長崎玩樂新發現

長崎玩樂新發現 位於日本九州嘅長崎縣除左以充滿異國風情而聞名外，仲以擁有全日本最豐富嘅新鮮海產及日落美景而自豪。就等我地為香港嘅各位帶黎更多關於長崎縣嘅玩樂新發現啦 !

【唔係剩係可以食㗎！一齊搜集「長崎蛋糕」精品啦🍰✨】長崎代表性手信「長崎蛋糕」，唔單止深受當地人喜愛，亦係廣受海外旅客認識嘅長崎特色美食之一😊不過大家又知唔知道，其實仲有好多以「長崎蛋糕」為主題、印有可愛角色同圖案嘅精品呢？✨由印有長崎蛋糕...
17/09/2026

【唔係剩係可以食㗎！一齊搜集「長崎蛋糕」精品啦🍰✨】
長崎代表性手信「長崎蛋糕」，唔單止深受當地人喜愛，
亦係廣受海外旅客認識嘅長崎特色美食之一😊

不過大家又知唔知道，其實仲有好多以「長崎蛋糕」為主題、
印有可愛角色同圖案嘅精品呢？✨

由印有長崎蛋糕圖案嘅襪、毛巾，到鎖匙扣、磁石貼或袋仔等，
款式十分豐富，無論著上身、日常使用或者隨身攜帶都非常適合！

除咗可以買俾自己留念，亦好適合作為送俾家人朋友嘅小禮物🎁

長崎蛋糕唔係只可以食㗎，仲可以透過各種可愛精品，
將充滿長崎特色嘅回憶帶入日常生活🍰

下次去長崎旅行，
不妨到當地嘅手信店尋找自己最鍾意嘅長崎蜂蜜蛋糕精品啦！✨

#長崎蛋糕 #長崎手信 #長崎旅行 #長崎蛋糕精品 #日本旅行

14/09/2026

【品嚐上五島獨有地道料理「扇壽」🐟🍜】
位於長崎縣新上五島町、有川港附近嘅「扇壽」，
除咗提供用時令鮮魚製作嘅菜式，
仲可以食到以「地獄炊」方式享用嘅名物五島烏冬，
嚟到上五島一定要試吓🍜

「地獄炊」係五島獨有嘅傳統烏冬食法，
將烏冬放入大鍋滾水中烹煮。
直接從鍋中撈起啱啱煮好嘅五島烏冬，
蘸上飛魚高湯等湯汁嚟食，
就可以品嚐到滑溜又彈牙嘅口感✨

由上五島周邊海域出產嘅時令海鮮，
到島上代代傳承嘅五島烏冬，
品嚐呢度獨有嘅滋味，
亦係旅途中嘅一大樂趣😊

🌐網站：https://shinkamigoto.nagasaki-tabinet.com/eat/10160

#扇壽 #新上五島町 #五島烏冬 #長崎美食 #長崎旅行

11/09/2026

【為長崎秋日添上色彩，擁有逾390年歷史嘅「長崎宮日節」🏮✨】
「長崎宮日節」係長崎秋天最具代表性嘅傳統活動，
每年10月7日至9日作為諏訪神社嘅秋季大祭舉行，
已經有超過390年歷史✨

祭典最大特點，就係充滿長崎特色、各具風格嘅奉納表演！
由舞者華麗起舞嘅傳統舞蹈「本踊」、
巨龍騰空飛舞嘅「龍踊（舞龍）」，
到船型花車氣勢十足地被拉動迴轉嘅「川船」，
以及眾人合力將花車高高拋起嘅「コッコデショ（Kokkodesho）」，
各種震撼演出都令人目不暇給🐉

各個參與演出嘅町會都會帶嚟精心準備、別具心思嘅表演，
令成個城市洋溢住熱烈氣氛同歡呼聲。
不妨親身嚟感受「長崎宮日節」嘅魅力，
體驗長崎歷史同文化交織而成嘅秋日盛事啦！🏮

📅舉行日期：每年10月7日至9日
📍主要會場：諏訪神社、御旅所、八坂神社、中央公園等

※影片於2025年拍攝，今年參與演出嘅町會與片中不同。

🌐網站：https://www.discover-nagasaki.com/zh-TW/events_multilingual/60489

#長崎宮日節 #長崎旅行 #長崎祭典 #長崎秋日 #傳統文化

【日、中、蘭文化交融，孕育出長崎獨有嘅「和華蘭美食」🍽️✨】大家又知唔知，耳熟能詳嘅長崎名物美食係點樣誕生㗎呢？昔日，長崎係日本對外貿易嘅重要窗口，各國文化亦隨之傳入。喺呢個獨特背景下，逐漸孕育出「和華蘭文化」！「和」代表日本、「華」代表中...
08/09/2026

【日、中、蘭文化交融，孕育出長崎獨有嘅「和華蘭美食」🍽️✨】
大家又知唔知，耳熟能詳嘅長崎名物美食係點樣誕生㗎呢？
昔日，長崎係日本對外貿易嘅重要窗口，各國文化亦隨之傳入。

喺呢個獨特背景下，逐漸孕育出「和華蘭文化」！
「和」代表日本、「華」代表中國，
而「蘭」就代表荷蘭、葡萄牙等西方國家。
唔同文化互相融合，形成長崎獨有嘅文化特色。
今次就同大家介紹當中嘅「和華蘭美食」！

代表料理有「卓袱料理」、「長崎雜錦麵・皿烏冬」同「土耳其飯」✨

卓袱料理係融合咗日本、中國同西方飲食文化嘅長崎獨有宴席料理，
大家圍坐一齊，共享大碟盛載嘅美食。

長崎雜錦麵同皿烏冬起源於明治時代，
最初係為中國留學生而創作嘅料理，
而家已經成為長崎嘅代表美食。

土耳其飯就係將西式炒飯、意粉同吉列豬扒等盛喺同一隻碟上嘅洋食🍛
配搭變化多多，例如將吉列豬扒換成漢堡扒，或者改用唔同種類嘅意粉。
有啲餐廳提供嘅款式多到令人眼花繚亂！

各種文化喺長崎相遇，孕育出獨特嘅飲食文化。
下次嚟長崎，不妨一邊了解歷史，一邊品嚐和華蘭美食啦！✨

🌐網站：https://www.discover-nagasaki.com/zh-TW/featured-topics/gourmet

#和華蘭 #卓袱料理 #長崎雜錦麵 #土耳其飯 #長崎旅行

05/09/2026

【傳承住島民祈禱嘅世界文化遺產「頭之島天主堂」⛪✨】
位於長崎縣新上五島町嘅「頭之島村落」，
係世界文化遺產「長崎與天草地區的潛伏基督徒相關遺產」嘅構成資產之一。
坐落喺村落內嘅「頭之島天主堂」，將人們走過禁教時代、堅守信仰嘅歷史傳承至今。

而家嘅教堂係由信徒共同籌集資金、親自搬運石材，花咗約10年時間建造而成。
教堂內有精美嘅裝飾，並鑲嵌咗美麗嘅彩繪玻璃，環境寧靜又神聖。

位於園區內嘅世界遺產頭之島村落資訊中心，
展出咗「頭之島村落」嘅立體模型，以及舊照片同相關資料。

不妨親身嚟「頭之島天主堂」走一轉，感受呢度嘅歷史同祈禱氣息。

※參觀頭之島天主堂，不論個人或團體，都需要事先聯絡。
受理窗口：長崎與天草地區的潛伏基督徒相關遺產資訊中心
https://kyoukaigun.jp/

🌎網站：https://www.discover-nagasaki.com/zh-TW/sightseeing/721

#頭之島天主堂 #新上五島町 #潛伏基督徒 #世界遺產 #長崎旅行

03/09/2026

【🚋長崎市路面電車點樣搭？今日用影片教大家😉】
首先去JR長崎站入面嘅長崎市綜合觀光案內所，
購買「電車一日乘車券」～～～
如果打算一日內去勻市內多個景點，買一日券既方便又抵搭！

💡除咗觀光案內所之外，
大家亦可以喺各個車站附近嘅酒店、手信店同JR綠色窗口等地方購買。
詳細銷售地點可以去路面電車公司嘅官方網站確認✅

買完之後，就行去車站等你想搭嘅電車啦！
上車時記得由路面電車嘅後門上車；
落車時，就將一日乘車券出示畀司機睇，再由前門落車。

如果冇購買一日乘車券，
亦可以用現金、IC卡（部分交通卡未必適用），
或者支援感應付款嘅信用卡乘車。
落車時支付車費，或者按照付款方式拍卡就可以啦！

係咪好簡單呢？
睇完呢段影片，下次去長崎搭路面電車就唔使再手忙腳亂啦～～🤭

🌐網站：https://www.naga-den.com/pages/818/

#長崎 #路面電車 #路面電車搭乘方法 #長崎旅行 #長崎交通

【夏天完咗都想去！長崎3個超上鏡海景🌊📸】長崎擁有長長嘅海岸線，由白色沙灘、氣勢十足嘅岩石海岸，到充滿探險感嘅天然洞穴，每個海邊都各具特色✨今次就同大家介紹3個喺長崎市就搵到、超適合影相打卡嘅海邊景點😊🏖️巨岩聳立嘅「岳路海水浴場」由長崎市...
02/09/2026

【夏天完咗都想去！長崎3個超上鏡海景🌊📸】
長崎擁有長長嘅海岸線，由白色沙灘、氣勢十足嘅岩石海岸，
到充滿探險感嘅天然洞穴，每個海邊都各具特色✨
今次就同大家介紹3個喺長崎市就搵到、超適合影相打卡嘅海邊景點😊

🏖️巨岩聳立嘅「岳路海水浴場」
由長崎市中心揸車大約30分鐘就到。
呢度有寬闊嘅沙灘、岩岸同清澈嘅淺水海灣，
當中最搶眼嘅一定係巨岩「雀島」！
大自然經年累月雕琢出嚟嘅岩石紋理，隨手影都好有氣勢📸

🌊從岳路海水浴場附近洞穴望出去嘅海景
呢個係一個比較隱蔽嘅景點。
穿過岩石隧道，眼前就會出現一片湛藍大海；
由洞穴入面望出去，兩旁嘅岩壁就好似天然相框一樣，
將海景框成一幅畫✨

🌅奇岩做地標嘅「KAKIDOMARI白濱」（かきどまり白浜）
呢度最有代表性嘅，就係被當地人稱為「蘋果岩」嘅奇特岩石🍎
海邊仲有一個巨大嘅岩石隧道，黃昏時分配上夕陽，成個畫面特別夢幻。

3個景點都位於可以欣賞到靚靚夕陽嘅「長崎Sunset Road」沿線🚗✨
即使夏天完咗，都好適合嚟一趟海岸自駕遊，
一邊兜風，一邊發掘長崎獨有嘅迷人海景！

筆者嘅實地遊記亦已經公開，記得去睇吓啦👇
🌠文章：
https://www.nagasaki-tabinet.com/blog/tabibu/kamasaki/202509_sea

筆者：Kamasaki

#長崎海景 #岳路海水浴場 #かきどまり白浜 #長崎旅行 #ナガサキタビブ

30/08/2026

【將若松瀨戶嘅絕景盡收眼底🌿龍觀山展望所】
位於五島列島新上五島町嘅「龍觀山展望所」，
係一個可以將西海國立公園同若松瀨戶靚景盡收眼底嘅絕景觀景台✨

企喺展望所，眼前就係湛藍又靚嘅若松瀨戶，
同埋連接島嶼嘅若松大橋。
平靜嘅海面配上綠意盎然嘅島嶼，
成個景色靚到令人忍唔住拎部相機出嚟影相📸

由高處望落去，可以慢慢欣賞一個又一個島嶼連綿而成、屬於五島列島獨有嘅壯麗景色。
海景仲會隨住時間同天氣呈現唔同面貌，最啱喺度放慢腳步，悠閒咁欣賞眼前美景🌿

自駕遊或者跳島旅行途中，都好適合順道過嚟，
喺大自然包圍之下休息一陣。想欣賞五島列島獨有嘅海島風景，
呢度絕對係一個值得到訪嘅觀景勝地♪

🌎網站：https://www.discover-nagasaki.com/en/sightseeing/100066

#新上五島町 #長崎旅行 #五島列島 #若松瀨戶 #龍觀山展望所

【融入日常生活嘅餐具✨ 逾歷史400年嘅「波佐見燒」🍽️】擁有約400年歷史嘅「波佐見燒」誕生於長崎縣波佐見町。特徵係純淨細膩嘅白瓷，配上優雅嘅藍色彩繪。堅固耐用又實用，多年以來一直深受大家喜愛，成為日常餐桌上不可或缺嘅餐具✨江戶時代，被稱...
27/08/2026

【融入日常生活嘅餐具✨ 逾歷史400年嘅「波佐見燒」🍽️】
擁有約400年歷史嘅「波佐見燒」誕生於長崎縣波佐見町。
特徵係純淨細膩嘅白瓷，配上優雅嘅藍色彩繪。
堅固耐用又實用，多年以來一直深受大家喜愛，成為日常餐桌上不可或缺嘅餐具✨

江戶時代，被稱為「くらわんか碗」嘅餐具在庶民生活中廣泛流行。
依家嘅波佐見燒雖然保留咗傳統技藝，但同時加入咗極簡同現代化嘅設計，
仲有豐富多樣嘅色彩。由餐具、筷子架到小碟，各種產品都好受年輕一代歡迎。

喺波佐見町，陶器製作採用分工制度，
由「陶土屋」、「生地屋」、「窯元」、「上繪屋」等不同工匠負責各自嘅專業工序，
代代相傳高品質嘅製陶技術。

無論係日常使用、旅行紀念，定係送禮都非常適合。
去長崎旅遊時，不妨揀返一件自己鍾意嘅波佐見燒，
將呢份結合歷史同生活美學嘅餐具帶返屋企吧✨

🌎網站：https://www.discover-nagasaki.com/zh-TW/sightseeing/62925

#波佐見燒 #長崎旅行 #陶瓷 #長崎 #手信 #日本旅行

住所

尾上町3番1號
Nagasaki, Nagasaki
8508570

営業時間

月曜日 09:00 - 18:00
火曜日 09:00 - 18:00
水曜日 09:00 - 18:00
木曜日 09:00 - 18:00
金曜日 09:00 - 18:00

ウェブサイト

アラート

長崎玩樂新發現がニュースとプロモを投稿した時に最初に知って当社にメールを送信する最初の人になりましょう。あなたのメールアドレスはその他の目的には使用されず、いつでもサブスクリプションを解除することができます。

事業に問い合わせをする

長崎玩樂新發現にメッセージを送信:

ショートカット

共有する

カテゴリー