26/05/2026
Þakkarbréf
Fyrir hönd skipuleggjenda vill undirritaður koma fram þakklæti til allra þeirra fjölmörgu sem komu að sjávarréttahátíðinni Matey Seafood Festival á einn eða annan hátt og þeim er einnig þakkað þeim sem aðstoðuðu en eru ekki nafngreindir sérstaklega hér. Gestum hátíðarinnar er þakkað vel fyrir komuna og þátttökuna. Visit Vestmannaeyjar Ferðamálasamtök Vestmannaeyja (https://www.visitvestmannaeyjar.is/ ) halda hátíðina og eru stjórn Ferðamálasamtakanna í Eyjum færðar sérstakar þakkir fyrir gott samstarf.
Gestakokkunum, Hákoni Má Örvarssyni, Vilhjálmi Sigurðarsyni, Gústavi Axel Gunnlaugssyni ásamt starfsfólki veitingastaðanna, GOTT, NÆS veitingastaður, Einsi Kaldi , Tanginn og Kráarinnar er þakkað þeirra framlag að bjóða upp á frábærar veitingar úr sjávarfanginu í kringum Eyjar.
Ísfélag hf., Vinnslustöðin hf. og LAXEY er þakkað fyrir að útvega sjávarfang hátíðarinnar. Ölgerðin Egill Skallagrímsson fyrir Ísafold Gin í MATEY kokteilana.
Eyjafréttir.is, Tígulll, Eyjar.net, Veitingageiranum, mbl.is , RÚV
Morgunblaðið stóðu sig vel í að upplýsa fólk um það sem var að fara að gerast og í gangi og facebook hópar eins og Eyjamenn, Heimaklettur og aðrir Eyjamenn miðluðu upplýsingum um hátíðina og fyrir þetta ber að þakka.
Sæþór Vídó sá um uppsetningu matseðla. Sighvatur Jónsson sáum útvarpsauglýsingar og Sindri Freyr hjá Salt um birtingar. Biggi Nielsen er höfundur hljóðstefs hátíðarinnar og Natali og Slava útveguðu myndefni frá fyrri hátíðum. Ingibjörg Grétarsdóttir aðstoðaði við skipulagningu og framkvæmd hátíðarinnar. ÓJ&K-ÍSAM útvegaði kokkagalla og Maggi skó merkti kokkagallana
Íslandsstofa sá um komu upptökufólks til Eyjanna og eru þeim færðar sérstakar þakkir fyrir og félögum í ferðamálasamtökum sem sáu um uppihald, mat, drykki og afþreyingu fyrir þetta fólk hér. Höldur / Bílaleiga Akureyrar útvegaði okkur bíl fyrir fjölmiðla og gestakokka til þess að tryggja að gestir okkar gætu komist hratt og vel á milli þess fjölbreytta sem Eyjan okkar hefur uppá að bjóða. Og Herjólfur sá um flutning milli lands og Eyja.
Ljósmyndarinn Karl Petersson tók myndir af réttum hátíðarinnar og af gestakokkunum og heimsóknum fjölmiðlafólks. Ölgerðin útvegaði Ísafold Gin í MATEY kokteilana., Brothers Brewery bruggaði bjór í tilefni hátíðarinnar.
Hótel Vestmannaeyjar Westman Island Villas and Apartments útveguðu gestakokkum og fjölmiðlafólki gistingu og er þeim færðar sérstakar þakkir fyrir.
Um gestina þá var vel hugsað og eftirtaldir aðilar lögðu sitt af mörkum í veitingum og afþreyingu, Einsi kaldi, Gott, Næs, Vigtin Bakhús handverksbakarí, Kráin, , Volcano ATV , Ribsafari.is , SeaLife Beluga Sanctuary, Eldheimar , o.fl. o.fl.
Þúsund þakkir til ykkar allra fyrir vel unnin störf og líka ykkar hinna sem ekki var minnst á.
Sérstakar þakkir eru færðar Gísla Matthíasi Auðunssyni sem var ásamt undirrituðum í framkvæmdaráði Mateyjar.
Með vinsemd og virðingu
Frosti Gíslason, verkefnisstjóri MATEY Seafood Festival 2026
