Presthvammur - Laxá í Aðaldal

27/05/2019

Veiðin í Presthvammi fer gríðarlega vel af stað, og veiddist meðal annars glæsilegur 71 sm urriði þar fyrir nokkrum dögum. Veiðin hefur verið í bland á púpur, staumflugur ásamt emerger eftirlýkingum og hafa tökurnar á emergera verið alveg stórkostlegar. Vatnsh*tinn hefur sveiflast lítið við lofthitabreytingar og hefur veiðin bæði verið góð á köldu dögunum í Norðanáttinni og blíðunni sem var í byrjun hjá okkur.

22/05/2018

Þá er veiðin á Presthvammi 2018 hafinn með látum en hér er hægt að sjá lausa daga í Presthvammi í sumar https://presthvammur.is/?page_id=2.

22/05/2018

11/04/2018

Þá er ný heimasíða fyrir Presthvamm komin í loftið, en þar er einnig hægt að sjá lausa daga í ánni í sumar.

Presthvammur er austurbakki efsta hluta urriðasvæðanna neðan virkjunnar í Laxá í Aðaldal. Mjög skemmtilegt fjölskyldusvæði með mikilli náttúrufegurð og hreint frábært þurrflugusvæði þegar veður leyfir.

25/06/2017

Fín fyrri vakt í hjá okkur núna. 7 fiskum landað, mjög mikið af tökum og þeir rjúka á allt í dag.

06/06/2017

Veiðin í Presthvammi er heldur betur góð þessa dagana, en hver hópurinn á fætur öðrum er að landa tugum fiska.

24/05/2017

Presthvamms veiðin hefur farið vel af stað og eru komnir 58 uriðar og 1 bleikja á land síðan veiðar hófust. Hér eru nokkrar myndir úr veiðinni uppá síðkastið. Hér er hægt að skoða lausa daga í Presthvammi.

21/05/2017

Þá er veiðin hafin í Presthvammi. Opnunardagurinn var vægast sagt frábær. Sól og blíða og talsverður hiti, stundum var óskað eftir nokkrum skýjum til að fá smá kælingu. Það hjálpaði reyndar til að áin er enn talsvert köld og því ágætt að vaða út í til að fá kælingu. Vatnsmagnið er bara nokkuð passlegt, í raun svipað og jafnan er seinnipartinn í júní. Veiðihöllin var tekin í gegn og er klár fyrir veiðimenn. Þessi fyrsti veiðidagur var eiginlega hraðferð yfir flesta veiðistaði og ekki stoppað lengi við hvern stað. Stuttur tími fór því í eiginlega veiði. Þrátt fyrir það veiddust 8 vænir urriðar, flestir 50-60cm, feitir og greinilega mjög vel haldnir eftir mildan vetur. Þeir voru tregir að taka við púpum en stukku flestir á þungan streamer, og gerðu það með látum. Mjög sprækir og skemmtilegir að fást við. Gleðilegt veiðisumar.