19/07/2026
ვიცი, გვერდის თემატიკასთან კავშირში არ არის, მაგრამ არ შემიძლია კომენტარი არ გავაკეთო რუსების მიერ განხორციელებულ უკულტურო ქმედებასა და ამ ბიჭის საქციელზე.
ზოგადად, არც ერთ ქვეყანაში არ მინახავს, რუსები ტურისტებად გრძნობდნენ თავს, ისინი ამით საკუთარი იდენტობის გამოხატვას ცდილობენ. საქართველოში ყოფნისას ჩემთვის არაერთხელ უთქვამთ, რომ მათთან მხოლოდ რუსულად მელაპარაკა. საქართველოში, ჩემს ქვეყანაში.
მათი მხრიდან არ გამკვირვებია შარდის და ღვინის გადმოსხმა, ზოგადად, მათი მხრიდან არაფერი მიკვირს, მაგრამ სად არის ამ დროს სასტუმროს ადმინისტრაცია, პირველ რიგში მათ უნდა მოეხდინათ რეაგირება.
ცალსახად ვთანხმდებით, რომ ზოგადად, ქალზე ხელის აწევა დაუშვებელია, მაგრამ, შენს ქვეყანაში, ქორწილში როდესაც მსგავსი უსაციელო ადამიანები შარდს გასხამენ, დაგცინიან და შენ გიწევს დაიცვა შენი ღირსება, შემდეგ კი შენივე ქვეყანა დაგიჭერს და სამი წლით თავისუფლების აღკვეთა გემუქრება იმისთვის, რომ შენივე მთავრობა აძლევს რუსებს უფლებას, ქვეყანას მოაშარდონ, სამარცხვინოა.
სამწუხაროა, რომ ჩვენს ქვეყანაში ყველაზე დაუცველები ისევ ჩვენ ვართ. სამწუხაროა, რომ დღეს ამაზე ლაპარაკი გვიწევს.სამწუხაროა, რომ უცხო ქვეყანაში მეტად მშვიდად ვგრძნობთ თავს, ვიდრე საკუთარში.
