Leiðsögn um Norðurland vestra og Vestfirði
Kristín Sigurrós Einarsdóttir
Grundarstíg 12, 550 Sauðárkróki
Sími: 867-3164 netfang: [email protected]
________________________________________
Ágæti viðtakandi! Með bréfi þessu langar mig að kynna þjónustu sem ég bíð upp á í formi leiðsagnar um Norðurland vestra og Vestfirði. Vorið 1997 útskrifaðist ég frá Farskólanum – miðstöð símenntunar á Norðurland
i vestra sem svæðisleiðsögumaður á Norðurlandi vestra og vorið 2011 frá Fræðslumiðstöð Vestfjarða sem svæðisleiðsögumaður á Vestfjörðum. Í fyrra flutti ég svo aftur í Skagafjörð eftir 17 ára fjarveru og hef nú hug á að nýta þessa þekkingu mína á svæðunum, en auk leiðsagnar hef ég unnið við fjölmiðlun og kennslu og tekið þátt í menningarlífi og hef því nokkuð yfirgripsmikla þekkingu á stöðunum.
Í sumar hef ég ásamt Sigrúnu Fossberg boðið upp á fastar gönguferðir kl 20:30 á kvöldin frá Sauðárkrókskirkju. Ferðirnar taka um einn og hálfan tíma og er boðið upp á leiðsögn á íslensku og ensku. Nýlega barst mér liðsauki, en Sigrún Fossberg á Sauðárkróki mun þróa þessar ferðir með mér og leiðsegja ásamt mér. Sigrún hefur tekið að sér leiðsögn fyrir Minjahúsið á Sauðárkróki. Hún hefur staðarvarðaréttindi frá Háskólanum á Hólum og er auk þess í meistaranámi í safnafræðum við HÍ.
Í vetur munum við bjóða upp á ferðir með leiðsögn fyrir hvers kyns hópa, svo sem starfsmannafélög, saumaklúbba, hvatahópa, viðskiptaheimsóknir, bændur, kóra, eldri borgara og hvaðeina. Einnig hef ég áhuga á að bjóða fram krafta mína í aðrar ferðir, svo sem lengri eða skemmri rútuferðir, og ferðir með fyrirtæki, hópa og félagasamtök. Ég hef einnig nokkra reynslu af veislustjórn og viðburðastjórnun og ef hópnum sýnist svo get ég tekið slíkt að mér. Loks hefði ég, í samvinnu við aðra ferðaþjónustuaðila eða þá sem við á, áhuga á því að skipuleggja pakkaferðir á eða um svæðið. upp í hugann handverksferðir, bókmenntaferðir, jarðfræðiferðir, menningarferðir eða heilsutengdar ferðir, svo eitthvað sé nefnt.
Þar sem reynsla mín af leiðsögn fyrir vestan, og þá einkum á Ströndum, sýnir að flestar fyrirspurnir og verkefni hafa borist í gegnum aðra ferðaþjónustuaðila á svæðinu, leyfi ég mér að senda ykkur þetta bréf í kynningarskyni og með von um gott samstarf í framtíðinni. Með vinsemd og virðingu
Kristín Sigurrós Einarsdóttir
Svæðisleiðsögumaður
Sími: 867-3164
Netfang: [email protected]
