ÍSOR - Iceland GeoSurvey

14/09/2026

Jarðhiti snýst ekki um áhættu heldur stöðugleika. Árni Magnússon forstjóri ÍSOR var gestur á Budapest Geothermal Energy ráðstefnunni sem hófst í dag í fjórða sinn þar sem rauði þráðurinn að þessu sinni eru tækifæri Evrópu til aukinnar nýtingar jarðhita, áskoranir og úrlausnarefni. Árni ræddi um reynslu íslendinga á þessu sviði og hvað Evrópa gæti lært frá því, bæði sigrum og ósigrum.
Meginskilaboð Árna voru að umræðan um nýtingu jarðhita ætti ekki að snúast um áhættu, eins og stundum er, heldur stöðugleika.
Stöðugleika út frá öryggi, eignarhaldi og aðgengi að staðbundnum auðlindum, stöðugleika í umhverfismálum, tækni, dreifingu, afhendingu, gæðum og verðlagningu.
Árni ítrekaði enn fremur að íslensk fyrirtæki eru áhugasöm um frekara samstarf í Evrópu sem hefur gríðarleg, ónýtt tækifæri til nýtingar jarðhita.
Raforka framleidd með jarðhita uppfyllir einungis 0,2% af raforkuframleiðslu álfunnar og einungis 0,7% af framleiðslu á heitu vatni og því eru tækifærin mikil ekki síst í beinni nýtingu jarðhita til hitaveitu, landbúnaðar og iðnaðar.

Umfjöllun CE Energy News eftir erindi Árna má lesa í fyrstu athugasemd.

25/08/2026

Hvernig er gufa mæld sem streymir upp úr jörðinni?

Á Þeistareykjum takast sérfræðingar ÍSOR á við ýmis áhugaverð mælingaverkefni , þar á meðal að mæla gufuflæði úr hverum. Slíkar mælingar gefa okkur mikilvægar upplýsingar um virkni jarðhitasvæðisins og það sem á sér stað undir yfirborðinu.

Vísindin fara nefnilega ekki alltaf fram inni á rannsóknarstofu.

Í síðustu viku hélt hópur starfsmanna ÍSOR norður í land í árlega ferð til að kortleggja og vakta yfirborðsvirkni á jarðhitasvæðum sem Landsvirkjun nýtir á Norðausturlandi, í Námafjalli, Kröflu og á Þeistareykjum.Að þessu sinni voru það Finnbogi, Teitur, Alexandra og Gau...

11/08/2026

Mjög góður árangur náðist um helgina þegar borun nýrrar vinnsluholu fyrir Hitaveitu Kílshrauns í Áshildarmýri lauk. Holan er 792 m djúp og vatnið um 80°C og benda fyrstu niðurstöður til að taka megi 50L á sekúndu úr henni með dælingu. Jarðfræðingar ÍSOR Auður Agla Óladóttir og Sigurður Garðar Kristinsson staðsettu holuna en ÍSOR hefur komið að jarðhitaleit á svæðinu frá upphafi.
Árangurinn sýnir vel hversu miklu markviss og kerfisbundin jarðhitaleit getur skilað, jafnvel þar sem engin sýnileg merki um jarðhita eru á yfirborði.

Borun nýrrar vinnsluholu fyrir Hitaveitu Kílhrauns í Áshildarmýri á Skeiðum lauk um helgina með mjög góðum árangri. Holan gefur um 80°C heitt vatn og fyrstu niðurstöður benda til mikillar afkastagetu. Jarðfræðingar ÍSOR staðsettu holuna, en stofnunin hefur komið að jarðhitale...

05/07/2026

Starfsfólk ÍSOR við störf víðsvegar þessa dagana bæði á sjó sem og á landi🌍

Athugun á gerð hafsbotnsins milli Vestmannaeyja og fastalandsins er viðfangsefni vísindamanna ÍSOR og fleiri sem næstu vikurnar verða við störf um borð í sjómælingabáti Landhelgisgæslunnar, Baldri. Þessi vinna er hluti af þeim rannsóknum sem nú eru…

02/07/2026

Það var ánægjulegt að taka á móti Jóhanni Páli Jóhannssyni, umhverfis-, orku- og loftslagsráðherra og föruneyti hans í dag.
Heimsóknin tókst afar vel og gafst okkur gott tækifæri til að ræða möguleg framtíðarverkefni ásamt því m.a. að fræða gesti okkar um þróun og notkun skriðtengja ÍSOR. Farið var í leiðangur í Tónahvarfið þar sem ráðherra skoðaði tækjakost okkar og kynnti sér búnaðinn sem við nýtum í daglegum rekstri.
Við þökkum Jóhanni Páli Jóhannssyni og föruneyti hans kærlega fyrir komuna og ánægjulegar samræður. Við hlökkum til áframhaldandi samstarfs og góðra samskipta.

30/06/2026

ÍSOR kemur víða við og nú er að hefjast nýr kafli í okkar sögu.
Í dag halda sérfræðingar ÍSOR til hafs um borð í sjómælingaskipinu Baldri, ásamt erlendum sérfræðingum, þar sem hafsbotnsrannsóknir vegna fyrirhugaðra Eyjaganga eru að hefjast.
Verkefnið er unnið fyrir Eyjagöng ehf. og markar mikilvæg tímamót í starfsemi ÍSOR.
Við rannsóknirnar er í fyrsta sinn á Íslandi notaður sparker-endurkastmælir, háþróaður rannsóknarbúnaður sem gerir kleift að kortleggja jarðlög undir hafsbotni með mikilli nákvæmni.
Tækið var keypt af átta innlendum stofnunum með stuðningi RANNÍS og verkefnið í Vestmannaeyjum er jafnframt fyrsta vettvangsverkefni þess.
Rannsóknirnar eru skref í öflun gagna sem geta nýst við mat á mögulegri jarðgangatengingu milli lands og Vestmannaeyja.

🔗Sjá frétt um jómfrúarferðina í fyrstu athugasemd.

26/05/2026

Starfsmenn ÍSOR voru við segulmælingar með flygildi á Patreksfirði og næsta nágrenni fyrir helgi. Markmið mælinganna var að fá skýrari mynd af legu bergganga og sprungna á svæðinu, til viðbótar við það litla sem kortlagt hefur verið á yfirborði á þessu svæði.
Þær upplýsingar sen fengust með hjálp flygildisins mun nýtast við frekari jarðhitaleit og staðsetningu næstu borholna á svæðinu. Það hafa orðið hraðar framfarir í drónatækni á síðustu árum sem hefur skapað nýja möguleika í jarðvísindalegum rannsóknum. ÍSOR hefur í um það bil áratug nýtt þessa tækni við segulmælingar, fyrst og fremst til kortlagningar innskotabergs (bergganga) á lághitasvæðum, en auk þess hefur ÍSOR nýtt flygildin í tengslum við jarðkönnun vegna umbrota í Grindavík og til greiningar á segulmögnun (og afsegulmögnun) bergs á háhitasvæðum.

Sjá frétt í fyrstu athugasemd.

24/04/2026

🌍 Samstarf Kenía og Íslands í jarðhitaþróun – fræðslukaffi á vegum ÍSOR.

ÍSOR blæs til fræðslukaffis til að halda upp á samstarf Kenía og Íslands í jarðhitaþróun.
Starfsmenn GDC í Kenía fara yfir verkefni sem þau eru með í þróun, m.a. á Menengai, Suswa og Baringo.
Málfríður hjá Jarðhitaskólanum mun fara yfir starfsemi og mikilvægi þjálfunar Jarðhitaskólans í Kenía.

Viðburðurinn er í tilefni þess að Hilary Mwawasi, Loice Kipchumba, Moses Chemeitoi og Isaac Simat, frá GDC eru í þjálfun á Íslandi sem er hluti af verkefni sem ÍSOR, Vatnaskil, Intellecon og Verkís hafa unnið með þeim undanfarin misseri.

Allir sem hafa áhuga á samstarfi Kenía og Íslands eru velkomin.

📅 Þriðjudagur 28. apríl kl. 15
📍 Urðarhvarf 8 (eða á Zoom)

Sjá nánar um viðburðinn: https://fb.me/e/6sqbXdMhg

Hér er hlekkur til að taka þátt í gegnum Zoom:
https://us06web.zoom.us/j/84884864605?pwd=dytuFdpp5qlOMYbSbxt4ZnleFk0BwJ.1

Meeting ID: 848 8486 4605
Passcode: 074653