17/08/2026
Fiðrildaferðir eru komnar úr frábærri ferð í Hlöðuvík á Hornströndum þar sem 16 manna hópur dvaldi í 4 nætur.
Hlöðuvík er ótrúlega magnaður staður, náttúrufegurð og kyrrð, tignarleg fjöll vaka yfir öllu og horft er út á hið víðfeðma Atlantshaf.
Þar upplifðum við sólmyrkvann, gengum yfir í Hælavík og heimsóttum tóftir bæjarins þar, fundum fornleifar (meira um það síðar).
Þá var gengið í Kjaransvík, selalátur skoðuð og sumir brugðu sér í sjóinn.
Undir húsunum dvaldi refafjölskylda, refirnir forvitnir, leitandi að mat en þeim má ekki gefa mat, enda eiga þeir að bjarga sér sjálfir. Magnað að fylgjast með yrðlingumum skottast og leika sér í móanum. Sumir kúrðu við pallinn og lögðu sig!
Veður var eins og best var a kosið, sól.og blíða, meinlætisveður og svo rigning.
Víkin kvaddi okkur með sól og nánast lygnum sjó.
Svo var auðvita borðaður góður matur og spjallað og skeggrætt um lífið og tilveruna.
Ekkert net né símasamband er á staðnum, þvílíkt frelsi!
Ferðin var skipulögð í samvinnu við Bjarney Ludviksdottir sem er öllum hnútum kunnug, enda ættuð frá svæðinu.
Ferð árið 2027 er komin á áætlun, við munum kynna hana fyrir ykkur þegar þar að kemur.
