Temple Hunter

11/01/2023

The remains of over 3000 archaeological sites visited before 2008. ALL BUILT BY KHMER

22/09/2017

មួយរយៈនេះរវល់បន្តិច តែបានឃើញមានបងប្អូនមួយចំនួនបានចាប់ផ្តើមផ្តល់ចំណាប់អារម្មណ៍ដល់គណនីខ្ញុំ ខ្ញុំសូមថ្លែងអំណរគុណ និងសន្យាថាក្នុងពេលឆាប់ៗនេះ នឹងសរសេរអំពីប្រាសាទមួយដែលស្ថិតនៅក្នុងខេត្តព្រះវិហារ អោយស្របពេលទៅហ្នឹងពេលដែលខេត្តមួយនេះត្រូវបានទទួលចំណាប់អារម្មណ៏ពីមហាយក្សចិន។

14/09/2017

C

20/06/2017

កាលពីថ្ងៃទី ១៧ ខែមិថុនា ឆ្នាំ២០១៧ ខ្ញុំបានទៅចូលរូមប្រជុំនៅស្រុកក្រូចឆ្មា ខេត្តត្បូងឃ្មុំ ដោយធ្វើដំណើរតាមផ្លូវជាតិលេខ ៦ លេខ ៧ លេខ ២២២ និងឆ្លងសាឡាងទៅកាន់ផ្លូវលេខ ៣០៨។ នៅពេលធ្វើដំណើរតាមផ្លូវជាតិលេខ ៧ ដោយបំបែកចេញពីទីប្រជុំជនស្គន់ បានប្រមាណ ១០ គម ក៏បានដល់ផ្លូវដីក្រហមបំបែកទៅស្តាំមួយឆ្ពោះទៅវត្តស្រង៉ែ។ ដោយសម្លឹងទៅកើតតាមខ្សែផ្លូវនោះក៏នឹកភ្នកដល់ប្រាសាទមួយដែលមានឈ្មោះថា គុកតាព្រហ្ម។ បើតាមចាំប្រាសាទនេះស្ថិតនៅតាមដងផ្លូវដោយមានចំងាយប្រមាណ ០.៥ គម ពីផ្លូវបំបែក។ សំណង់បុរាណនេះត្រូវបានធ្វើឡើងពីថ្មបាយក្រៀម ដោយមានទំហំប្រមាណ ២ ម៉ែត្រគុណនឹង ២ ម៉ែត្រ និងកំពស់ប្រមាណ ២ ម៉ែត្រ។ បើនិយាយលក្ខណៈសំណង់វិញគឺបើកចំហរទាំង ៤ ទិស។ តាមរយៈកម្មវិធីចុះបញ្ជីប្រាសាទបុរាណដែលបានធ្វើឡើងនៅមុនឆ្នាំ ២០០៨ គុកតាព្រហ្មនេះត្រូវបានចុះចូលក្នុងបញ្ជីបេតិកភណ្ឌលេខ ១២៧។ បើចង់ឃើញច្បាស់ហ្នឹងភ្នែកទៅអើតមើលបន្តិចទៅ។ (this week tip, I would rather introduce one Temple named K*k Ta Prohm where located around 10 km east of Skun market. It is the laterite Temple which constructed in small dimensions and open to the main four directions)

16/06/2017

ថ្វីត្បិតខ្ញុំធ្លាប់បាននិយាយពីប្រាសាទមួយមានឈ្មោះថាព្រះខ្ពុរម្តងនៅក្នុងគណនីផ្ទាល់របស់ខ្ញុំ តែទីនេះខ្ញុំសូមលើកមកបង្ហាញម្តងទៀត។ ប្រាសាទនេះមានទីតាំងស្ថិតនៅក្នុងឃុំរណសិរ្ស ស្រុកសង្គមថ្មី ខេត្តព្រះវិហារ ដោយមានទីតាំងស្ថិតនៅចំងាយប្រមាណ ៦ គម ភាគនិរតីពីភូមិតាបស់ តែបើធៀបទៅនឹងក្រុមប្រាសាទបាកានវិញ ព្រះខ្ពុរនេះមានចំងាយប្រមាណ ១១ គម ភាគពាយព្យពីបន្ទាយក្នុង។ បុព្វបុរសយើងបានជ្រើសរើសយកទីតាំងប៉ែកខាងកើតនៃភ្នំត្នោតដើម្បីសាងសង់ប្រាសាទនេះ ដែលជាប្រភេទប្រាសាទសង់ពីលើរូងនិងមានសំណង់ថ្មបាយក្រៀមនៅពីខាងក្រៅ។ បើចង់ស្វែងយល់ច្បោលៗបន្ថែមទៀត សូមចូលទៅ www.cisark.mcfa.gov.kh រួចស្វែងរកប្រាសាទដែលមានលេខចុះបញ្ជី ២៣៤ តែបើចង់ស្វែងយល់អោយច្បាស់សូមទៅកាន់ទីនោះផ្ទាល់។

16/06/2017

I was named Temple Hunter in 2008 by Alison Carter while she was publishing in her own web page (https://alisonincambodia.wordpress.com/2008/05/22/there-are-over-4000-archaeological-sites-in-cambodia/)

14/06/2017

ហេតុអ្វីក៏មានទីតាំងស្ថានីយ៍បុរាណច្រើនយ៉ាងនេះ?

បង្ហាញទីតាំង និងពណ៌នាពីប្រាសាទដែលនៅកំបាំង​ (make you realize the isolated temple)