11/06/2026
Ert þú aðili að Visit Reykjavik - Markaðsstofu Höfuðborgarsvæðisins?
Nú stendur yfir tilnefningartímabil fyrir Höfuðkraft 2026 — viðurkenningu Markaðsstofu höfuðborgarsvæðisins fyrir fyrirtæki sem eflir ferðaþjónustuna á svæðinu og hefur jákvæð áhrif á nærumhverfi sitt. Aðildarfélagar Markaðsstofunnar geta sent inn tilnefningu til og með 12. júní. (Á MORGUN! :))
Ertu til í að kjósa okkur? 🙏 ☺️
Your Friend In Reykjavík hefur frá stofnun 2014 byggt upp ferðaþjónustu sem setur höfuðborgarsvæðið sjálft í aðalhlutverk. Hugmyndin er einföld: að taka á móti gestum eins og vinur myndi gera — og sýna þeim Reykjavík eins og heimafólk upplifir hana.
Fyrirtækið hefur þróað fjölda einstakra ferða sem eiga sér enga hliðstæðu og bjóða gestum nýtt sjónarhorn á land og þjóð.
Sagnahefðin er rauði þráðurinn í öllu okkar starfi:
í Walk with a Viking er saga Íslands sögð frá landnámi til dagsins í dag á götum miðborgarinnar, um leið og gestum er bent á áhugaverða staði fyrir mat, drykk og verslun í leiðinni. Draugagöngur og þjóðsagnaferðir vekja íslenska þjóðtrú til lífsins, og Reykjavík CatWalk — ferð sem varð til þegar leiðsögumaður fór að kynna kettina sína fyrir gestum — er orðin ein af þekktustu upplifunum borgarinnar. Matarferðirnar fara svo með gesti á milli veitingastaða, bakaría og smáframleiðenda þar sem hver biti á sér sögu.
Þannig verður borgin sjálf að sögusviði og gestir kynnast Reykjavík sem lifandi samfélagi, ekki bara áfangastað.
Þetta starf hefur bein og jákvæð áhrif á nærumhverfið.
Fyrirtækið vinnur náið með veitingastöðum, handverksfólki og smáframleiðendum á höfuðborgarsvæðinu og beinir tekjum ferðamanna inn í lítil og meðalstór fyrirtæki í borginni. Leiðsögumennirnir eru heimafólk sem gengur um göturnar daglega og eru í senn andlit fyrirtækisins og sendiherrar borgarinnar.
Your Friend In Reykjavík er Travelife Partner og hefur hlotið alþjóðlegar viðurkenningar fyrir nýsköpun í upplifunum, m.a. THA-verðlaunin fyrir bestu fræðsluupplifun ársins (Walk with a Viking) og Scandinavian Outdoor Award fyrir Reykjavík CatWalk. Yfir 9.000 umsagnir gesta endurspegla þá hlýju, fagmennsku og persónulegu þjónustu sem fyrirtækið stendur fyrir — og þá mynd af Reykjavík sem gestir taka með sér heim: borg sem tekur á móti þér eins og sannur vinur eða vinkona.
https://docs.google.com/forms/d/1ypAvIihhWuIzsaRIUWqhDRNskapJ-GhFdU40Mkum2GI/viewform?edit_requested=true
This link will take you to a page that’s not on LinkedIn
