日本的祕境 四國·德島縣

日本的祕境 四國·德島縣 你認識日本德島縣嗎？
德島縣蘊含豐富天然資源、各式各樣的鄉土料理令人食指大動，同時亦保留著悠久的歷史及傳統文化！
你想感受德島秘境獨有的魅力嗎？
在此會為你介紹一切關於德島縣

你認識日本德島縣嗎？
德島縣蘊含豐富天然資源、各式各樣的鄉土料理令人食指大動，同時亦保留著悠久的歷史及傳統文化！
你想感受德島秘境獨有的魅力嗎？
在此會為你介紹一切關於德島縣的新鮮事！
想知道更多德島的吃喝玩樂旅遊情報，記得讚好專頁啦♪

24/03/2026

【世界名畫原尺寸重現！🎨德島必去嘅大塚國際美術館】
你知唔知日本有間美術館嘅常設展示空間係日本最大？
就係位於德島鳴門市嘅大塚國際美術館！😮

館內將來自世界26個國家、由古代壁畫到現代藝術嘅名畫，以原尺寸陶板方式重現✨
就算唔周遊列國，都可以喺同一個地方一次過欣賞到大量經典藝術作品，
呢個就係佢最大嘅魅力👍🏻

包括奧納多·達文西嘅《蒙娜麗莎》同《最後的晚餐》、梵高嘅《向日葵》等世界名畫，
仲可以睇到西斯汀禮拜堂嘅天井畫同正面壁畫《最後的審判》，
一次過可以欣賞到人類藝術嘅巔峰作品😍

館內展示超過1,000件作品，仲有cafe同紀念品店，行足一整日都唔會悶！
如果去德島旅行，一定要親身去感受下呢個震撼嘅藝術空間啊！

👉大塚國際美術館👈
💻網站：https://o-museum.or.jp/zh-TW/
📌位置：https://maps.app.goo.gl/WwUmmnG2p9pxhVLR7
🚙交通：由鳴門站乘搭路線巴士約15分鐘
⏰營業時間：9:30～17:00（入館券售至16:00）
⭐休館日：星期一（如遇假日則順延至翌日）

#大塚國際美術館　 #美術館　 #藝術　 #鳴門市　 #德島　 #日本　 #旅行

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

22/03/2026

【🌉一邊欣賞鳴門絕景一邊食午餐🥢鳴門海峽景觀餐廳🌀】
去鳴門觀光嘅時候，午餐可以去位於鳴門公園內嘅餐廳「潮風」🍴
餐廳位於2樓，店內可以180度俯瞰鳴門海峽，景觀非常開揚！

今次試咗鯛魚丼 (1,600日圓) 同鯛魚茶漬飯 (1,550日圓)。
鯛魚丼充滿鳴門特色，鯛魚鮮味無窮，食落非常滿足😋

而鯛魚茶漬飯就係用咗大量鳴門鯛魚製成嘅人氣菜式🐟
可以原味先食一啖，之後再加蔥花等配料，
最後加入高湯同德島當地食材「酸橘」，變成清爽嘅茶漬飯。
一餐可以試到幾種食法，呢點都好加分！✨

喺度可以一邊欣賞絕景，一邊品嚐鳴門鯛魚嘅午餐🍚
如果去鳴門旅行，呢間係好值得順路去試嘅餐廳嚟㗎！
記得唔好錯過啦！😋

👉潮風👈
💻網站：https://www.naruto-mon.jp/gourmet/siokaze/
📌位置：https://maps.app.goo.gl/vGXKhvKaRAg5qajV8
🚙交通：由鳴門公園步行約10分鐘

#德島　 #日本　 #日本旅行　 #德島旅行　 #旅行　 #德島觀光　 #四國旅行　 #鳴門　 #鳴門美食　 #鳴門觀光　 #鄉土料理　 #潮風

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

21/03/2026

【海上漫步絕景體驗！近距離睇鳴門漩渦「渦之道」🌀】
位於德島縣鳴門市嘅渦之道，係可以由正上方欣賞世界知名「鳴門漩渦」嘅人氣景點 🌊✨
全長約450米嘅海上步道，行喺大鳴門橋嘅橋身入面，
一邊行一邊向海面望落去，仲可以透過玻璃地板見到震撼嘅漩渦 👀！

漩渦會因為潮汐漲退而改變大小，春季同秋季特別容易見到氣勢十足嘅大漩渦🌀
就好似行喺海面之上咁，可以感受大自然充滿力量嘅震撼景象～

如果去德島旅行，呢度絕對係必到嘅打卡絕景景點 📸✨
記得唔好錯過啦！

👉渦之道👈
💻網站：https://www.uzunomichi.jp/lang_zh-tw/
📌位置：https://maps.app.goo.gl/hJi8qbTvP3FG2Meh7
🚙交通：乘搭JR鳴門線到鳴門站再轉乘→鳴門市營巴士往鳴門公園方向（約20分鐘）
⏰營業時間：
夏季（3月～9月）9:00～18:00（最後入場17:30）
黃金週及暑假期間 8:00～19:00（最後入場18:30）
冬季（10月～2月）9:00～17:00（最後入場16:30）

#德島　 #日本　 #日本旅行　 #德島旅行　 #旅行　 #德島觀光　 #渦之道　 #四國旅行

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

19/03/2026

【🌊親身坐船感受鳴門漩渦！坐觀潮船為德島之旅留下難忘回憶🌀】
去到德島鳴門海峽，一定要親眼見識被稱為世界三大潮流之一嘅「鳴門漩渦」！🌊
搭上漩渦觀潮船可以超近距離欣賞呢個壯觀景象。
由於瀨戶內海同紀伊水道之間嘅潮汐落差，會形成最大可達20米級嘅巨大漩渦，
大自然嘅震撼力量真係令人嘆為觀止！

大型觀潮船「Wonder鳴門號」唔駛預約都可以直接上船🚢
約30分鐘嘅航程，會駛到大鳴門橋下面，仲會貼近渦流旁邊！
喺甲板上睇到嘅景色非常震撼，有時連海水浪花都會濺上嚟，
臨場感滿分，非常受家庭同情侶歡迎㗎～👨‍👩‍👧‍👦

如果想再刺激啲，可以試下需要預約嘅小型水中觀潮船「AQUA EDDY」！
船入面有水面下約1米嘅展望室，可以透過玻璃窗睇住海底漩渦不停旋轉🌀
係一個好特別嘅水底體驗🚢！
一次過體驗水面同水中兩種角度，絕對係超難忘嘅海上體驗！

搭觀潮船幾乎係德島旅行必做行程之一✨
親身感受鳴門漩渦嘅震撼力量，為旅程留低難忘嘅回憶啦～～🌊

👉渦流觀潮船👈
💻網站：https://www.uzusio.com/tw/
📌位置：https://maps.app.goo.gl/EAD4H6Nx3AA5FaeW6
🚙交通：由鳴門站揸車約15分鐘 / 德島站搭巴士約1小時20分鐘

#鳴門觀潮船　 #鳴門漩渦　 #德島觀光　 #漩渦巡航　 　 　 #鳴門公園　 #四國旅行　 #德島　 #日本　 #旅行　 #德島旅行　 #日本旅行

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

17/03/2026

【🍠番薯控必睇！道之駅「Kurukuru Naruto」必食3大番薯甜品🍠】

位於德島鳴門嘅人氣道之駅「Kurukuru Naruto」🚗
集合咗好多鳴門特色美食，而家就同大家精選3款嚟到一定要試嘅番薯甜品！

①Bakery Imohoreta 嘅「番薯餡麵包」
鍾意番薯嘅人一定會愛上！由麵包店精心製作，
入面係香甜濃郁嘅番薯餡，麵包又香又鬆軟，食完超滿足！

②道之駅限定！「鳴門挖挖番薯布甸」🍮
有充滿番薯香味嘅「挖挖番薯布甸」（鳴門ほれほれプリン），
仲有外形模仿鳴門漩渦、超可愛嘅「轉轉鳴門布甸」（くるくる鳴門プリン）🌀
兩款都係限定甜品，嚟到一定要試！

③Naruto Eemon 嘅「鳴門金時漩渦軟雪糕」（鳴門金時うずまきソフト）🍦
上面擠滿鳴門金時番薯法式栗子蓉，中間係冰凍軟雪糕！
法式栗子蓉部分唔會太甜，可以食到番薯本身濃郁又自然嘅甜味，
層次感十足，係好奢華嘅一杯雪糕🤤

👉道之駅 Kurukuru Naruto👈
💻網站：https://www.kurukurunaruto.com/
📌位置：https://maps.app.goo.gl/xe9KWQLjCJeXD3Z37
🚙交通：由鳴門IC揸車約5分鐘

#德島　 #日本　 #日本旅行　 #德島旅行　 #旅行　 #德島美食　 #四國旅行　 　 #鳴門金時　 #番薯甜品

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

15/03/2026

【飽覽德島絕景！眉山纜車＋ARUDEYO德島】
想輕鬆去到德島市地標「眉山」睇靚景？
不妨搭「AWAGIN眉山纜車」，享受一趟空中散步啦✨🚡

纜車由阿波舞會館5樓嘅山麓站出發，
一邊欣賞風景，大約6分鐘就可以到達山頂🚡
喺山頂可以一覽德島市嘅街景，
天氣好嘅日子仲可以望到淡路島同紀伊半島🏙️🌊
山頂仲有一個高約6米嘅LED萬花筒裝置添，非常特別！

搭完纜車之後，亦推薦去1樓「ARUDEYO德島」買手信🛍️
呢度係德島縣內最大級嘅物產手信鋪之一，
集合咗好多由德島豐富自然同傳統孕育出嚟嘅特產同手信。
無論係買德島名物，定係買旅行紀念品都非常適合🍠🍬

嚟德島旅行，不妨一次過欣賞絕景同享受購物嘅樂趣啦～😊
眉山喺唔同時間亦會展現唔同魅力：
白天可以欣賞清爽景色、黃昏可以睇到靚靚夕陽、
夜晚仲可以睇到閃爍嘅德島夜景✨
一定要嚟親身體驗一下俯瞰德島市嘅全景景色啊📸

👉AWAGIN眉山纜車（山麓站：阿波舞會館5F）👈
💻網站：https://www.awaodori-kaikan.jp
💰費用：成人 單程900日圓／來回1,500日圓

👉「ARUDEYO德島」（阿波舞會館1F）👈
💻網站：https://tokushima-bussan.com/
🕘營業時間：9:00～20:00

📌位置：https://maps.app.goo.gl/uQeVsMiFmgtwNziK9
🚙交通：JR德島站步行約10分鐘

※最新資訊請以官方網站為準

#德島　 #日本　 #旅行　 #德島旅行　 #日本旅行　 #眉山　 #眉山纜車　 　 #絕景　 #德島観光　 #四國旅行　 #日本風景

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

14/03/2026

【去德島一定要食！必試德島拉麵2選🍜🍜】
① 中華SOBA INOTANI本店 (中華そば 「いのたに」本店)
可以話係將「德島拉麵」呢個名傳遍日本全國嘅超人氣老字號名店。
外表睇落好似好濃厚，但實際食落又意外地幾清爽！
味道雖然偏濃，但餘韻好香，麵同湯嘅配搭非常好，令人一食就停唔到✨
強烈推薦一定要加「生雞蛋」做配料🥚！

👉中華SOBA INOTANI本店👈
💻網站：http://www.inotani.jp/instanthp/page01.html
📌位置：https://maps.app.goo.gl/CLBhPxNN3bk7FBLt9
🚃交通：由JR德島站步行約12分鐘

② 拉麵東大 住吉店 （「ラーメン東大」住吉店）
最大特色係濃郁嘅豚骨醬油湯底，豚骨風味非常突出。
蒜味香濃，一啖食落去滿足感十足！
而且生雞蛋係免費提供，
可以加落濃厚湯底入面令味道更加順滑，超級推薦🥢

👉拉麵東大 住吉店👈
💻網站：https://ramen-todai.com/topics/shop/1019/
📌位置：https://maps.app.goo.gl/eVfBMsr7GFVFYmjJ6
🚃交通：由JR德島站搭巴士約12分鐘

#德島　 #日本　 #日本旅行　 #德島旅行　 #四國　 #四國旅行　 #德島市　 #德島拉麵　 #德島美食　 　 #拉麵東大　 #地道拉麵

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

【喺德島縣最南端嘅島嶼「竹島」嚟一趟海上小旅行啦！】想喺海上嚟一個輕鬆小冒險？不妨去德島縣最南端嘅小島「竹島」，試下超清澈嘅海上體驗啦～🌊透明獨木舟最大特色係船身透明，喺船上面都清楚睇到海底景色，感覺好特別🪄現場會有導師細心講解，就算係初學...
12/03/2026

【喺德島縣最南端嘅島嶼「竹島」嚟一趟海上小旅行啦！】
想喺海上嚟一個輕鬆小冒險？
不妨去德島縣最南端嘅小島「竹島」，試下超清澈嘅海上體驗啦～🌊

透明獨木舟最大特色係船身透明，
喺船上面都清楚睇到海底景色，感覺好特別🪄
現場會有導師細心講解，就算係初學者都可以安心體驗，
仲可以影到好多靚相同影片添📸

附近仲有一間水族館，
大家喺嗰度可以先了解珊瑚嘅生態，
之後再落海觀察，體驗會更加有趣㗎！！
加上呢度嘅海浪比較平靜，小朋友都可以安心參加！

價錢方面：
竹島路線 1人艇4,000日圓、2人艇7,000日圓。
每個行程加1,000日圓就可以追加浮潛體驗；
2人艇再加1,000日圓亦可以變成3人艇（只限幼兒輔助座位）。

另外仲有一個開心小福利：
只要參加海上獨木舟體驗，
就可以免費入場參觀館內嘅「島上迷你水族館」！
如果帶住小朋友一齊玩嘅話，
海上活動加水族館一齊體驗就更加啱啦✨

今個夏天，不妨去竹島嘅大海，
試下美景療癒嘅體驗，好好感受德島嘅自然魅力啦！

👉竹島海上獨木舟👈
💻網站：https://marine.kaiyo-kankou.jp/index.php/leisure/seakayak
📌位置：https://maps.app.goo.gl/ai7xJQhBTYNWcAw4A
交通：
🚌乘坐德島南部巴士到「竹島」站，下車即到
🚗由德島IC經國道11號、55號往室戶（高知方向）約130分鐘

#德島　 #日本　 #日本旅行　 #德島旅行　 #四國　 #四國旅行　 #海部郡　 #竹島　 #海上活動　 #海　 #海岸　 #自然　 #日本體驗

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

【近車站超方便✨翻新後嘅阿波觀光酒店】位於市中心嘅「阿波觀光酒店」，由JR德島站行路大約3分鐘就到，無論係觀光定商務出差都非常方便～🚶‍♂️酒店入面設有日式餐廳、宴會廳同教堂等設施，無論係住宿、用餐定舉辦活動，都可以一次過喺度搞掂！而且仲有...
10/03/2026

【近車站超方便✨翻新後嘅阿波觀光酒店】
位於市中心嘅「阿波觀光酒店」，由JR德島站行路大約3分鐘就到，
無論係觀光定商務出差都非常方便～🚶‍♂️

酒店入面設有日式餐廳、宴會廳同教堂等設施，
無論係住宿、用餐定舉辦活動，都可以一次過喺度搞掂！

而且仲有一個水肺潛水專用泳池，
係一個只喺呢度先體驗到嘅特別設施之一🌊

酒店附近仲有唔少景點可以行路去到，
例如步行約10分鐘就可以去到阿波舞會館、
步行約5分鐘就可以去到德島中央公園・德島城博物館等等。
真係超方便呀！

如果想搵一間交通方便又住得舒適嘅酒店，
「阿波觀光酒店」會係一個唔錯嘅選擇！✨

👉阿波觀光酒店👈
💻網站：https://awakan.jp/
📌位置：https://maps.app.goo.gl/1rHWMRenxMXxQDsP7
🚃交通：JR德島站步行約3分鐘
🕒入住：14:00～／退房：～11:00
🚗停車場：住客每晚1,000日圓／車（至出發日11:00／先到先得）

#德島　 #日本　 #日本旅行　 #德島旅行　 #旅行　 #阿波觀光酒店　 #車站附近酒店　 #德島觀光　 #舒適住宿　 #商務旅行　 #四國旅行

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

【古民家慢慢歎✨半田素麵食堂】半田素麵食堂位於劍町一間古民家旅宿「折目邸 遊懐」，係一間可以悠閒享受美食嘅餐廳。喺有「白絲之町」稱號嘅德島縣劍町度，可以品嚐傳承多年嘅半田素麵，再配搭時令食材一齊享用🍽️餐廳使用北室白扇製作嘅半田素麵，配上來...
07/03/2026

【古民家慢慢歎✨半田素麵食堂】
半田素麵食堂位於劍町一間古民家旅宿「折目邸 遊懐」，
係一間可以悠閒享受美食嘅餐廳。
喺有「白絲之町」稱號嘅德島縣劍町度，
可以品嚐傳承多年嘅半田素麵，再配搭時令食材一齊享用🍽️

餐廳使用北室白扇製作嘅半田素麵，
配上來自吉野川同劍山山麓嘅本地食材，
係只有呢度先食得到嘅獨特味道嚟㗎！
主打每月更換嘅素麵料理，配上白飯、小菜同水果，
以御膳形式呈現，可以慢慢感受當季食材嘅美味✨

另外仲有使用「千年捉迷藏」品牌食材製作嘅特別菜式，
仲有阿波尾雞親子丼同德島鄉土料理芳飯等，充滿地道風味。

喺充滿歷史氣息嘅古民家空間入面，悠閒地品嚐德島傳統味道，
享受一段放鬆嘅時光啦～～🌿

👉半田素麵食堂👈
💻網站：https://www.orimetei.com/somen_reserve/
📌位置：https://maps.app.goo.gl/2S68F7opoBhHnHGt9（折目邸 遊懐內）
🚃交通：JR德島線「貞光」站步行約11分鐘
📅營業時間：星期三・六・日 11:00～14:00
⚠️需最少3日前提前預約

#德島　 #日本　 #日本旅行　 #德島旅行　 #旅遊　 #德島美食　 #半田素麵　 #劍町　 #鄉土料理　 #古民家　 #午餐推薦　 #四國旅行 　 #和食　 #美食之旅　 #地道美食

而家喺Instagram都可以睇到德島嘅最新旅遊資訊啦，叫埋親戚朋友一齊follow啦~
https://www.instagram.com/tokushima.hk/

住所

加茂町字不ケ63番地
Anan-shi, Tokushima
771-5173

ウェブサイト

アラート

日本的祕境 四國·德島縣がニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

ショートカット

共有する

カテゴリー