27/08/2024
ភ្នំខ្នងព្រះអង្គ ខេត្តពោធិ៍សាត់
__________________________
ភ្នំខ្នងព្រះអង្គ មានរឿងរ៉ាវ និងរឿននិទានជាច្រើនទាក់ទិន
អំពី តំបន់ប្រវត្តិសាស្រ្តមួយនេះ អ្នកខ្លះហៅថាខ្នងព្រះអង្គ
ខ្លះក៏ហៅថា ព្រះបាទជាន់ផ្អៀង ខ្លះទៀតក៏ហៅថាផ្នូរនាងពៅ
ខ្លះក៏ហៅថា ប្រលានលាងសត្វ ខ្លះក៏មានឃើញដូនជីស្លៀកសរស់នៅសមាធិ-ទានសីល រួចហៅថា ពយដូនជី។
នៅលេីកំពូលភ្នំ មានវាលស្មៅខៀវស្រងាត់មួយដ៏ធំ អមដោយ
អាកាសធាតុត្រជាក់ ពពក អ័ព្ទ និងមានព្រៃព្រឹក្សា
នៅពីក្រោមជេីងភ្នំ អ្វីកាន់តែពិសេសជាងនេះ
គឺមានរូបចម្លាក់ នៅលេីផ្ទាំងថ្មដែលបន្សល់តាំងពី
យូរណាស់មកហេីយ។
កម្រមានអ្នកស្គាល់ និងទៅដល់ទីនោះក្រៅពីព្រានព្រៃ។
ភ្នំខ្នងព្រះ មានកម្ពស់ប្រមាណ ១២០០ម៉ែត្រ ស្ថិតនៅសហគមន៍ម៉ុងរី ឃុំប្រម៉ោយ ស្រុកវាលវែង ជាប់ព្រំប្រទល់នឹងស្រុកភ្នំក្រវ៉ាញ ខេត្តពោធិសាត់ ។
ដេីម្បីទៅដល់ទីនោះ យេីងត្រូវធ្វេីដំណេីរដោយមធ្យោបាយ
យានយន្ត រួចជិះសាឡាងឆ្លងទៅកាន់ភូមិ (សម្រាប់ម៉ូតូ និងថ្មេីរជេីង)។ ដល់ភូមិយេីងត្រូវបន្តដំណេីរប្រមាណ១០គីឡូម៉ែត្រដោយគោយន្ត ឬម៉ូតូ (ផ្លូវដីពិបាក និងរអិល) ដល់ចុងភូមិ ជាពេលដែរត្រូវធ្វេីដំណេីរដោយថ្មេីរជេីងទៅកាន់កំពូលភ្នំ ចម្ងាយប្រមាណ ១៨គីឡូម៉ែត្រ ដោយដេីរកាត់ចំការក្រូច
ឆ្លងទឹកជាច្រេីនកន្លែង មានត្រឹមកជេីង រហូតដល់ត្រឹមចង្កេះក៏មាន កន្លែងខ្លះទៀតមានទឹកហូរខ្លាំងពិបាកក្នុងការដេីរឆ្លង
(គួរត្រៀមខ្សែពួរសម្រាប់ការពារគ្រោះថ្នាក់ដោយប្រការណាមួយ)។ តាមផ្លូវមានព្រៃក្រាស់ៗ គ្មានដានដេីរចាស់ ពេលខ្លះបងខាងសហគមន៍ ត្រូវត្រួសត្រាយមែកឈេីខ្លះៗ ទេីបមានផ្លូវដេីរ។ ដេីរកាន់តែកៀកកំពូល ចំណោទខ្ពស់ៗកាន់តែច្រេីន គ្មានមែកឈេី ឬវល្លិ៍សម្រាប់តោង គឺមានតែវារឡេីងភ្នំ។ ទីបំផុតក្រុមយេីងក៏ទៅដល់កំពូល ភ្នំខ្នងព្រះអង្គ ដោយចំណាយពេលប្រមាណ១យប់ ២ថ្ងៃ ដោយបោះតង់គេងកណ្តាលផ្លូវ។ ដោយសារក្រុមយេីងចេញដំណេីររៀង
រសៀលបន្តិច។ គួរបញ្ជាក់ផងដែរ តាមបទពិសោធន៍លេីកនេះ យេីងគួរទៅដល់ភូមិ និងចេញដេីរឡេីងភ្នំពីព្រលឹម ជារឿងល្អបំផុត ដែលយេីងអាចឡេីងដល់កំពូល មុនមេឃងងឹត។
សូមរៀបចំទុកដាក់សម្រាមអោយមានរបៀបរៀបរយ ដេីម្បីអោយតំបន់ទេសចរកាន់តែស្រស់ស្អាត។
__________________________
អត្ថបទ៖ រស់ សន្ធិ
សហគមន៍៖ បងហ៊ូយ 0973461599
