07/09/2026
https://www.facebook.com/share/1FNpXKoR1m/?mibextid=wwXIfr
გიზიარებთ ჩემს შთაბეჭდილებას ყველა მშობელს
იტალიაში, კერძოდ რომში, ხანგრძლივი ცხოვრების გამო ძალიან მონატრებული ვარ ჩემიანებს, ამიტომაც დიდი სიყვარულითა და სიხარულით ვეგებები საქართველოდან ჩამოსულ სტუმრებს. ყოველთვის ვცდილობ, მთელი რომი მოვატარო და დავატკბო მისი ზღაპრული სილამაზით.
სწორედ ასე გამიხარდა სექტემბრის დასაწყისში, როდესაც ჩემი გაბრიელი ჩამოვიდა საქართველოს ახალგაზრდა დიპლომატთა ჯგუფთან ერთად საქართველოს საელჩოში დაგეგმილ ღონისძიებაზე. მოუთმენლად ველოდებოდი თავისუფალ დროს, რომ გაბრიელი მენახა და მოვფერებოდი. შევთავაზე რომის პატარა ტური, რომელიც დაგეგმილი არ ჰქონდათ, და გავემართე მათ შესახვედრად.
გავიცანი გაბრიელის მეგობრები — საქართველოს ულამაზესი, თვალებაციმციმებული ბავშვები — და ქალბატონი თეა, პედაგოგი, რომელმაც აღმაფრთოვანა თავისი უზომოდ დიდი პასუხისმგებლობით. გაოცებული ვადევნებდი თვალს, თუ როგორ ზრუნავდა ერთდროულად 9 ბავშვზე, როგორ სითბოსა და ყურადღებას იჩენდა მათ მიმართ და მოთმინებით ცდილობდა, შეძლებისდაგვარად ყველა მათგანის სურვილი დაეკმაყოფილებინა.
განსაკუთრებით მინდა აღვნიშნო ერთი გარემოება: რომში მრავალწლიანი ცხოვრების გამოცდილებით, ასეთი აუტანელი სიცხე (45 გრადუსი) არასდროს ყოფილა. სწორედ ამას ვუსვამ ხაზს — თუ როგორ გაფრთხილებითა და სიფრთხილით ეპყრობოდა ქალბატონი თეა ბავშვების ჯანმრთელობას, რომ მათ არაფერი დაშავებოდათ.
ბედნიერია ყველა დედა, რომლის შვილზეც დედასავით ზრუნავს ქალბატონი თეა. მინდა პირადად მას გადავუხადო უღრმესი მადლობა. ასევე, განსაკუთრებული მადლობა ქალბატონ რიტას, რომელსაც წლებია გვერდით უდგას ასეთი კადრი და თავის საოცარ პედაგოგთა გუნდთან ერთად მყარ საფუძველს უქმნის ბავშვების ევროპულ მომავალს.
თუ მშობელს სურს, რომ შვილის განათლებაში სწორი ინვესტიცია ჩადოს, დიდი რეკომენდაციას ვუწევ „ახალგაზრდა დიპლომატთა სკოლას“. მადლობა თითოეულ მათგანს იმ დიდი და პატრიოტული საქმისთვის, რასაც ასეთი სიყვარულით ემსახურებიან!
