Helstu verkefni félagsins eru rekstur gistiskála, skipulagning ferða og gerð göngukorta. Félagið skipuleggur á hverju ári ferðir fyrir félagsmenn og birtist áætlun yfir þær í ferðaáætlun Ferðafélags Íslands og á heimasíðu félagsins www.fljotsdalsherad.is/ferdafelag
Ferðafélag Fljótsdalshéraðs á og rekur s*x gistiskála. Sá nýjasti þeirra er í Loðmundarfirði og er hann eins og skálarnir í Breiðuvík
og Húsavík rekinn í samstarfi við ferðamálahópinn á Borgarfirði eystra. Einnig á Ferðafélag Fljótsdalshéraðs ásamt Ferðafélagi Húsavíkur, Sigurðarskála í Kverkfjöllum. Félagið hefur gefið út gönguleiðakort fyrir Fljótsdalshérað, Jökudalsheiði, Út Hérað og Vopnafjörð, nágrenni Snæfells og nágrenni Kverkfjalla. Kortin fást í skálunum, á upplýsingamiðstöð ferðamála á Egilsstöðum og víðar. Þar er einnig hægt að fá gönguleiðakort af Víknaslóðum ásamt lýsingum á gönguleiðum. Ferðafélag Fljótsdalshéraðs er með tvö spennandi verkefni í gangi, annars vegar Perlur Fljótsdalshéraðs og hins vegar Heiðarbýlin í göngufæri.
