07/08/2026
Tilkynning: Hafrannsóknastofnun í selatalningum með flugdrónum.
Hafrannsóknastofnun í samstarfi við Selasetri Íslands vill koma þeim upplýsingum á framfæri að starfsmenn stofnunarinnar munu á næstu vikum verða við talningar á landsel með ströndum á Norðvesturhorni landsins og í Faxaflóa með flugdrónum. Talningar á sel við landið fóru áður fram frá flugvélum en þess er vænst að hægt sé að hörfa frá því og að drónar geti leyst flugvélar af í þessum tilgangi.
Fyrir norðvestan land munu starfsmenn Hafrannsóknunnar dekka svæðið frá Ströndum allt austur að Siglufirði á tímabilinu 20. júlí til 30. ágúst. Drónanum er flogið með ströndinni og út í nálæg sker og eyjar til að taka myndir af selum . Þar sem dróninn hefur takmarkað flugþol þurfa stjórnendur hans að vera sem næst ströndinni og færa sig milli staða í sífellu.
Jafnframt þessu flugi fyrir norðvestan land mun fyrirtækið Svarmi ehf vera við drónaflug í sama tilgangi fyrir Hafrannsóknastofnun kringum Faxaflóa á tímabilinu 20. júlí til 5. september. Það svæði afmarkast af Reykjanestá í suðri og Svörtuloft í norðri. Sömu forsendum er fylgt þar og lýst er að ofan.
Óskað er eftir því að starfsmönnunum sé sýndur skilningur og tillitssemi við þessi mikilvægu störf þeirra. Til að lágmarka truflunum er lagt er upp með að fljúga í 100 m hæð, og forðast að fljúga drónanum yfir hús og búfénað í flugi til og frá ströndinni. Frekari upplýsingar um tilgang verkefnisins má sjá í nýlegri frétt á vef stofnunarinnar (https://www.hafogvatn.is/is/midlun/frettir-og-tilkynningar/stofnmat-a-landsel-ad-hefjast-med-dronum).
Sé óskað eftir frekari upplýsingum um talningarnar má hafa samband við Söndru M. Granquist, verkefnisstjóri, sími: 847 2188 ([email protected]) eða Guðmundur J. Óskarsson, sviðsstjóri Uppsjávarsviðs, sími: 699 8682 ([email protected]).
