22/08/2023
جايلكم من المستقبل وبقولكم متخرجوش من بيتكم وتروحوا المطار قبل مع تعملوا online check in 😀😀
يعني لو احكي كم المواقف الي كنت بسببها هفوت رحلات طيران كتير والي انقذني هو اني بعمل check in قبلها، مش هخلص حكي 🤓
الموضوع فعلا ليه مزايا كتير:
اهمها انك بتتجنب مشكله الover booked flights
لان شركات كتير دلوقتي بتبيع تذاكر اكتر من عدد الركاب خصوصا في فتره الصيف والضغط علي أمل ان حد يكنسل او يفوت الطياره مثلا ولكن احيانا الركاب كلهم بيتواجدوا وبيحصل مشكله ان بعض الركاب بيتمنعوا من الرحله ويأجلوهم لرحله تانيه لان مفيش مكان
بالأضافه انك لو مسافر فقط بشنطه الطياره ( cabin bag) فأنت هتوفر وقتك و هتوفر علي نفسك الوقفه في طوابير المطار و هتتجه للطياره مباشرة
كمان معظم شركات الطيران بتخليك تختار الكرسي الي عايزه مجانا في وقت الonline check in
و مؤخرا بقي فيه شركات ومطارات بتخليك تدفع مصاريف اضافيه لو هتعمل Check in في المطار خصوصا الطيران الاقتصادي
معظم شركات الطيران بتفتح الonline check in قبل ميعاد الرحله بيوم او اتنين ( ممكن اكتر أو اقل) بتختلف حسب شركه الطيران
