22/10/2025
Kæru vinir
Veturinn er farinn að minna aðeins á sig og var verkefni dagsins mjúk lokun á Fjarðarheiði fyrir Vegagerðina, en þá stöndum við vaktina við lokunarpósta og ræðum við vegfarendur upplýsum þá um ástand vegarins og ráðleggjum þeim um hvort ferð skuli haldið áfram eða ekki miðað við útbúnað bifreiða þeirra, erfið færð var á Fjarðarheiði í dag vegna hálkuaðstæðna og um 40-50 vanbúnir bílar ákváðu að leggja ekki á fjallið og bíða af sér veðrið, ferjan Norræna kom til hafnar í dag og því líklega mun fleiri en snéru við hjá okkur sem eru strand á Seyðisfirði vegna færðar á Fjarðarheiði. Það er ekki spennandi veður framundan og því hvetjum við fólk til að kynna sér færð á www.umferdin.is og veður á www.vedur.is áður en lagt er í ferðalög næstu daga. Gul hríðarviðvörun tekur gildi í nótt og því gott að kynna sér aðstæður áður en lagt er af stað.
