Chhayakim Private Angkor Wat Tours, River Road, Siem Reap (2026)

08/01/2024

«ម្គុដ» នុងស្អីគេលោក?
អគុណ ដែលបញ្ចេញឈ្មោះរបស់ខ្ញុំ🙏

និយាយក្នុងនាមអ្នកសារព័ត៌មាន ឬក្នុងនាមលោកជាមន្ត្រីកងកំលាំង? ខ្ញុំពិបាកយល់ណាស់?

👉ចង់ដឹងរឿងមកជួបខ្ញុំ កុំជំទាលយកបុង?
👂ស្ដាប់មិនយល់មិនមែនជាកំហុសអ្នកនិយាយនោះទេ មកពីអ្នកស្ដាប់គាត់នៅមានកំរិត🤣

មិនចង់តបត តែបើចង់លេង ក៍លេងដល់ទីបញ្ចប់ លោកវរសេនីយ៍ត្រី អ្នកសារព័ត៌មាន 👍

30/12/2023

ប្រតិមាព្រះលោកេសូរ
----------------------
ព្រះលោកេសូរ ជាព្រះពោធិសត្វមួយអង្គ ក្នុងចំណោមពោធិសត្វជាច្រើនអង្គទៀតនៃពុទ្ធសាសនាមហាយាន(យានធំ) និងជាអាទិទេពដ៏កំពូលនៃសេចក្តីមេត្តាករុណា។ លក្ខណៈសម្គាល់ព្រះលោកេសូរគឺមានព្រះពុទ្ធរូបព្រះនាម «អមិតភៈ» នៅលើភ្នួងសក់និងរាប់ពាន់នៅពាសពេញដងខ្លួន និងដៃជើង ដែលជានិមិត្តរូបនៃពន្លឺគ្មានព្រំដែន។ ជនជាតិខ្មែរនិយមឆ្លាក់បង្ហាញ ប្រតិមាអង្គនេះមានព្រះហស្តពីរ បួន ប្រាំបី និងដប់ ហើយកេតនភណ្ឌរបស់ព្រះអង្គមានដូចជា៖ ផ្កាឈូក ផ្គាំ ថូទឹកអម្រឹត និងគម្ពីរ។
ក្នុងបរិបទជំនឿ ជនជាតិខ្មែរនិយមគោរពប្រតិបត្តិព្រះលោកេសូរតាំងពីបុរាណរហូតដល់បច្ចុប្បន្ន ដ្បិតគេឃើញមានរូបចម្លាក់បង្ហាញពីវត្តមានរបស់ព្រះអង្គជាប្រតិមាសំរឹទ្ធសម័យមុនអង្គរ និងនៅតាមប្រាសាទខ្លះជាប្រតិមាទោលថ្មភក់ និងខ្លះទៀតឆ្លាក់ជាក្បាច់ក្រឡោតនៅតាមជញ្ជាំងប្រាសាទ ដូចជាព្រះលោកេសូរព្រះហស្ត១០ នៅប្រាសាទបន្ទាយឆ្មារ ក្នុងរជ្ជកាលព្រះបាទជ័យវម៌្មទី៧។
ប្រតិមាព្រះលោកេសូរដែលកំពុងបង្ហាញនេះធ្វើពីសំរឹទ្ធឈរនៅលើទម្រត្របកឈូកផ្ងារនិងផ្កាប់ សក់ក្រងធ្លាក់មកលើស្មាសង្ខាង ថ្ពាល់ពេញ មុខទ្រវែង ត្របកភ្នែកធ្លាក់បន្តិច កងពន្លឺនៅពីក្រោយព្រះកេសភ្ជាប់នឹងស្មា។ ព្រះអង្គលើកព្រះហស្តទាំងទ្វេឡើងត្រឹមព្រះឱរា រីឯព្រះហស្តឆ្វេងកាន់ថូ ចំណែកព្រះហស្តស្តាំប្រហែលជាកាន់អង្គាំ(បាត់)។ ប្រតិមាអង្គនេះស្លៀកសំពត់សំយុងដល់ត្រឹមកជើងមានស្នាមឆ្នូតនៅកណ្តាល និងសងខាងហើយមានសង្វារចង្កេះមានក្បាច់។ ប្រតិមាអង្គនេះស្ថិតក្នុងសិល្បៈសម័យមុនអង្គរនៃរចនាបថកំពង់ព្រះ(?) នាសតវត្សរ៍ទី៨ មកពីវត្តព្រះធាតុ ស្រុកទ្រាំង ខេត្តតាកែវ។
លក្ខណៈទូទៅរបស់សិល្បៈប្រតិមាលោកេសូរសំរឹទ្ធនេះបង្ហាញយ៉ាងច្បាស់អំពីទំនាក់ទំនងរវាងសិល្បៈខ្មែរ និងសិល្បៈចាម្បនៃអាណាចក្រស្រីវិជ័យ ដែលព្រះពុទ្ធសាសនាថ្កុំថ្កើងខ្លាំងនៅសតវត្សរ៍ទី៨ ហើយរីកដុះដាលទៅលើជ្រោយម៉ាឡាយូ។ សព្វថ្ងៃប្រតិមាអង្គនេះ ដាក់តាំងបង្ហាញនៅសារមន្ទីរជាតិក្នុងថែវសំរឹទ្ធ។
ប្រភពឯកសារ
-សារមន្ទីរជាតិ

30/12/2023

មុខលិង្គ
----------
នៅក្នុងសិល្បៈខ្មែរនាសម័យមុនអង្គរ គេនិយមបង្ហាញព្រះឥសូរក្នុងទម្រង់ជាលិង្គ។ រហូតមកដល់សម័យអង្គរទើបមានការឆ្លាក់ព្រះឥសូរជារូបរាងមនុស្ស និងទទួលបានការគោរពប្រតិបត្តិយ៉ាងខ្ជាប់ខ្ជួនពីព្រះមហាក្សត្រខ្មែរ ។ លិង្គតំណាងឲ្យព្រះឥសូរ ហើយក៏ជានិមិត្តរូបនៃភោគផល។
លិង្គមានទម្រង់ច្រើនសណ្ឋាន ទៅតាមតាមជំនឿ និងការគោរពប្រតិបត្តិ។ ដោយឡែកសិល្បៈការបង្ហាញលិង្គនេះ វិវឌ្ឍន៍ទៅតាមសម័យកាលនីមួយៗ។ លិង្គកើតឡើងពីធម្មជាតិហៅថា «ស្វយំភូលិង្គ» ដោយគេសន្មតយកដំបូកឬភ្នំធម្មជាតិដែលមានរាងមូលទ្រវែងមានសណ្ឋានដូចលិង្គធម្មជាតិ។ ចំណែកលិង្គបង្កើតដោយស្នាដៃមនុស្សហៅថា «ស្ថាបនិកលិង្គ» មានរាងមូល និងជ្រុង។
រីឯលិង្គមួយប្រភេទទៀតមានមុខមនុស្សហៅថា «មុខលិង្គ»។ ជាក់ស្ដែងវត្ថុពិចិត្រនៅសារមន្ទីរជាតិដែលកំពុងបង្ហាញនេះហៅថា មុខលិង្គ (ក.1622) មានប្រភពមកពីវត្តពោធិមេត្រីយ៍នៅខេត្តតាកែវ ក្នុងសម័យមុនអង្គរ នាសតវត្សរ៍ទី៧-៨ មានឆ្លាក់បង្ហាញមុខមនុស្សដូចដែលរៀបរាប់ខាងលើ។
សណ្ឋានមុខលិង្គទាំងមូលមាន៣ថ្នាក់ខុសៗគ្នា បង្ហាញពីនិមិត្តរូបនៃអាទិទេពធំៗទាំងបីនៃព្រហ្មញ្ញសាសនា។ នៅផ្នែកក្រោមនៃលិង្គមានរាងបួនជ្រុង តំណាងឲ្យព្រះព្រហ្មដែលមានមុខបួន និងជាអ្នកត្រួតត្រាលើទិសទាំងបួន។ ផ្នែកកណ្តាលមានរាងអដ្ឋកោណ (៨ជ្រុង) តំណាងឲ្យព្រះនារាយណ៍ក្នុងឋានៈជាទេពគ្រប់គ្រងបញ្ជាទៅទិស និងអនុទិសទាំង៨។ រីឯនៅលើកំពូលនៃលិង្គមានរាងមូលពងក្រពើតំណាងឲ្យព្រះឥសូរ ជានិមិត្តរូបនៃចក្រវាឡហើយគ្មានទីបញ្ចប់ និងមានឆ្លាក់បង្ហាញមុខមនុស្សនៅចំកណ្តាល ភ្ជាប់ខ្សែឆ្កូតតូចស្តើងទៅលើដូចជារូបពិតនៃលិង្គ។
ប្រភពឯកសារ៖
-សារមន្ទីរជាតិ
-សារមន្ទីរជាតិ ២០០៦ «វត្ថុពិចិត្រនៅសារមន្ទីរជាតិ» ផ្សព្វផ្សាយដោយ Friends of Khmer Culture, Inc. សហរដ្ឋអាមេរិក
-ឡុង ប៉ុណ្ណាស៊ីរីវត្ថ ១៩៩៤ «ទម្រង់និងការគោរពលិង្គព្រះឥសូរនៅស្រុកខ្មែរ» និក្ខេបបទបញ្ចប់បរិញ្ញាប័ត្របុរាណវិទ្យា មហាវិទ្យាបុរាណវិទ្យា ជំនាន់ទី១ សាកលវិទ្យាល័យភូមិន្ទវិចិត្រសិល្បៈ៕

ប្រភព៖ ប្រយុទ្ធ

30/12/2023

ទំនាក់ទំនងរវាងព្រះឥន្ទ្រ និងទឹកភ្លៀង
----------------------------------------
ព្រះឥន្ទ្រជាអាទិទេពគ្រប់គ្រងលើទេពនិករផ្សេងៗលើស្ថានសួគ៌។ ព្រះអង្គក៏មានតួនាទីជាទេពខាងចម្បាំង ជាអ្នកបង្អុរទឹកភ្លៀង និងជាទេពប្រចាំទិសខាងកើត។ នៅក្នុងសិល្បៈខ្មែរការបង្ហាញទម្រង់ព្រះឥន្ទ្រ ជានិច្ចកាលតែងឆ្លាក់គង់នៅលើយាន្តជំនិះរបស់ព្រះអង្គគឺដំរីក្បាលបីដែលមានឈ្មោះថា“ឰរាវត“។ ហើយកេតនភណ្ឌរបស់ព្រះអង្គមានដូចជា៖ គ្រាប់រន្ទះ(វជ្រ) ស័ង្ខ ធ្នូ ព្រួញ និងផ្លែសន្ទូច។ ក្នុងបរិបទជំនឿខ្មែរនិយមគោរព ប្រតិបត្តិព្រះឥន្ទ្រតាំងពីបុរាណរហូតមកដល់បច្ចុប្បន្ន ដ្បិតគេឃើញមានរូបចម្លាក់បង្ហាញអំពីវត្តមានរបស់ព្រះឥន្ទ្រនៅតាមប្រាសាទ ក៏ដូចជាគំនូរនៅតាមវត្តអារាមនានា។
មានទេវកថាមួយចំនួនបានដំណាលទាក់ទងនឹងព្រះឥន្ទ្រថា ៖ មានអសុរឈ្មោះ “វ្រិត្ត្រ” ប្រមូលទឹកយកទៅទុក ធ្វើឲ្យកើតគ្រោះរាំងស្ងួតនៅលើផែនដី។ ដោយយល់ហេតុខាងលើនេះទើបព្រះឥន្ទ្រទ្រង់យកគ្រាប់រន្ទះចោលទៅអសុរនោះបង្កើតបានជាផ្លេកបន្ទោរហើយភ្លៀងក៏បង្អុរធ្លាក់ចុះមក។ ឈុតឆាកត្រង់ព្រះឥន្ទ្រគង់លើដំរីក្បាលបីចោលគ្រាប់រន្ទះទៅអសុរៈនេះតែងនិយមបង្ហាញនៅលើហោជាង និងផ្តែរប្រាសាទខ្មែរសម័យអង្គរ។
ជាក់ស្តែងតាមរយៈសមុច្ច័យសារមន្ទីរជាតិកម្ពុជាមានផ្តែរប្រាសាទ (ក.1663) មានប្រភពមកពីខេត្តបាត់ដំបង ស្ថិតក្នុងសម័យអង្គរ និងផ្តែរប្រាសាទ (ក.2086) មានប្រភពមកពីវត្តបុទុមបុប្ផារាម(វត្តខ្នារ) ភូមិខ្នារ ឃុំស្នាមព្រះ ស្រុកបាកាន ខេត្តពោធិ៍សាត់ ស្ថិតក្នុងរចនាបថបាខែង។ សព្វថ្ងៃផ្តែរទាំងពីរនេះកំពុងដាក់តាំងបង្ហាញនៅចន្លោះរបៀងនៃសាលសម័យអង្គរនិងក្រោយសម័យអង្គរ សារមន្ទីរជាតិ។ ក្រៅអំពីការបង្ហាញចម្លាក់ព្រះឥន្រ្ទចោលគ្រាប់រន្ទះនៅលើផ្តរប្រាសាទ យើងក៏ឃើញមានការបង្ហាញឈុតឆាកនេះនៅលើហោជាងប្រាសាទនាសម័យអង្គរ។ ជាក់ស្តែងការបង្ហាញចម្លាក់យ៉ាងរស់រវើក ត្រង់ឈុតព្រះឥន្ទ្រចោលគ្រាប់រន្ទះនៅលើហោជាងមួយនៃប្រាសាទបន្ទាយស្រីនាស.វ.ទី១០នៃគ.ស.។ វត្តមានរបស់រូបព្រះឥន្ទ្រក្នុងសិល្បៈខ្មែរ ជាជំនឿមួយដែលចង់បង្ហាញពីទំនាក់ទំនងជិតស្និទ្ធរវាងទេព និងទឹកភ្លៀង។
ប្រភពឯកសារ៖ ១.សារមន្ទីរជាតិ

30/12/2023

ប្រតិមានាងកាលី «ទេពស្រីគង់លើសត្វទីទុយ»

ប្រតិមានាងកាលីត្រូវបានរកឃើញនៅក្នុងតួប៉មសង់ពីឥដ្ឋ នៅប្រាសាទក្រហម។ តួប៉មនេះជា ទ្វារកំពែងទី៣ ចូលប្រាសាទធំ។ លោក George Groslier បានប្រមូលកំណាត់ខ្លួនទេពស្រី បំណែកបល្ល័ង្ក ឬបំណែករូបផ្សេងៗទៀតមករក្សាទុកនៅសារមន្ទីរឆ្នាំ១៩២៣។
នៅពីឆ្នាំ២០១២ ជើងទម្ររបស់ប្រតិមានាងកាលីមានស្នាមជង្គង់ជាប់ជាមួយត្រូវបានរក្សាទុកក្នុងសារមន្ទីរជាតិ ក្រោយបីឆ្នាំមកទៀត បំណែកត្រគាកត្រូវបានប្រទះឃើញនៅក្បែរប្រាសាទក្រហមនេះដែរ។ សព្វថ្ងៃបំណែកទាំងអស់នេះត្រូវបានផ្គុំចូលគ្នាស្ទើរពេញលក្ខណៈទាំងស្រុង។
ប្រតិមានាងកាលី រងការខូចខាតខ្លាំងតាមពេលវេលា ការរលំធ្លាក់ ការលួចជីកកកាយ ការឆេះព្រៃ និងសំណើមខ្ពស់ ធ្វើឲ្យមានសារធាតុអំបិលជាប់សាច់ថ្ម បណ្ដាលឲ្យពុកផុយ របេះសាច់ថ្មត្រង់ដងខ្លួនចេញពីជើងទម្រ។ សម្រាប់ការជួសជុលពង្រឹងផ្នែកពុកផុយរបស់ប្រតិមានេះមិនងាយស្រួលឡើយ ដោយសារបច្ចេកទេសប្រើប្រាស់នៅមានកម្រិត ដែលត្រូវមានភាពអត់ធ្មត់ និងប្រើពេលយូរតាមបែបបុរាណវិទ្យា។ ការជួសជុលនេះគ្រាន់តែថែរក្សាការពារកន្លែងដែលទ្រុឌទ្រោមកុំឲ្យខូចខាតបន្តទៀត មិនតម្លើង ឬបន្ថែមរូបរាងដូចដើមទេ។ ទោះស្ថិតក្នុងស្ថានភាពខូចខាត ក៏សោភ័ណភាពនៃសក់រួចប៉ប្រះស្មា និងលម្អសត្វទីទុយត្រង់ជើងទម្របួនទិស នៅតែបង្ហាញភាពស្រស់ស្អាត និងអំណាចឫទ្ធានុភាពរបស់ទ្រង់៕
ប្រភពប្រយុទ្ធ

Address

River Road
Siem Reap
17252

Telephone

+85512315867

Website

https://www.tripadvisor.com/Attraction_Review-g297390-d4931411-Reviews-Chhayakim_Private_Angkor_Wat_Tours-Siem_Reap_Siem

Alerts

Be the first to know and let us send you an email when Chhayakim Private Angkor Wat Tours posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Chhayakim Private Angkor Wat Tours:

Chhayakim Private Angkor Wat Tours

08/01/2024

30/12/2023

30/12/2023

30/12/2023

30/12/2023

Address

Telephone

Website

Alerts

Contact The Business

Shortcuts

Share

Category

Listing takedown request