30/03/2018
A SULITA'
Sta sira sientu,dda, vicinu a Santu Vitu.
botti di tamburina, cu i cordi sdillintati,
cani c'abbaianu, a tipu contracantu;
chianti accannati di carusi nichi,
e u sbattiri di porti, e cu primura.
E poi si vidi na fila longa longa,
china di lumiricchi acculurati,
cunturnata di scrusciu di catini, e di
tanti trocculi agitati.
E u cantu di li fimmini è stridenti:
c'è l'Ecce Honu, u Crucifissu
e l'Urna, e li frateddi ncappucciati,
e tanti ciuri: a zagara sturdenti, e poi
iniestri gialli gialli, cu ciaru azzianti;
l'Addulurata Gnura,di nivuru vistuta,
cu lu duluri pi ddu Figghiu mortu;
e l'omimi chi vannu a unu a unu,
purtannu lumiricchi acculurati.
C'è scrusciu di catini, cu i fimmini pinanti,
i pedi scausi e u ciauru da cira fumiganti.
E' a Sulità: cu canti addulurati, cu ciuri
d'ornamentu, e tanta adurazioni pu Signuri.
