13/08/2023
ජපානයේ විඩාබර ජීවිතයට විවේකයක්-13
ගිම්හානයේ ගිණි දැල්ල නිවා ගැනීමට යමගතා යමු..
ඉතින් අද මම ඔයාලට ගිම්හානයේ මහන්සිය නිවාගන්න යන්න පුලුවන්, ජපානයේ ලස්සනම ලස්සන තැනක්ට එක්ක යන්නයි හදන්නේ..
ගොඩක් අය මේ කාලේ කණුමානේ යන්නේ ඉතින්.. ඒත් මේ තැන නම් ඊටවඩා ගොඩක් වෙනස්ම වෙනස් තැනක්.. පොඩිකාලේ කතාවල අපි අහලා තියේනවනේ ලේසියෙන් යන්න බැරි කදු මුදුන්වල තියෙන ලස්සනම ලස්සන මාලිගා ගැන .ඒත් අපි ඇත්තම දැකලා නෑනේ. ඒත් ඒවා අපේ හිතේ ගොඩනැගුන ලස්සන හීනවල තියෙනවා. ඒත් අද ඔයලාව ඒ ඇත්තම මාලිගවකටයි එක්ක යන්නයි හදන්නේ.. මේක ඇත්තටම මාලිගාවක් කීවට ගොඩක් පැරණි පංසලක්...
ජපානයේ යමගතා ප්රාන්තයේ ඊසාන දිග කදු පංතියේ පිහිටා තිබෙන යමාදෙරා [山寺]. යමදෙරා පංසල තමයි මේ ලස්සනම ලස්සන තැන.මෙහි ඇත්තම නම රිස්සකුජි 立石寺 නම් වේ.. එහෙත් මෙය කදුපංතියක පිහිටා තිබෙන නිසා යමදෙරා山寺 නමින් ප්රසිද්ධවේ.
මේ පංසල නිර්මානයවී තිබෙන්නේ දැනට වසර දහසකට කලින්,එනම් වර්ශ 860 සෙයිවා අධිරාජ්යයාගේ කාලයේයැයි පැවසේ. 1356 දී Yamagata Castle හි පළමු අධිපති Shiba Kaneyori විසින් ප්රතිසංස්කරණය කරන ලද අතර, එහි මධ්යම කුළුණු සහ පැති 4 කින් කන් අතර මීටර් 9 ක් ඇති මෙම ගොඩනැගිල්ල උකුල් සහ ගේබල් වහලක් ඇත. මෙය බුද්ධාගමේ ටෙන්ඩායි පාසලේ ඩෝජෝ වල නියම ස්වරූපය හොඳින් ආරක්ෂා කර තිබෙනවා.තවද අමරණීයත්වයේ දැල්ල බුදුදහමේ ටෙන්ඩායි නිකායේ නිර්මාතෘ සයිචෝ විසින් දැල්වූ දා සිට වසර 1,200 ක් පුරා කිසිදා නිවී නොගිය ටෙන්ඩායි නිකායේ සංකේතාත්මක ආලෝකයකි.
ඉතින් මේ රස්නි කාලේ සීතල හුලග තියෙන කදු පංතියක් බලන්න යන්න ඔයත් අසා ඇති කියලා හිතනව.එක දවසින් යන්න පුල්වන් ගමනක් උනත් මම ගියේ දවස් දෙකකට.මුල් දවසේ සෙන්දයි නැවතිලා දෙවෙනි දවසේ උදෙන්ම යන්න සැරසුනා.
ගොඩක් වෙලාවට මේ වගේ ලස්සන තැන් [power spot] බලන්න යනවා නම් උදෙන්ම යන එක තමයි හොද කියලා මම හිතන්නේ.මොකද ගොඩක් අය මේ වගේ තැන් බලන්න එන නිසා උදෙන්ම ගියාම කව්රුත් නැති නිසා ඒ ලස්සන හොදින් විදින්න පුලුවන් වගේම ලස්සන photos ගන්නත් පුලුවන්.
ටෝකියෝ සිට යනවා නම් 400km පැය 5ක (高速でඅදිවේගී මාර්ගයේ)කාලයක් පමණ ගත වෙනවා . පංසල් භූමිය මහල yamadera station එක තිබෙන නිසා දුම්රිරියෙන්ද පැමිනීමට පුලුවන් .ඉතින් මම පලමු දවසේ සෙන්දයි සිටි බැවින් සෙන්දයි සිට පැය දෙකක කාලේකින් මට yamadera වෙත යන්න හැකියාව ලැබුනා.ටෝකියෝවේ සිටින ඔයාට නම් මේ යන පාරත් අමුතු අද්දැකීමක්.. යමගතා කියන්නේ කදුකර ප්රදේශයක් නිසා හරිම ලස්සනයි . දියපාරවල් බිංග සානු වගේ දෙවල් පහුකරගෙන තමයි යන්න තියෙන්නේ. ඉනකා ප්රදේශයේ නිසා( ගම් පලාත්) ගොඩක් වාහන traffic ඇත්තෙම නැහැ.ඒ පැත්තේ ඇවිදින්න යනවා නම් වාහනයකින් යන එක තමයි ලේසිම. ඉතින් මම ඒ ලස්සනත් බාලාගෙන උදේ 8 වගේ වෙනකොට ඒ තැනට යන්න පුලුවන් උනා.පංසල නැරඹීමට යෙන් 300 ක ටිකට්පතක් ගතයුතුවේ.
පංසල් භූමිය කදු පාමුලම සිට ආරම්භ වන අතර, ඉහලම ස්ථානය වෙත යෑමට පඩි 1015 ක් නැගිය යුතුවේ..රූස්ස ගස් අතරින් ඉහලට විහිදෙන මෙම පඩිපෙල නගින විට ලෞකික ආශාවන් නිවෙන බවටද මෙහි කට කතාවක් පවතී.ඉතින් මම උදෙන්ම ගිය නිසා මේ ගස් යට මීදුමින් පිරී තිබුනා.ඉහලට නගින මීදුම අතරින් ගස්වල පත්ර හරහා පොලව සිපගන්නා හිරු ආලෝකය හිතට ගෙනදෙන්නේ පුදුම සැනසීමක්..චූටි වැස්සකුත් ආව නිසා දැනුන උණුසුම සමග සිසිලස පඩිපෙල් නැගීම මාව ප්රාණවත් කරයි.පඩිපෙල් නගින අතර තුර මහන්සි නිවාගැනීමටද අතර මැද බංකු සකසා තිබෙනවා. ඉතින් කදු මුදුනේ ඉහලටම ගිය විට ඉහලම පවතින් පර්වතය උඩ මේ පංසල සකසා තිබෙනවා.. ඇත්තම එම දර්ශනය අදහාගත නොහැකි තරම් මනස්කාන්ත බවින් යුක්ත වේ.කදු බෑවුමේ පංසල වෙත විහිදෙන ගල් පාරදීගේ ඇවිදින විට පෙනෙන දර්ශනයත් මගේ කැමරා කාචයේ පටිගත වූ ආකාරය මම ඔයාලට පෙන්වන්නම්කෝ.මම ගොඩක් photos සහ video ගත්තා.. ඔයාලට බලන්න මම පලකරන්නම්කෝ.
පංසල් භූමියේ සිට පහල බලන විට යමදෙරා නගර සහ ඈතට විහිදෙන කදු පංතිය මහන්සිය නිවාදමන්නේ ,කදු පංතිය ඉහලින් දුරට පියාඹා යන කුරුල්ලෙක් මෙනි..මෙම කදු මුදුනේ විශාල ලෙන් ප්රමානයක් සහ පරණ විවිද කුටි විශාල ප්රමානයක් තිබෙනවා.ඇත්තම ඒවාට යන්න තියෙන්නේ ගල් අතර නිර්මානය වූ ඒදන්ඩක් වැනි පාලමකින්.. ගරාගොස් ඇති බැවින් ඒවාට යෑම ගොඩක් අපහසුයි.අලුතින් ඉදිවෙන කුටිත් දැක ගැනීමට පුලුවන්.
මම ගියේ මේ කාලයේ නිසා ගස්වල කොල ගොඩක් කොල පාටයි.. ඉතින් මේ යමගතා ප්රදේශය සරත් ඍතුවට තමයි ගොඩක්ම ලස්සන. මොමිජි 🍁🍂 ගස්වල කොල කහපාට රතුපාට වෙන කාලෙට ගොඩක් ලස්ස්නයි... මම ඊලග autumnඅකි එකටත් යන්න හිතන් ඉන්නේ...මේ පන්සල නැරඹීමට විවිද රටවල ගොඩක් අය එනවා. ලෝකයේම මේ පන්සල ගොඩක් ප්රසිද්ධයි වගේ.ජපානේ ඉන්න ඔයානම් මේ පංසල බලන්න යන්නම ඕන තැනක් කියලයි මම නම් හිතන්නේ...
ඉතින් මේ කලෙට ඔයාල යනවානම් さくらんぼcherry🍒 කන්නත් අමතක කරන්න එපා මෙහේ ගොඩක් රස චෙරි වලටත් ප්රසිද්ධයි. චෙරි වතු වලටම ගිහින් කඩන් කන්න පුලුවන්食べ放題.ඉතින් යමගතා යනවානම් සාඕ mount zao කදු පන්තියත් බලන්න යන්න අමතක කරන්න එපා... ඒක බලන්න යන එක මම ඔයාලට ඊලග කතාවෙන් ගේනම්කෝ😊.ඉතින් ඔයාලත් ගිහින් මට photos එවන්න.. සකුරාව පිටුවේ පලකරන්නම්කෝ.එසේනම් ඊලග කතාවෙන් නැවත හමුවෙමු...ස්තූතී..
පැතුමා.
Location - 8C7M+6R Yamagata
〒999-3301 山形県山形市山寺4456-1
