لانه شيعي حتى لو حرامي وللسني لانه سني حتى لو حرامي .

وبكيفك بعد ،تريد تبيع نفسك ، تفضل بيع وراح تتذكرني بالمستشفى من ينجلط الشايب ويموت ومن ابنك يطلع متخلف لان ماكو مدرسة علمته صح ! والبقية يمك .

القصة مقتبسة من دولة موزمبيق الشقيقة وليس لها علاقة بواقعنا العراقي .

بالمناسبة ديج العرب بـ 50 الف صار ، وانت وابنك وابوك ومستقبلك وبلدك سعركم 50 الف !

شاركها لعلها تصحي النايمين بلكت يستحون ويستلحكون نفسهم ويستلحكون دولة موزمبيق الي دتضيع والي تساوى بيها سعر البشر مع سعر ديج العرب !

05/11/2025

كرم عامر الموصلي
قائمة ٢٧٢
تسلسل ٣٩

05/11/2025

رسالة إلى جيل التسعين وما بعده

يا جيل التسعين… يا أبناء المرحلة الأصعب، أنتم الذين وُلدتم على أنقاض الحروب، وكبرتم وسط الأزمات، وفتحتم عيونكم على واقعٍ مرتبكٍ بين الماضي والحاضر. جيلٌ ذاق مرارة الحصار، وعايش الانكسار، لكنه رغم كل ذلك لم ينكسر.
أنتم من صنعتم بدايات الحياة من جديد، ومن حملتم المسؤولية باكرًا، فكنتم العمود الفقري لكل بيت، والمحرك الحقيقي في كل ميدان.

أنتم الجيل الذي تعلم كيف يعيش بالقليل، ويُفرح أهله بابتسامة رغم التعب، ويبحث دائمًا عن وطنٍ لا يخذله. واليوم… أمامكم فرصة لصناعة واقعٍ أجمل، لا بالكلام ولا بالتذمر، بل بالفعل، لأن من لا يسعى للتغيير يصبح جزءًا من الجمود.

جيل التسعين… هذه لحظتكم. لا تسمحوا لأحد أن يكرر أخطاء الماضي، ولا تقولوا “ماكو فايدة”، فأنتم الفايدة نفسها.
أنتم القادرون على بناء غدٍ مختلف، إذا اخترتم الصدق والإصرار طريقًا، وإذا دعمتم من يشبهكم في الوعي والإخلاص، من يعيش نبضكم ويفهم لغتكم وآمالكم.

أنتم لستم مجرد جيلٍ مرّ على الأزمات، بل جيل التجربة والوعي والتحدي.
اجعلوا حضوركم هذه المرة مختلفًا…
اعملوا، غيّروا، طالبوا، وازرعوا الثقة في من حولكم.
فالتغيير لا يبدأ من القوانين ولا من الكلمات، بل من الإنسان الذي يقرر أن يقول:
كفى… وحان وقت الوعي.
#الموصل #العراق #تحفيز #اصلاح

قائمة المشروع العربي ٢٧٢
تسلسل ٣٩

03/11/2025

معركة وعي ومعركة وجود ومعركة ثبات
كرم عامر الموصلي
قائمة ٢٧٢
تسلسل ٣٩

01/11/2025

جيل التغيير والانتخابات
كرم الموصلي
قائمة ٢٧٢
تسلسل ٣٩

30/10/2025

الانتخابات ، فماذا نفعل ؟!
#الموصل #تحفيز #العراق

Address

Mosul

Website

Alerts

Be the first to know and let us send you an email when كرم عامر إبراهيم posts news and promotions. Your email address will not be used for any other purpose, and you can unsubscribe at any time.

Shortcuts

Share