14/06/2024
⚖️ Urubanza rwa Émilienne rwongeye kwumvirizwa : twibukanye igitumye avundira mu gasho
🕰️ Nk'isaha zine n'iminota mirongo ine (10h40), niho abaje kumviriza urubanza rwa Emilienne Sibomana binjira aho rwumviririzwa, muri sentare nkuru ya Gitega.
👆🏾 Emilienne Sibomana yari umunyamabanga kw’ishure ryisumbuye Christ-Roi ryo ku Mushasha, i Gitega. Apfunzwe azira ko itariki 27 Nzero 2023, imbere y’umushikiranji w’indero, yatuye ku mugaragaro ko umuyobozi w’iryo shure yoba afata ku nguvu abanyenshure ajejwe.
😏 Naho yubahutse gushira ahabona ico kibi, mbere akanatanga ikimenyetso ko hari imatera mu biro vy’uyo muyobozi, nta gusuzuma canke amatohoza vyabayeho. Ahubwo, yaciye afatwa, arapfungwa.
🤔 Mu gutangara kwinshi, Émiliene yagize ati : ‘’Nashize ahabona ayo mabi kw’izina rya sendika, sintahura igituma naciye mpfungwa ku gatwe kanje’’ : https://shorturl.at/M4bwy. Muri Mukakaro 2023, sentare nkuru ya Gitega yamuciriye umunyororo w’imyaka 5, n’ihadabu ry’imiriyoni zitanu z’amafaranga y'amarundi, yagirizwa icaha co kwagiriza umuntu ata vyemezo afise : https://shorturl.at/godws.
Itariki 18 Ndamukiza 2024, urubanza rwiwe niho rwategerezwa gusasa, ruca rwungururizwa itariki 13 Ruheshi 2024. Uwo musi, umumenyeshamakuru wa Yaga yari kwumviriza urubanza basavye ko yosohorwa : https://shorturl.at/TpR2i.
⁉️ Gushika ubu, hari utubazo tutari duke kw’ipfungwa rya Emilienne : mbega ubutungane bwoba bwaraburagijwe mu gutomora urwo rubanza ? Kuki hatabayeho isuzumwa n'amatohoza kuvyo uwo muyobozi yagirizwa ?
Umushingwamanza Edgar Muhirwe aburanira Émilienne, we atangazwa n’ukuntu amatohoza ashimikira ku caha co kwagiriza umuntu ata vyemezo, ha gushimikira ku caha co gufata abana ku nguvu umuyobozi yagirizwa.
🤷🏾♀️ Ubwo none mu rubanza rwo kuri uyu wa 13 Ruheshi, ivyo bibazo biraronka inyishu ? Reka turindire ikiza kuva muri Sentare, i Gitega.
